കിളിത്തട്ട്‌

അലഞ്ഞുതിരിയല്‍

2012-01-26T17:29:00.000-08:00

''Translation is not a matter of words only; it is a matter of making intelligible a whole culture''

Anthony Burgess Wilson

വിവര്‍ത്തനം എന്ന കര്‍മ്മത്തിലൂടെ ഒരു കൂട്ടം വാക്കുകളല്ല ഒരു സംസ്കാരമാണ് വായനക്കാരനിലേയ്ക്ക് പ്രവഹിക്കുന്നത്. ഒരു വിവര്‍ത്തകന്റെ ഉത്തരവാദിത്വം കൃതിയിലെ സംസ്കാരം വായനക്കാരന് പകരുക എന്നതാണ്. സാഹിത്യവും സംസ്കാരവും ഒന്നുപോലെ പകരുന്നതില്‍ വിവര്‍ത്തകന് അതിപ്രധാനമായ പങ്കു വഹിക്കാനുണ്ട്.

ആധുനിക ചൈനീസ് സാഹിത്യത്തിന്റെ പിതാവായ ലുഷൂണിന്റെ 'Wandering'

എന്ന കഥാസമാഹാരത്തിലെ 11 കഥകളിലെ സാഹിത്യവും സംസ്കാരവുമാണ് പി.കെ.സുധി 'അലഞ്ഞുതിരിയല്‍'ലില്‍ വായനക്കാരന് നല്‍കുന്നത്.മനസ്സില്‍ തുളുമ്പിയത് അതേ വിധത്തിലെഴുതുന്നതാണ് യഥാര്‍ഥകല എന്നു പറയുന്ന ലൂഷൂണിന്റെ കഥകളുടെ വിവര്‍ത്തനം ആയാസ രഹിതമാകാന്‍ ഒരു നിവൃത്തിയുമില്ല.

മധുശാലയില്‍

ഒരു മധുശാലയില്‍ രണ്ട് സുഹുത്തുക്കളുടെ കുടിക്കാഴ്ചയാണ് ഈ കഥ. മനസ്സിന്റെ കോണുകളിലെവിടെയൊക്കെയൊ പോറലുകളേല്‍പിക്കുന്ന ചില അനുഭവങ്ങള്‍ ലൂവേയ്ഫുവിനൊപ്പം നാമും പങ്കവയ്ക്കുന്നു. പ്രക്യതിയും പരിസരവും മനുഷ്യനോടൊപ്പം മാറുന്നുണ്ട്.പശ്ചാത്തലാവതരണത്തില്‍ ലൂഷൂണ്‍ വളരെ ശ്രദ്ധിക്കുന്നുണ്ട്.ആ പരിസരത്തെയാകെ മലയാളത്തിലേക്ക്

മനോഹരിമായി മാറ്റിയെഴുതിയ വിവര്‍ത്തകനു് ചില വരികളിലെ ധാരാളിത്തം

ഒഴിവാക്കാമായിരുന്നുവെന്ന്തോന്നി.[ഉദാ: "ക്രിംസണ്‍ പൂവുകള്‍ മഞ്ഞുകാലത്തെ വെല്ലുവിളിച്ചു കൊണ്ട് അഹങ്കാരത്തോടെ തങ്ങളുടെ പുഷ്പകാലത്തെ തീജ്ജ്വാലമാതിരിപ്രദര്‍‍ശിപ്പിക്കുന്നു''എന്നത്' “ക്രിംസണ്‍ പൂവുകള്‍ മഞ്ഞുകാലത്തെ വെല്ലുവിളിച്ച് തങ്ങളുടെ പൂക്കാലം തീജ്വാലയാക്കി. എന്നു പറഞ്ഞാല്‍ എന്തെങ്കിലും കുറവുണ്ടാകുമോ? അറിയില്ല.] സ്വന്തം സഹോദരന്റെ നശിച്ചുകണ്ടിരിക്കുന്ന കുഴിമാടത്തില്‍ നിന്ന് ഭൗതികാവശിഷ്ടങ്ങള്‍ മറ്റൊരു സ്ഥലത്തേയ്ക്കു മാറ്റാന്‍ 'എസ്സ്'' ലെത്തിയ ലൂവേയ്ഫു വായനക്കാരുടെ മനസ്സിനെ മഥിക്കുന്നത് വിളറിയ നിറവും വട്ടമുഖവും നിറപീലക്കണ്ണുകളുമായി വേദനയായി മാറിയ അഷൂണിനെ കുറിച്ചു പറയുമ്പോഴാണ്. നവലോകത്തെ കുറിച്ചുള്ള സ്വപ്നങ്ങള്‍ പരാജയപ്പെടുമ്പോഴുണ്ടാകുന്ന നിരാശയും സുഹൃത്തുക്കള്‍ പങ്കുവെയ്ക്കുന്നുണ്ട്. ഒന്നിനെക്കുറിച്ചും ഉറപ്പില്ലാത്ത കാലഘട്ടം. കറുത്ത ആകാശത്തിനു താഴെ കട്ട പിടിച്ച മഞ്ഞിന്‍ വലകള്‍ കൊണ്ട് പരസ്പരം തുന്നിച്ചേര്‍ത്ത നിരത്തുകളും ഭവനങ്ങളും വാനക്കാരുടെ മനസ്സിലും മ‍ഞ്ഞ് അനുഭവിപ്പിക്കുന്ന ചിത്രങ്ങളാകുന്നു.

ഒരു പൊതുസ്ഥലത്തിന്റെ മാതൃക

വിവര്‍ത്തകന്റെ നിരീക്ഷണത്തെയും വിശകലനത്തെയും കാണിച്ചു തരുന്ന ഒരു കഥയാണിത്. പേരുപോലെ തന്നെ ഒരു പൊതുസ്ഥലത്തെ അതിന്റെ ഏറ്റവും സൂക്ഷ്മമായ ഭാവത്തെ ഒരു ചിത്രത്തിലെന്ന പോലെ അവതരിപ്പിക്കുന്നു. കണ്ടെത്തിയും അറിഞ്ഞും നന്നായി ആസ്വദിച്ചു ചെയ്ത വിവര്‍ത്തനമാകുമിത്. പൊതുസ്ഥലത്ത് നിന്നിരുന്ന ഒരു പോലീസുകാരനും തടവുപുള്ളിയും അവരെ കാണാന്‍ ഉന്തിത്തള്ളി കൂട്ടം കൂടുന്ന വ്യത്യസ്തരായ മനുഷ്യരുമാണ് ഈ കഥയുടെ അകത്തളം. ഒരു ദൃക്സാക്ഷി വിവരണത്തിന്റെ പ്രത്യേകതകളാണ് ഇതിനുള്ളത്.

മനുഷ്യ വിദ്വേഷി

വേയ് ലേയാന്‍ഷു എന്ന വിചിത്രനായവ്യക്തിയുടെജീവിതത്തിലൂടെകഥാകൃത്തിന്റെ യാത്രയാണ് മനുഷ്യവിദ്വേഷി.സാധാരണമനുഷ്യന്പെട്ടെന്ന്തിരിച്ചറി

യാനാകാത്ത എന്തൊക്കെയോ നന്മകള്‍ നിറ‍ഞ്ഞ വ്യക്തിയായിരുന്നു വേയ്. ആകെ ബന്ധുവായി ഉണ്ടായിരുന്ന അമ്മുമ്മയുടെ മരണത്തിന്റെ കണ്ണീര്‍ പൊഴിക്കാതെ ആളുകളെ അത്ഭുതപ്പെടുത്തിയ വേയ്.(ഏകനായി അയാള്‍ വാവിട്ട് നിലവിളിക്കുന്നുണ്ട്.) കുട്ടികളെ സ്നേഹിച്ചിരുന്ന വേയ്, താന്‍ നന്നായിജീവിക്കുന്നതു കാണാന്‍ ആരുമില്ലാത്തതിനാല്‍ ഉയര്‍ത്തി പിടിച്ചിരുന്ന വിശ്വാസങ്ങളെല്ലാം ഉപേക്ഷിക്കുന്ന വേയ്,സ്വന്തക്കാരുടെ നിലവിളികള്‍ പോലും കൂട്ടിനില്ലാതെ യാത്രയായ വോയ്.ലു, ഷൂണ്‍വേയുടെ ജീവിതത്തെ വളരെ ഭാവതീവ്രതയോടെ അവതരിപ്പിച്ചിരിക്കുന്നു. ആ തീവ്രത നമ്മിലേക്ക് പകര്‍ന്നു തരുന്നതില്‍ വിവര്‍ത്തകനും വിജയിച്ചു.

പഴയകാലത്തിനോടുള്ള പശാചാത്താപം

ജുവാന്‍ ഷെംഗിന്റെ കുറിപ്പുകള്‍

സീജൂണിനും ജുവാന്‍ ഷെംഗിനും ഇടയിലുള്ള പ്രണയവും വിട്ടുവീഴ്ചകളും ജീവിതവും വേര്‍പിരിയലുമാണ് ഈ കഥ. മാനസികാവസ്ഥകളെ നന്നായി വിശകലനത്തിനു വിധേയമാക്കുന്ന കഥ കൂടിയാണിത്.“സത്യം വെളിപ്പെടുത്താന്‍ ഏറെ ധൈര്യമാവശ്യമാണ്. പേടിത്തൊണ്ടനായ പുരുഷന്‍ സ്വയം കാപട്യത്തിനടിമപ്പെട്ട് ജീവിതത്തിലൊരിക്കലും പുതിയ വഴി കണ്ടെത്തുന്നില്ല.എന്തിന് അയാള്‍ നിലനില്‍ക്കുന്നില്ല.”ജുവാന്‍ ഷെംഗിന്റെ മാനസ സഞ്ചാരങ്ങള്‍ വായനക്കാരനെയുംചിലത്ചിന്തിപ്പിക്കുന്നു.വിസ്മൃതിയേയും, കാപട്യത്തേയും മാര്‍ഗദര്‍ശിയാക്കി ക്കൊണ്ട് മുന്നോട്ട് പോകുന്ന ഇന്നത്തെ ബുദ്ധി ജീവിസമൂഹത്തിന്റെ പ്രതിനിധി തന്നെയാണ് വെറുതെ പശ്ചാത്തപിക്കുന്ന ജുവാന്‍ തര്‍ജമ എത്രത്തോളം പ്രയാസമാണെന്ന് ജുവാന്‍ പറയുന്നുണ്ട്.

ആ ആയാസങ്ങളെ മറി കടന്ന് സിജൂണിന്റെയും ജുവാന്റെയും

മാനസിക ജീവിതാവസ്ഥകള്‍ വായനക്കാരനിലെത്തിച്ച P K

സുധിക്ക് അഭിമാനിക്കാം.

സോപ്പ്

ലോകത്ത്ഏതുകോണിലുംപെണ്ണിന്റെഅവസ്ഥഒരുപോലെയാണെന്ന് 'സോപ്പ് ' കാണിക്കുന്നു.വീട്ടിലായാലും തെരുവിലായാലും പെണ്ണിനോടുള്ള മനോഭാവം ഒന്നു തന്നെ. "പട്ടാളക്കാരോടും കൊള്ളക്കാരോടും ക്ഷമിക്കാം എന്നാല്‍ എല്ലാം തല കുത്തി മറിക്കുന്ന ഈ പെണ്‍കുട്ടികളോടു വയ്യ, ശരിക്കും അവരെ കൈകാര്യം ചെയ്യണം.”സിമിംഗിന്റെഭാര്യയുടെഅഭിപ്രായമാണത്.പെണ്ണ് എങ്ങനെയായിരിക്കണം എന്നതിന് ഓരോ സമൂഹത്തിനും ഒരു നിലപാടുണ്ട്. അതില്‍ നിന്നും വ്യതിചലിച്ചാല്‍ എറിയാന്‍ കല്ലുകളുമായി കാത്തു കാത്തു നില്‍ക്കുന്ന സമൂഹം. പാരമ്പര്യവും പുതുലോക വ്യവസ്ഥിതിയും തമ്മിലുള്ള സംഘട്ടനം ഈ കഥയില്‍ പ്രത്യക്ഷമാകുന്നുണ്ട്.'കുട്ടികള്‍ക്ക് മര്യാദയില്ല സമൂഹത്തിന് ധാര്‍മികബോധമില്ല.എന്തെങ്കിലും ഒറ്റ മൂലി ഉടനെ കണ്ടെത്തിയില്ലെങ്കില്‍ ചൈന തീര്‍ച്ചയായും തകര്‍ന്നു പോകും.' സിമിംഗിന്റെ അഭിപ്രായംഇന്നുംഏതൊരുരാജ്യത്തെയുംമുതിര്‍ന്നവരുടെജല്പനങ്ങള്‍തന്നെയാണ്.മാനസികാധ:പതനത്തിലേക്കു നീങ്ങുന്ന സമൂഹത്തെ വിമര്‍ശിക്കുകയും ചെയ്യുന്നുണ്ട്. പാശ്ചാത്യ വിദ്യാലയത്തിലെ പഠനത്തെക്കറിച്ചും അയാള്‍

പരിഹസിക്കുന്നുണ്ട്.

വിവാഹമോചനം

നാടിന്റെ സംസ്കാരവും, ആചാരങ്ങളും കടന്നു വരുന്ന സന്ദര്‍ഭങ്ങള്‍ ഈ കഥയില്‍ കടന്നു വരുന്നുണ്ട്.അയ്ഗുവിന്റെവിവാഹമോചനമാണ്പ്രമേയം.'ചെറിയ മൃഗം' എന്ന് അവള്‍ വിശേഷിപ്പിക്കുന്ന വിവാഹമോചനം ആഗ്രഹിക്കുന്ന ഭര്‍ത്താവിനെ വെറുതെ വിടാന്‍ തയ്യാറല്ല അയ്ഗു.ആചാരപ്രകാരംഏഴാംഗുരുവിന്റെ അഭിപ്രായത്തിന് കാത്തിരിക്കുകയാണ്. ഏഴാം ഗുരുവിന്റെ അധികാരത്തെക്കുറിച്ച് അധികമൊന്നും അറിയാത്ത അയ്ഗു തനിക്കു പറയാനുള്ളത് വെട്ടിത്തുറന്ന് ഗുരുവിനോടും പറയുന്നു. തന്റെ അഭിപ്രായങ്ങള്‍ക്കൊന്നുംഒരുവിലയില്ലാതാകുന്നത് അവളറിയുന്ന.ഗുരുവിന്റെഅഭിപ്രായപ്രകാരംപണംസ്വീകരിച്ച്വിവാഹമോചനത്തിന് അയ്ഗുവിന്റെ ബന്ധുക്കള്‍ തയ്യാറാകുന്നതോടെ ഗുരുവചനങ്ങള്‍ക്ക് എത്ര ശക്തിയുണ്ടെന്നും അവളറിയുന്നു.

ഗാവോ മാഷ് .

ചരിത്രാധ്യാപകനായി ഒരു പെണ്‍പള്ളിക്കൂടത്തിലെത്തുന്ന ചരിത്രപണ്ഡിതനായ ഗാവോ മാഷ് അധ്യാപകനെന്ന നിലയില്‍ തന്റെ പരാജയം തിരിച്ചറിഞ്ഞ് മടങ്ങുന്നു.നീതിബോധം നീറിക്കൊണ്ടിരിക്കുന്ന മനസുമായി

ചതുരംഗക്കളിയിലേര്‍പ്പെടുന്ന ആ അധ്യാപകന്റെ മനോനിലപാടുകള്‍ നമ്മുടെ മനസില്‍ ചില ചലനങ്ങള്‍ ഉണ്ടാക്കുന്നുണ്ട്. സാമൂഹ്യചാര്യങ്ങളെ സംരക്ഷിക്കാന്‍

പെണ്‍പള്ളിക്കൂടങ്ങള്‍ അടച്ചു പൂട്ടുന്നതിനെക്കുറിച്ചുള്ള ചിന്തയിലേക്കാണ് ഗാവോമാഷ് എത്തി നില്‍ക്കുന്നത്.

കെടാവിളക്ക്

ഒരു പ്രാദേശികപുരാവൃത്തത്തിന്റെപരിസരത്തില്‍മെനഞ്ഞെടുത്തതാണ് കെടാവിളക്ക്.ഗ്രാമത്തിന്റെ ഐശ്വര്യവും, ഭാഗ്യവുമായി നാട്ടുകാര്‍ കരുതുന്ന കെടാവിളക്ക് കെടുത്തുമെന്ന് പറഞ്ഞു നടക്കുന്ന യുവാവും അയാളെ പിന്തിരിപ്പിക്കാന്‍‌ നോക്കുന്ന നാട്ടുകാരും.പിന്നീട് അവനെ അമ്പലത്തില്‍

കമ്പിയഴിയുള്ള മുറിക്കുള്ളില്‍ തടവിലാക്കുന്നു.കളിക്കുന്ന കുട്ടികള്‍ ഈറ്റക്കമ്പ് തോളില്‍ ചേര്‍ത്ത് അഴികള്‍ക്കിടയില്‍ അവനു നേരെ വെടിയൊച്ച കേള്‍പ്പിച്ചതിനു ശേഷം അഴികള്‍ക്കകം നിശബ്ദമാണ്.പച്ച വിളക്ക് തെളിഞ്ഞു നിന്നു.

പുതുവര്‍ഷസമര്‍പ്പണം

സ്വന്തം പേരു പോലും നഷ്ടപ്പെട്ട സ്രിയാംഗ്ലിന്റെ ഭാര്യയായി അറിയപ്പെടുന്ന ഒരു സ്ത്രീയുടെ അധ്വാനത്തിന്റേയും, അഭിമാനത്തിന്റേയും എന്നാല്‍ ദുരന്തത്തിന്റേയും കഥയാണ്. ഭര്‍ത്താവിനെ നഷ്ടപ്പെട്ട് സ്വന്തം കാലില്‍ നില്‍ക്കാന്‍ ശ്രമിക്കുമ്പോഴും സമൂഹം അവരെ അതിനനുവദിക്കുന്നില്ല.

പ്രതിരോധത്തിന്റെ മുറിപ്പാടുകളുമായി തലകുനിച്ച് മറ്റൊരു ജീവിതത്തിനു വഴങ്ങേണ്ടി വരുന്ന അവര്‍ക്ക്പിന്നീട്ദുരിതംനിറഞ്ഞജീവിതമായിരുന്നു.അവരുടെ മാനസികാവസ്ഥയും സമൂഹത്തിന്റെ പല മട്ടിലുള്ള പ്രതികരണവുമെല്ലാം

വായനക്കാരുടെ മനസിനെ ഉലയ്ക്കുന്നു.ഭാവതലം ഒട്ടും ചോര്‍ന്നു പോകാതെയുള്ള വിവര്‍ത്തനം സന്ദര്‍ഭങ്ങളോട് നമ്മെ കൂടുതലടുപ്പിക്കുന്നു.

സന്തുഷ്ട കുടുംബം

കഥയുംജീവിതവുംതികച്ചുംരണ്ടായിനില്‍ക്കുന്നയാഥാര്‍ത്ഥ്യത്തി

ലൂടെ വായനക്കാരന്‍ യാത്ര ചെയ്യുകയാണ് സന്തുഷ്ടകുടുംബത്തില്‍. ഒരു സന്തുഷ്ടകുടുംബം എവിടെ എങ്ങനെ എപ്പോള്‍ ജീവിക്കണമെന്ന് ഭാവന ചെയ്യാം.ആ സമയത്തും യഥാര്‍ത്ഥ ജീവിതത്തിന്റെ നൂറു പ്രശ്നങ്ങള്‍ നമ്മെ ചുറ്റി വരിയുന്നു. അതിനെ തട്ടി മാറ്റാന്‍ എഴുത്തുകാരന് കഴിയുന്നില്ല. കഥയെഴുതുന്ന താളുകളില്‍ വീട്ടില്‍ വിറകു വാങ്ങിയതിന്റെ കണക്കു കൂട്ടലുകള്‍ കൊണ്ടു നിറയുന്നു.അമ്മയുടെ അടിയേറ്റ് കരയുന്ന കു‌ട്ടിയുടെ കണ്ണീരും മൂക്കീരും ആ കടലാസു കൊണ്ട് തുടക്കുന്ന തിലൂടെ ഭാവനയുടെ ലോകത്തു നിന്ന് എഴുത്തുകാരന്‍

യഥാര്‍ത്ഥലോകത്തേക്കിറങ്ങി വരുന്നുണ്ട്. ലോകത്തിന്റെ പ്രശ്നങ്ങളെ കുറിച്ചെഴുതിമ്പോള്‍ എഴുത്തുകാരന്‍ സ്വന്തം പ്രശ്നങ്ങളില്‍ നിന്ന് ഒരു അകലം പാലിച്ചേ മതിയാകൂ.

സഹോദരന്മാര്‍

സ്നേഹം,ഉത്കണ്ഠ,കരുതല്‍,തിരിച്ചറിയല്‍ ഇതൊക്കെയാണ് 'സഹോദരന്മാര്‍'.സഹോദരന്റെ രോഗത്തെ കുറിച്ചുള്ള ഉത്കണ്ഠ പല ചിന്തകളും സാംഗ് പേജൂണിലുണ്ടാക്കുന്നു.മരണം നടന്നാല്‍ ശവപ്പെട്ടി വാങ്ങാന്‍ പോലും കഴിയാത്ത തന്റെ അവസ്ഥയോര്‍ത്ത് അയാള്‍ ആകുലപ്പടുന്നുണ്ട്.താന്‍ ജോലി ‍‍‌ചെയ്യുന്ന പൊതുജന ക്ഷേമ കാര്യാലയത്തില്‍ അജ്ഞാതന്റെ സംസ്കാരത്തിന് ശവപ്പെട്ടിക്കു വേണ്ട അപേക്ഷ പേജൂണ്‍ കൈകാര്യം ചെയ്യുംബോള്‍ എവിടയൊക്കെയോ ചില താളപ്പൊരുത്തങ്ങള്‍.

സമൂഹം,സ്ത്രീ,എഴുത്ത്,മാനസിക സഞ്ചാരങ്ങള്‍,സദാചാരം,ആകുലതകള്‍ ഇവയൊക്കെയാണ് ഈ പുസ്തകം.P K സുധി വിവര്‍ത്തനരംഗത്ത് തുടര്‍ന്നാല്‍

ഇനിയും ഇതു പോലുള്ള നല്ല പുസ്തകങ്ങള്‍ പ്രതീക്ഷിക്കാം.

2012-01-25T17:46:00.001-08:00

തിരുവനന്തപുരം റവന്യൂജില്ലാ കലോല്‍സവത്തിന്റെ ഭാഗമായി കലാജാഥയ്കൊരുങ്ങുന്ന ഞങ്ങളുടെ കൂട്ടുകാര്‍......

2012-01-13T06:20:00.000-08:00

ഹാര്‍ഡ് വെയര്‍ പരിശീലനം

2011-12-31T18:14:00.000-08:00

നമ്മുടെ സ്കൂളില്‍ ഹാര്‍ഡ് വെയര്‍ പരിശീലനം നടത്തി.

രണ്ട് ബാച്ചുകളായിട്ടാണ്പരിശീലനം നടന്നത്.ഡിസംബര്‍ 27,28

എന്നീ തീയതികളിലായിരുന്നു ആദ്യ ബാച്ചിന്റെ പരിശീലനം.

29,30 രണ്ടാമത്തെ ബാച്ചിനും പരിശീലനം നല്‍കി.

രണ്ടു ബാച്ചുകളിലായി 71 കുട്ടികളാണ് പരിശീലനം നേടിയത്.

ആറു സ്കൂളുകളിലെ കുട്ടികളാണ് പങ്കെടുത്തത്. ഐ.ടി.@സ്കൂളിലെ ശ്രീലതടീച്ചര്‍,നമ്മുടെസ്കൂളിലെഷീജാബീഗംടീച്ചര്‍,ബിന്ദുടീച്ചര്‍ എന്നിവരാണ് പരിശീലനം നല്‍കിയത്.വളരെ ലളിതമായി ഇവര്‍ കാര്യങ്ങള്‍ പറഞ്ഞുതന്നു.

ആദ്യമൊന്നും കമ്പ്യൂട്ടറിന്റെ ചെറിയ പ്രശ്നങ്ങള്‍ പോലും

പരിഹരിക്കാന്‍ കഴിയാതിരുന്ന ഞങ്ങള്‍ക്ക് ഇപ്പോള്‍

കമ്പ്യൂട്ടറിലെ പല പ്രശ്നങ്ങളും പരിഹരിക്കാന്‍

കഴിയും. നിരവധി കമ്പ്യൂട്ടറുകള്‍ ഞങ്ങള്‍ പൊളിച്ചു നോക്കി.

മാത്രമല്ല, അവയുടെ പ്രശ്നങ്ങള്‍ തിരിച്ചറിയാനും അത്

പരിഹരിക്കാനും സാധിച്ചു.തികച്ചും പ്രയോജനകരമായ

ക്ലാസായിരുന്നു ഇത്.

DAM

2011-12-07T08:46:00.000-08:00

മാധവിക്കുട്ടിയുടെ 'കടലിന്റെ വക്കത്ത് ഒരു വീട് '

2011-11-22T03:21:00.000-08:00

നമ്മുടെ ആകെയുള്ള സ്വത്തായിരുന്നു ആ കമ്പിളിപ്പുതപ്പ്. മഴക്കാലം വന്നാല്‍ ഇനി നമുക്കെവിടെയാണൊരു രക്ഷ? അത് നീ എന്തിന് അവന് കൊടുത്തു? അയാളെന്നോട് സംഗീതത്തെക്കുറിച്ച് സംസാരിച്ചു. ആ സ്ത്രീ പുഞ്ചിരിയോടെ പറഞ്ഞു. തന്റെ ഏകസ്വത്തായ കമ്പിളിപ്പുതപ്പ് ചെറുപ്പക്കാരന് സമ്മാനിച്ച അറുമുഖത്തിന്റെ ഭാര്യയുടെ പ്രവൃത്തി നിങ്ങള്‍ എങ്ങനെ നോക്കിക്കാണുന്നു?

എന്റെ അഭിപ്രായത്തില്‍ ഏറ്റവും ഉത്തമമായ ഒരു പ്രവൃത്തിയാണ് ആ സ്ത്രീ ചെയ്തിരിക്കുന്നത്. കാരണം തന്റെ ഭര്‍ത്താവില്‍ നിന്നു ലഭിക്കാത്ത ബഹുമാനവും സ്നേഹവുമാണ് ആ യുവാവ് അവര്‍ക്കു നല്‍കിയത്. കേവലം ഭക്ഷണം മാത്രമാണ് ജീവിതമെന്ന് വിചാരിക്കുന്ന ആളാണ് ഇതിലെ 'അറുമുഖന്‍' എന്ന കഥാപാത്രം.

എന്നാല്‍ ഭക്ഷണം മാത്രമല്ല അംഗീകാരം ലഭിക്കുന്ന ഒരു മനസ്സുകൂടി സ്ത്രീകള്‍ക്കുണ്ട് എന്ന് അയാള്‍ മനസ്സിലാക്കുന്നില്ല. അവരുടെ കഴിവുകള്‍ മനസ്സിലാക്കാനോ അവ പുറത്തെടുക്കാനോ അറുമുഖന്‍ ഭാര്യയ്ക്ക് പ്രോത്സാഹനം നല്കുന്നില്ല. എന്നാല്‍ സൗമ്യമായി സംസാരിക്കുന്ന ആ യുവാവിന് സ്ത്രീയുടെ മനസ്സില്‍ സന്തോഷം പകരാന്‍ സാധിക്കുന്നു. സ്ത്രീയ്ക്ക് തനിക്ക് ഇതുവരെ ലഭിക്കാതിരുന്ന അംഗീകാരം ആ യുവാവില്‍ നിന്നു കിട്ടുന്നു. ആദ്യ മാത്ര കാണുമ്പോള്‍ തന്നെ ആ യുവാവ് അവരെ 'ഗൃഹലക്ഷ്മി' എന്നാണ് സംബോദന ചെയ്തത്. 'പ്രകാശം പരത്തുന്ന ആണ്‍കുട്ടി'യായി മാറുകയാണ് ആ യുവാവ്. സ്ത്രീയ്ക്ക് തോന്നുന്നത് തന്റെ ജീവിതത്തില്‍ ഇതുവരെ കടന്നുവരാത്ത പ്രകാശത്തിന്റെ ഒരിത്തിരി പൊന്‍വെട്ടം നല്‍കാന്‍ ആ യുവാവിന് കഴിഞ്ഞു. അതുമാത്രമല്ല, തനിക്ക് ഏറെ ഇഷ്ടപ്പെട്ട സംഗീതത്തെപ്പറ്റിയും അയാള്‍ സംസാരിച്ചു എന്നതിനാലാണ് അവള്‍ അയാള്‍ക്ക് ആ പുതപ്പ് സമ്മാനിച്ചത്. അതിലും വിലയേറിയ ഒന്നും അവളുടെ പക്കല്‍ ഇല്ലായിരുന്നു. “ എന്റെ അയല്‍വക്കത്ത് ഒരു ഭാഗവതരായിരുന്നു താമസിച്ചിരുന്നത് രാവിലെ ഞാന്‍ പാട്ടുകേട്ടുകൊണ്ടാണ് ഉറക്കത്തില്‍ നിന്നും എഴുന്നേറ്റിരുന്നത്.” എന്ന ആ സ്ത്രീയുടെ വാക്കുകളില്‍ നിന്ന് സംഗീതത്തിന്റെ മാധുര്യം അവള്‍ എത്രമാത്രം ഇഷ്ടപ്പെട്ടിരുന്നു എന്നു വ്യക്തം.

അതിനാലാണ് തന്റെ എല്ലാമെല്ലാമായ പുതപ്പ് ആ യുവാവിന് നല്‍കിയത്. അതിന് അവള്‍ നല്‍കുന്ന വിശദീകരണം യുക്തിപൂര്‍വ്വമാണ് എന്നാണ് എനിയ്ക്ക് തോന്നുന്നത്. അംഗീകാരം കൊതിക്കുന്ന ഏതൊരു സ്ത്രീ മനസ്സും യുവാവിന്റെ വാക്കുകളെ ഇഷ്ടപ്പെട്ടുപോകും. കനലെരിയുന്ന അവളുടെ ജീവിതത്തില്‍ ഇത്തിരി തേന്‍മഴ പെയ്യിക്കാന്‍ ആ യുവാവിന് കഴിഞ്ഞു. അതിനാല്‍ അയാളും ആ കാര്യത്തില്‍ കൃതാര്‍ത്ഥനാണ്.

പക്ഷേ അവളുടെ മനസ്സിന് സുഖം നല്‍കുന്ന കാര്യങ്ങള്‍ അറുമുഖന്‍ എപ്പോഴെങ്കിലും ചെയ്തിരുന്നുവെങ്കില്‍ അയാളുടെ തകര്‍ച്ചയില്‍ നിന്നും ഉയര്‍ന്നെഴുന്നേല്‍ക്കാന്‍ അവള്‍ ചെറുതായെങ്കിലും പരിശ്രമിച്ചേനെ. എന്നാല്‍ അറുമുഖന് ഈ സംഭാഷണങ്ങളെല്ലാം മുഷിപ്പനായാണ് തോന്നിയത്. അതിനാല്‍ തന്നെ ആ സ്ത്രീയ്ക്ക് അറുമുഖനേക്കാള്‍ പ്രിയപ്പെട്ടത് ആ യുവാവ് തന്നെയായിരുന്നിരിക്കും. അത്രമാത്രം ആ യുവാവിന്റെ സാന്നിധ്യം അവളില്‍ സ്വാധീനം ചെലുത്തി.

കേവലം അടുക്കളയില്‍ ഒതുങ്ങിപ്പോകേണ്ടവളല്ല സ്ത്രീ. അവര്‍ക്ക് അവരുടേതായ ചിന്തകളും വ്യക്തിത്വവും കാണും. അതു മനസ്സിലാക്കുന്ന പുരുഷന്മാരെ ലഭിക്കാത്തതാണ് അവരുടെ ജീവിതത്തിന്റെ പരാജയവും.

ആതിര 10 C

വരകളുടെ വിസ്മയങ്ങളുമായി വീണ്ടും ആനിമേഷന്‍ ക്ലാസ്സ്

2011-11-19T00:03:00.000-08:00

19-11-2011 ാം തിയതി ശനിയാഴ്ച്ച ഞങ്ങളുടെ സ്കൂളില്‍ വച്ച് വീണ്ടും ആനിമേഷന്‍ ക്ലാസ്സ് തുടങ്ങി . ഞങ്ങളുടെ സ്കൂളിലെ 22ഓളം കുട്ടികളെ ഉള്‍പ്പെടുത്തി നടത്തിയ ക്ലാസ്സില്‍ ഞങ്ങളുടെ സ്കൂളിലെ തന്നെ കുട്ടി ആനിമേറ്റര്‍മാരായ അജയ്, ഷിഹാസ്, പ്രമോദ്, അനിക്കുട്ടന്‍, മുഹമ്മദ് സഹദ് എന്നിവരാണ് ക്ലാസ്സെടുത്തത്. കുട്ടികള്‍ വളരെ സന്തോഷത്തോടെയാണ് പങ്കെടുത്തത്. IT @ School ല്‍ നിന്നുമുള്ള മൊഡ്യൂള്‍ CD കള്‍ ഉപയോഗിച്ചാണ് ക്ലാസ്സുകള്‍ നടത്തിയത് . നാലു ദിവസത്തെ മൊഡ്യൂളനുസരിച്ചാണ് ക്ലാസ്സുകള്‍ നടത്തുന്നത്.

ഐ.റ്റി സബ് ജില്ലാ മേളയില്‍ ഞങ്ങള്‍.....

2011-11-16T02:03:00.000-08:00

ഈ വര്‍ഷത്തെ സബ് ജില്ലാ ഐ.റ്റി മേളയില്‍ UP വിഭാഗം

Overall Trophy ഞങ്ങള്‍ക്ക് . Hsവിഭാഗം രണ്ടാം സ്ഥാനവും ലഭിച്ചു.

ഞങ്ങളുടെ അഭിമാന താരങ്ങള്‍.

UP വിഭാഗം

ഐ.റ്റി ക്വിസ്- നിര്‍മല്‍ചന്ദ്.-1st

മലയാളം ടൈപ്പിംഗ്- അനന്ദു B റാം.-1st

ഡിജിറ്റല്‍ പെയിന്റിംഗ്- അഭിരാം S അമ്പാടി.-3rd

HS വിഭാഗം

ഐ.റ്റി ക്വിസ്- അജയ്.V.S-2nd

മലയാളം ടൈപ്പിംഗ്- അജയ്.V.S-2nd

ഡിജിറ്റല്‍ പെയിന്റിംഗ്-മുഹമ്മദ് സഹദ്-1^st

വെബ് പേജ് നിര്‍മാണം-പ്രമോദ്.R-2^nd

പ്രസന്റേഷന്‍-അനുക്കുട്ടന്‍-3rd

രസതന്ത്ര വണ്ടി വന്നപ്പോള്‍

2011-11-02T03:55:00.000-07:00

2011 രസതന്ത്ര വര്‍ഷത്തോടനുബന്ധിച്ച് ഞങ്ങളുടെ സ്കൂളിലും ശാസ്ത്ര സാഹിത്യപരിഷത്തിന്റെ രസതന്ത്രവണ്ടി വന്നു. ഒരു കൂട്ടം ശാസ്ത്ര വിദ്യാര്‍ത്ഥികളും അനേകം ശാസ്ത്രപരീക്ഷണങ്ങളുമായാണ്

രസതന്ത്രവണ്ടി വന്നത്. ഫിനോള്‍ഫ്തലിന്‍ ഉപയോഗിച്ച് ഒരു പേപ്പറില്‍ '2011 രസതന്ത്രവര്‍ഷം' എന്നെഴുതിക്കൊണ്ടുള്ള ഒരു പരീക്ഷണത്തോടെയാണ് അവരുടെ മാജിക്കുകള്‍ ആരംഭിച്ചത്. പൂവിന്റെ നിറം മാറ്റല്‍, വിവിധ നിറത്തിലുള്ള രാസവസ്തുക്കള്‍ ഉപയോഗിച്ച് വസ്തുക്കളുടെ നിറം മാറ്റുക എന്നിവയെല്ലാമായിരുന്നു അവരുടെ പരീക്ഷണങ്ങള്‍. 2011 രസതന്ത്രവര്‍ഷം ആഘോഷിക്കാനുള്ള പ്രധാന കാരണം മാഡം ക്യൂറിയാണ്. മാഡം ക്യൂറിയ്ക്ക് രസതന്ത്രത്തിനുള്ള നോബല്‍ സമ്മാനം ലഭിച്ചതിന്റെ 100ാം വര്‍ഷമാണിത്. ഈ വിഷയത്തെ അടിസ്ഥാനമാക്കി മാഡം ക്യൂറിയുടെ ജീവചരിത്രം അവര്‍ നാടകമായി അവതരിപ്പിച്ചു. വളരെ രസകരവും അതിശയിപ്പിക്കുന്നതുമായിരുന്നു അവര്‍ അവതരിപ്പിച്ച പരിപാടികള്‍. ഏകദേശം ഒന്നര മണിക്കൂറോളം അവര്‍ നമുക്കുവേണ്ടി പരിപാടികള്‍ അവതരിപ്പിച്ചു.

ഇറോം ശര്‍മ്മിളാ ..........താങ്കള്‍ ലക്ഷ്യത്തോടടുക്കുന്നു...!

2011-10-26T18:47:00.000-07:00

എന്റെ ചിരിയിതല്ല പിന്നെ എന്താണിത് ?

2011-10-20T02:30:00.000-07:00

കഥ

കാലത്തിന്റെ വേഗത തുടര്‍ന്നു കൊണ്ടിരിക്കെ ഒരു പകല്‍, അവിടെ ഇളം പുല്ലുകളില്‍ തീ പിടിച്ചിരിക്കുകയാണ്. സാവധാനം തീ പടരുവാന്‍ തുടങ്ങി. ആ തീയുടെ അടുത്തേയ്ക്കെന്ന പോലെ ഒരു പിഞ്ചു ബാലന്‍ നടന്നടുക്കുകയാണ്. അവന്‍ അവന്റെ ലക്ഷ്യത്തില്‍ നിന്നും പിന്മാറുന്നില്ല. എന്റെ ഉള്ളം ഭയന്നു. ആ ബാലന്‍ ഇപ്പേള്‍ വെന്തെരിയും. ഞാന്‍ സ്വാതന്ത്ര്യം നഷ്ടപ്പെട്ട് ഇരുമ്പഴിക്കുള്ളില്‍ നിസ്സഹായനായി നിന്നു. പിഞ്ചുബാലന്റെ മരണം കണ്ടുനില്‍ക്കുന്ന ക്രൂരനാകാന്‍ പോവുകയാണല്ലോ ഞാന്‍ ആവലാതി പിടിച്ച് തീയുടെ ദിശ ഞാന്‍ തിരഞ്ഞു. ഒടുവിലാണ് എനിക്കത് മനസ്സിലായത്. ദിനങ്ങള്‍ക്കൊപ്പം കൂടിവരുന്ന ആഗോളതാപനം. അതിനു പിന്നില്‍ ക്രുദ്ധനായിത്തീര്‍ന്ന സൂര്യകിരണമാണ്. അതിന്റെ പ്രകാശത്തെയാണ് ഞാന്‍ തെറ്റിദ്ധരിച്ചത്. അതറിഞ്ഞപ്പോള്‍ ഞാന്‍ സന്തോഷിച്ചു. കാരണം അത് ആ കുഞ്ഞിന് ഒന്നും വരുത്തുകയില്ലല്ലോ. ഞാന്‍ ആശ്വാസത്തോടെ കുഞ്ഞിനെ നോക്കി. കുഞ്ഞുകണ്ണുകള്‍, പൂക്കുന്ന മുല്ലമൊട്ടുകള്‍ പോലുള്ള പല്ലുകള്‍. ഞാന്‍ അവന്റെ സൗന്ദര്യം കണ്ടിരിക്കെ അവന്‍, പ്രകാശത്തെ ആഗിരണം ചെയ്തുകൊണ്ടു നില്‍ക്കുന്ന പുല്‍മേടുകളിലേയ്ക്ക് പ്രവേശിച്ചു. അപ്പോള്‍ അവിടെ വളരെയധികം ഉച്ചത്തില്‍ അവന്റെ നിലവിളി ഉയര്‍ന്നു. ആ ബാലന്‍ വെന്തെരിഞ്ഞു. അവസാനം അവശേഷിച്ചത് കുറച്ച് എല്ലുകള്‍. പിന്നെ ഒന്നുകൂടി ബാക്കിയായി. മരണത്തിനു മുന്നില്‍ തലകുനിക്കാതെ ഉയര്‍ന്നു നില്‍ക്കുന്ന ആത്മാവ്. അവന്റെ ആത്മാവ് പുകയായി മുകളിലേയ്ക്ക് ഉയര്‍ന്നു. പതിയെ അവന്‍ എവിടെയോ ചെന്നോടിയൊളിച്ചു. ഞാന്‍ അപ്പോള്‍ ഒരു ഭ്രാന്തനെപ്പോലെ പൊട്ടിച്ചിരിച്ചു. ആ ചിരി നിലവിളിയായി താളമില്ലാത്ത സംഗീതം പോലെ തിരമാലകളുടെ പകയില്‍ പങ്കുചേര്‍ന്ന് കാറ്റില്‍ ലയിച്ച് അലമുറയിട്ട് ഒഴുകി നടന്നു. നാളുകള്‍ക്കൊടുവില്‍ ബാക്കിയായത് ആത്മാവു മാത്രം.

Shihas. S

9 B

ആകാശത്തേക്കൊരു കിളിവാതില്‍

2011-10-14T03:43:00.000-07:00

10/10/2011 തിങ്കാളാഴ്ച്ച ഞങ്ങളുടെ SCHOOLല്‍ വച്ച് ബഹിരാകാശവാരത്തോട് അനുബന്ധിച്ച് ISROയില്‍ നിന്നു് വേണുഗോപാല്‍ സാറും യുവശാസ്ത്രജ്ഞന്മാരും നയിച്ച ക്ലാസ് ഉണ്ടായിരുന്നു. കശിഞ്ഞ 50 വര്‍ഷത്തെ ബഹിരാകാശനേട്ടങ്ങളെക്കുറിച്ചുള്ളതായിരുന്നു ഈ ക്ലാസ് .

ആദ്യമായി ബഹിരാകാശത്ത് യാത്ര തിരിച്ച വ്യക്തിക്കളെക്കുറിച്ചും അവര്‍ പോയ വാഹനങ്ങളെക്കുറിച്ചുമൊക്കെ വളരെ വ്യക്തമായി ക്ലാസുകള്‍ എടുത്തു. SPUTNIC-1ആണ് ആദ്യമായി

വിക്ഷേപിച്ചത്. അമേരിക്കയും റഷ്യയും ആണ് ബഹിരാകാശ യാത്രയില്‍ മുന്നിട്ടുനില്‍ക്കുന്നത് APPOLO MISSIONS എന്നപദ്ധതിയില്‍ 14 MISSIONS ഉണ്ട്. ഇതില്‍10 എണ്ണം വെറുതെ അയച്ച് പരീക്ഷണം നടത്തിയതിനു ശേഷമാണ് നീല്‍ ആംസ്ട്രോങ്, എഡ്വിന്‍ ആല്‍ഡ്രിന്‍, മൈക്കിള്‍ കോളിന്‍സ് എന്നിവര്‍ ചന്ദ്രനിലേക്ക് പോയത്.

തികച്ചും വളരെ പ്രയോജനകരമായ ഒരു

ക്ലാസ് ആയിരുന്നു ഇത്. ബഹിരാകാശത്തെക്കുറിച്ചൊക്കെ കൂടുതല്‍ വളരെ വ്യക്തമായി ബഹിരാശത്തെക്കുറിച്ചൊക്കെ കൂടുതല്‍ വ്യക്തമായി

മനസിലാക്കാന്‍ സാധിച്ചു.

IT Mela - 2011-2012

2011-10-14T03:14:00.000-07:00

ഞങ്ങളുടെ സ്കൂളില്‍ ഒക്ടോബര്‍ 7,10 ദിവസങ്ങളില്‍ IT Mela യോടനുബന്ധിച്ച് വിവിധ മത്സരങ്ങള്‍ നടന്നു. ഡിജിറ്റല്‍ പെയിന്റിംഗ്, മലയാളം ടൈപ്പിംഗ്, വെബ് പേജ് നിര്‍മ്മാണം, IT ക്വിസ്, സ്ലൈഡ് പ്രസന്റേഷന്‍ എന്നീ മത്സരങ്ങളില്‍ അനേകം കുട്ടികള്‍ പങ്കെടുത്തു. 'അന്നൊരു മഴയത്ത് 'എന്ന വിഷയത്തില്‍ നടത്തിയ ഡിജിറ്റല്‍ പെയിന്റിംഗ് മത്സരം കുട്ടികളെ ഹരം പിടിപ്പിച്ചു. വെബ് പേജ് നിര്‍മ്മാണം,സ്ലൈഡ് പ്രസന്റേഷന്‍ എന്നീ മത്സരങ്ങളുടെ വിഷയം 'യുദ്ധ' മായിരുന്നു. മത്സരം വളരെ രസകരവും ആവേശകരവുമായിരുന്നു.

Ajay.V.S

Sahad.S

തമിഴ്നാട്ടിലെയും പോണ്ടിച്ചേരിയിലെയും SSA ഉദ്യോഗസ്ഥര്‍ ഞങ്ങളുടെ സ്കൂളില്‍

2011-09-24T18:49:00.000-07:00

കേരളത്തിലെ സ്കൂളുകളിലെ ഐ റ്റി അധിഷ്ടിത പഠനം കണ്ടു പഠിക്കുന്നതിനായി

വന്ന തമിഴ്നാട്ടിലെയും പോണ്ടിച്ചേരിയിലെയും SSA ഉദ്യോഗസ്ഥര്‍ ഞങ്ങളുടെ സ്കൂളും സന്ദര്‍ശിച്ചു.

തിരുവനന്തപുരം ജില്ലയില്‍ തെരഞ്ഞെടുക്കപ്പെട്ട 3 ഹൈസ്കൂളുകളില്‍ ഞങ്ങളുടെ സ്കൂളും ഉണ്ടായിരുന്നു.

ഞങ്ങളുടെ പ്രാക്ടിക്കല്‍ ക്ലാസും ഐ റ്റി അധിഷ്ഠിത വിഷയ പഠനവുമെല്ലാം അവര്‍ കണ്ടറിഞ്ഞു.

വളരെ നല്ല അഭിപ്രായമാണ് ഞങ്ങളെക്കുറിച്ച് അവര്‍ പറഞ്ഞത്. കുറഞ്ഞ ഭൗതിക സാഹചര്യത്തിലും

ഇത്രയും നന്നായി ഐ റ്റി കൈകാര്യം ചെയ്യുന്ന ഞങ്ങളെ അവര്‍ അഭിനന്ദിച്ചു.

ഞങ്ങള്‍ വരച്ച ശലഭത്തിന് ജീവന്‍ വച്ചപ്പോള്‍!

2011-09-24T18:39:00.000-07:00

5,6,7,22തിയതികളില്‍ ഞങ്ങളുടെ സ്കൂളില്‍ അനിമേഷന്‍

പരിശീലനം നടന്നു.IT@school-ന്റെ 'Ants' ന്റെ [animation training

for students] ഭാഗമായാണ് ഇതു നടന്നത്. UBUNTU-ലെ 'Ktoon'-ല്‍

അനിമേഷന്‍ പരിശീലനം ലഭിച്ച അജയ്,ഷിഹാസ്,പ്രമോദ് എന്നിവരാണ് ഞങ്ങള്‍ക്ക് ക്ലാസെടുത്തത്.ഞങ്ങള്‍ വരച്ച ചിത്രങ്ങള്‍ക്ക്

ചലനം കൊടുത്തപ്പോള്‍ ഞങ്ങള്‍ക്കുണ്ടായ സന്തോ‍ഷം പറയാന്‍ കഴിയില്ല. 'Ktoon'-ല്‍ നിര്‍മ്മിച്ച അനിമേഷനു 'open shot'-ല്‍ editing

നടത്തി. 'Audocity'-ല്‍ ശബ്ദം റെക്കോഡ് ചെയ്ത് അത് 'Open shot'-ല്‍

edit ചെയ്ത് ഞങ്ങളുടെ ചിത്രത്തിന് ജീവനോടൊപ്പം ശബ്ദവും നല്‍കി.

നെടുമങ്ങാട് സബ് ജില്ലയിലെ മറ്റു സ്കൂളുകളില്‍ നിന്നും തെരഞ്ഞെടുക്കപ്പെട്ട കുട്ടികളുള്‍പ്പെടെ ഞങ്ങള്‍ 30 പേരുണ്ടായിരുന്നു

പഠനം ഇങ്ങനെയും

2011-08-29T19:27:00.000-07:00

ഞങ്ങളുടെ സ്കൂളില്‍ വിവരവിനിമയ സാങ്കേതികാധിഷ്ടിത വിദ്യാഭാസത്തില്‍ രക്ഷാകര്‍ത്തൃ ബോധനം നടന്നു. ഗിരിജ ടീച്ചര്‍ അധ്യക്ഷയായിരുന്ന ക്ലാസ് ഉദ്ഘാടനം ചെയ്തത്
PTA പ്രസിഡന്റ് ശ്രീ വാണ്ട മണികണ്ഠനാണ്. ICT എന്ത് എന്തിന് എന്ന വിഷയത്തില്‍ ഷീജടീച്ചറും ബിന്ദുടീച്ചറും ക്ലാസെടുത്തു. രക്ഷിതക്കള്‍ക്ക് പഠന സോഫ്റ്റ് വെയറുകള്‍ പരിചയപ്പെടുത്തിയത് ഞങ്ങളുടെ കൂട്ടുകാരായ ശ്രുതി,രേഷ്മ,രഹ്ന,വന്ദന തുടങ്ങിയവരാണ്.
ആനിമേഷന്‍ ഫിലിം നിര്‍മ്മാണത്തിന്റെ വിവിധ ഘട്ടങ്ങള്‍ അജയ് v.s
രസകരമായി പറഞ്ഞു കൊടുത്തു. SSITC എബിന്‍ .c.ജോസ് സ്വാഗതവും ഗായത്രി നന്ദിയും പറഞ്ഞു.
നമ്മുടെ ഈ പരിപാടിയെക്കുറിച്ച് രക്ഷിതാക്കള്‍ വളരെ
നല്ല അഭിപ്രായമാണ് പറഞ്ഞത്.അവരുടെ മക്കള്‍ ഇത്ര ഭംഗിയായി ക്ലാസുകള്‍ കൈകാര്യം ചെയ്യുന്നതില്‍ അവര്‍ അത്ഭുതം പ്രകടിപ്പിച്ചു.
തുടര്‍ന്നു നടക്കുന്ന പരിശീലന ക്ലാസുകളില്‍ പങ്കെടുക്കാനും അവര്‍
അതിയായ താല്‍പര്യം പ്രകടിപ്പിച്ചു.രക്ഷകര്‍ത്താക്കളുടെ എണ്ണം കുറവായിരുന്നെങ്കിലും അവര്‍ ഈ പ്രവര്‍ത്തനത്തിന് നല്ലൊരു പ്രചാരണം നല്‍കുമെന്നുള്ളതില്‍ സംശയമില്ല.

വിദ്യാരംഗം കലാസാഹിത്യവേദി ഉദ്ഘാടനവും ഡിജിറ്റല്‍ മാഗസിന്‍ പ്രകാശനവും

2011-08-16T02:46:00.000-07:00

കരിപ്പൂര്‍ ഗവ.ഹൈസ്കൂള്‍ വിദ്യാരംഗം കലാസാഹിത്യവേദി ഉദ്ഘാടനം എഴുത്തുകാരനായ ശ്രീ.പാലോട് ദിവാകരന്‍ നിര്‍വ്വഹിച്ചു. കുട്ടികളുടെ രചനകളടങ്ങിയ ഡിജിറ്റല്‍ മാഗസിന്‍ - ഡിജിറ്റല്‍ മര്‍മരങ്ങള്‍ പ്രകാശനം ചെയ്തുകൊണ്ടാണ് ഉദ്ഘാടനം ചെയ്തത്. ഹെഡ്മിസ്ട്രസ്സ് ശ്രീമതി ഉഷ അധ്യക്ഷയായിരുന്ന ചടങ്ങില്‍ ഷാജി സാര്‍ സ്വാഗതം പറഞ്ഞു. ഹരിദാസ് സാര്‍ ആശംസ പറഞ്ഞു. പാര്‍വ്വതി തന്റെ കഥ അവതരിപ്പിച്ചു. രഹ്‍ന, ഗോപിക തുടങ്ങിയവര്‍ കവിതാവതരണം നടത്തി. പ്രണവ് നന്ദി പറഞ്ഞു. രേഷ്‍മാ കൃഷ്ണയായിരുന്നു പരിപാടിയുടെ അവതാരക.

ജനഗണമന.............

2011-08-14T17:32:00.000-07:00

ഹിരോഷിമകള്‍ ഇനി വേണ്ട

2011-08-13T00:47:00.000-07:00

ആഗസ്റ്റ് 9 യുദ്ധ വിരുദ്ധദിനമായി ആചരിച്ചു.UNO .എംബസ്സികള്‍ക്കും,ലോകനേതാക്കള്‍ക്കും സമാധാനസന്ദേശങ്ങളയച്ചു.യുദ്ധവുമായി

ബന്ധപ്പെട്ട വിവരങ്ങളുള്‍ക്കൊള്ളുന്നതും യുദ്ധവിരുദ്ധസന്ദേശങ്ങളടങ്ങുന്നതുമായ

ആഡിയോവിഷ്വല്‍ പ്രശ്നോത്തരി സംഘടിപ്പിച്ചു.യുദ്ധവുമായി ബന്ധപ്പെട്ട് വിഷയങ്ങളില്‍ വിദ്യാര്‍ത്ഥികള്‍ ക്ലാസെടുത്തു.പോസ്റ്റര്‍ പ്രദര്‍ശനവും പതിപ്പു തയ്യാറാക്കലും ഉണ്ടായിരുന്നു.

രസതന്ത്ര വര്‍‌ഷം

2011-08-08T04:20:00.000-07:00

അന്താരാഷ്ട്ര രസതന്ത്ര വര്‍ഷാചരണത്തിന്റെ

ഭാഗമായി ശാസ്ത്ര സാഹിത്യ പരിഷത്ത് നെടുമങ്ങാട് യൂണിറ്റിന്റ ഭാഗമായി ഞങ്ങളുടെ സ്കുളിലെ ക്ളസുകള്‍ നടന്നു "രസതന്ത്രം

നമ്മുടെ ജീവിതത്തില്‍ " എന്ന വിഷയത്തില്‍ ക്ളാസ് എടുത്തത്

പരിഷത്ത് പ്രവര്‍ത്തകരായ P.K സുധിയും, ജിജോകൃഷ്ണനുമാണ് .

മാഡം ക്യുറിക്ക് നോബല്‍ സമ്മാനം ലഭിച്ചത്തിന്റെ ശതാബ്ദിയും

കൂടിയാണ് രസതന്ത്ര വര്‍ഷത്തിന്റെ പ്രത്യേകത

നമ്മുടെ ജീവിതത്തിലുടനീളം രസതന്ത്രമാണെന്ന് അവര്‍

ഉദാഹരണങ്ങള്‍ പറഞ്ഞ് വ്യക്തമാക്കി.നമ്മുടെ ശരീരത്തിന്റെ

എല്ലാ പ്രവര്‍ത്തനങ്ങളിലും രസതന്ത്രം പ്രവര്‍ത്തിക്കുന്നു.

നാമുപയോഗിക്കുന്ന മരുന്നുകളെല്ലാം രസതന്ത്രത്തിന്റെ കാരുണ്യമാണ്.എന്നാല്‍ രാസവസ്തുക്കളുടെ ഉപയോഗത്തിലൂടെ

മനുഷ്യന് ഉണ്ടാകുന്ന അപകടങ്ങളെക്കുറിച്ചും അവര്‍ പറഞ്ഞു തന്നു.സ്വന്തം ജീവന്‍ ഗവേഷണത്തിനായി ഉഴിഞ്ഞു വച്ച

ശാസ്ത്രജ്ഞയാണ് മേരി ക്യൂറി.

പ്രേംചന്ദ് ദിനം

2011-08-08T04:10:00.000-07:00

ഹിന്ദി സാഹിത്യത്തിലെ കഥാകാരനായ പ്രേംചന്ദിന്റെ

ജന്മദിനം വിവിധ പരിപാടികളോടെ ആചരിച്ചു.പോസ്റ്റര്‍

രചന,പ്രശ്നോത്തരി എന്നിവ സംഘടിപ്പിച്ചു.പ്രേംചന്ദിന്റെ

പുസ്തകങ്ങളുടെ പ്രദര്‍ശനം,അദ്ദേഹത്തിന്റെ കഥകളുടെ

ചലച്ചിത്രാവിഷ്കാരങ്ങളുടെ പ്രദര്‍ശനവും നടന്നു.

കഥ

2011-08-01T03:57:00.000-07:00

ഓര്‍മ്മയ്ക്കായി ഒരു മാവ്

ഹൊ! ഈ സംസ്കൃതം ക്ലാസ്സൊന്നു കഴിഞ്ഞിരുന്നെങ്കില്‍ എന്തൊക്കെയാ ഈ ടീച്ചര്‍ പഠിപ്പിക്കണത് ഒന്നും മനസ്സിലാവണില്യ. മനസ്സിലാവാത്ത ഭാഷ പഠിക്കാന്‍ വളരെ കഷ്ടാ. ഒരു നാള്‍ ടീച്ചറെന്നോട് ചോദിക്ക്യാ അച്യുതന്റെ അര്‍ത്ഥം എന്താണെന്ന് എന്റെ പേരൊക്കെ തന്നയാ എന്നച്ച് അതിന്റെ അര്‍ത്ഥം പഠിക്കണമെന്നുണ്ടോ? എനിക്കറിയില്ലായെന്ന് ഞാന്‍ പറഞ്ഞു. അപ്പോ ടീച്ചറെന്നെ വിളിക്യാ മണ്ടനെന്ന് പിന്നെ ടീച്ചറു തന്നെ പറഞ്ഞു തന്നു, അച്യുതനെന്നാല്‍ കൃഷ്ണനെന്ന്. ഭഗവാന്റെ മറ്റൊരു പേരാത്രേ കൃഷ്ണനെന്ന്. പിന്നെ എന്തോ പറഞ്ഞ് എന്നെ കളിയാക്കാന്‍ തുടങ്ങയപ്പോഴാകണം ബെല്ലടിച്ചു.

ഇന്നിനി എപ്പോഴാണാവോ ബെല്ലടിക്യാ. ബെല്ലടിക്കുമ്പോ പെട്ടന്ന് വീട്ടീപ്പോവാലോ.നിനക്കൊന്നും പറയാനില്ലേ ഗോപാ? ഞാനിങ്ങനെ ഓരോന്നു പറയണു, നീയതു കേക്കണു അല്ലേ? ഞാനെന്താ പറയാ അച്യുതാ നീ പറയല്ലേ? സത്യത്തീ എനിക്ക് ഒറക്കം വര്യാ, ഈ പഠിപ്പീര് കേട്ടിട്ട്. നീ ഓരോന്നു പറയ്, ഞാന്‍ ഒറങ്ങാതേലും ഇരുന്നോട്ടെ. ഞാനെവിടെയാ പറഞ്ഞു നിര്‍ത്തീത് ഓ വീട്ടീപ്പോണ കാര്യം, വീട്ടീതിരികെപ്പോരാന്‍ നിക്കുമ്പോ ചക്കരമാവിലെ മാമ്പഴം എന്നെ വിളിക്കും.പിന്നെ...പിന്നെ പോരാന്‍ തോന്നൂല്ല .ചക്കരമാവില് മാമ്പഴത്തോടൊപ്പം ഒരു ഊഞ്ഞാല്‍ കൂടിയുണ്ട്. അതില്‍ ആടണം. ആകാശത്തെത്തീത് പോലെ. വേണെ താഴത്തെ കൊമ്പിലെ മാമ്പഴം കൈയെത്തി പറിക്കാം. അങ്ങനെ പിടിക്കാന്‍ നിന്നപ്പോ ഞാന്‍ താഴെ വീണു, പൊത്തോന്ന്. അന്ന് അച്ഛന്റെയും അമ്മയുടെയും ശകാരം കേട്ടു.പക്ഷേ, മുത്തച്ഛന്‍ എന്റെ കൂടെയായിരുന്നുട്ടോ. മുത്തച്ഛന്‍ പറേണത് ''അവന്‍ കുട്ട്യല്ലേ? കളിച്ചു നടക്കേണ്ട പ്രായത്തില്‍ ഇങ്ങനെയൊക്കെ ഉണ്ടാകും.സാരല്ല്യ. ഇന്നും ചക്കരമാമ്പഴം എന്നെ വിളിക്കും. ഈശ്വരാ, അച്ഛന്‍ നേരത്തെ ഊണു കഴിഞ്ഞ് പോണേ. അല്ലേല് എന്നെ വീട്ടീ നിര്‍ത്തൂല. അച്ഛന്‍ കടേല് പോയാ പിന്നെ വരണത് രാത്രിയിലാ. അപ്പോ ഞാന്‍ ഉറങ്ങിപ്പോകും, പിന്നെ സ്കൂളീ പോവാത്തേന് അടി കാണൂലാലോ. മുത്തച്ഛന്‍ പാവാ, മുത്തച്ഛനോട് പറഞ്ഞാ പിന്നെ എന്നെ വീട്ടീ നിര്‍ത്തും. ബെല്ലടിക്കാന്‍ എത്ര നേരണ്ടോ ആവോ? എനിക്ക് വീട്ടില് പോയാമതി. വീട്ടീപോമ്പോ അമ്മ മാമ്പഴപ്പുളിശ്ശേരി ഉണ്ടാക്കിത്തരാന്ന് പറഞ്ഞു. എനിക്ക് ഒത്തിരി ഇഷ്ടാ.

''ടിങ്''

''ഹൊ ബെല്ലടിച്ചു.വാ ഗോപാ''

ഗോപാ.....ഗോപാ.....

ഉറങ്ങിയോ നീ...

ഞാന്‍ ഇത്ര നേരം പറഞ്ഞതൊക്കെ വെറുതെയായോ?

നീ ഒന്നും കേട്ടില്ലേ? ഞാന്‍ പറഞ്ഞോണ്ടിരുന്ന

ഒറങ്ങൂലാന്ന് പറ‍ഞ്ഞ ആളാ എന്നിട്ട്...

ഗോപാ... ഗോപാ...

എന്താ അച്യുതാ ബെല്ലടിച്ചോ?

പിന്നില്ലേ വേഗം വീട്ടിപ്പോവാം.ഇന്ന് നിന്റെ അമ്മ

ഇഷ്ടമുള്ള കറി ഉണ്ടാക്കുമോ ഗോപാ...

ഹും ചോറു പോലും ഉണ്ടോന്ന് സംശയം അപ്പഴാ

ഇഷ്ടോള്ള കറി.‍ഞാന്‍ പോണു നീ വരണേ വാ.

എന്നാലും അവന്‍ എന്തിനാ അങ്ങനെ പറഞ്ഞേ

ചോറു കിട്ടോന്ന് സംശയാന്ന്‍.ഓ അവന്റെ അച്ഛനും

അമ്മയും ജമ്മീടെ വീട്ടില്‍ പാട്ടകൃഷി ചെയ്യണതല്ലേ?

ആളൊരു ദുഷ്ടനാ ഒന്നും കൊടുക്കില്ലായിരിക്കും.

ഇപ്പഴും അവര് പണ്ടത്തെപ്പോലെ ജീവിക്യാ.

അല്ല! ഞാന്‍ വീട്ടിപ്പോണില്ലേ അമ്മ കാത്തിരിക്കൂലോ.

ഇവിടന്നൊരോട്ടം വീട്ടിപ്പോയേ നിക്കാവൂ.

ദേ.... വീടിന് പുറത്ത് അമ്മയും,മുത്തച്ഛനും,

അച്ഛനും ഒക്കെ ഉണ്ട്.ഇന്നിനി ,സ്കൂളില്‍ പോവേണ്ടിവരും.

അല്ലാ അമ്മയെന്താ അച്ഛനോടു

പറയണെ ദേഷ്യപ്പെടുകയാണോ?അമ്മേടെ ശബ്ദം

ഉയര്‍ന്നു കേള്‍ക്കാം.''എല്ലാം നശിപ്പിച്ചു നമ്മുടെ

വീടും പുരയിടവും.ഇപ്പോ എല്ലാം ആ ജമ്മിയുടെ

കയ്യില്‍.കിട്ടിയ പണം കട വൃത്തിയാക്കീത്രെ.

അപ്പോ എവിടെ താമസിക്കും?ഇത് കൊടുക്കണേനു

മുന്‍പ് എന്നോടൊന്നു പറയാരുന്നു.

ആ ജന്മി നാളെത്തന്നെ മാറാനും പറഞ്ഞു‍.

അച്ഛനും പറേണൊണ്ട്.പക്ഷേ പതിയെയാണെന്ന്

മാത്രം ''നമുക്ക് ആ കട വിറ്റ് വേറെ വീട് വാങ്ങാം''

അമ്മ പിന്നെയും ദേഷ്യപ്പെടണു.''പിന്നെ എന്താണ്

നമ്മുടെ ജീവിതമാര്‍ഗം പുതിയ വീട്ടില് എല്ലാര്‍ക്കൂടെ

വാതിലും പൂട്ടി പട്ടിണി കിടന്നു മരിക്കാം ല്ലേ''

മുത്തച്ഛന്‍ ഒന്നും മിണ്ടുന്നില്ല. അച്ഛന്റെ മുഖം

ദയനീയമാണ്. അച്ഛന്‍ പിന്നെയും പറയുന്നു.

''നമ്മുക്ക് ആ ജന്മിയുടെ കൈയ്യില്‍ നിന്നും കുറച്ചുസ്ഥലം

പാട്ടത്തിനെടുക്കാം.'' എനിക്ക് എന്തൊക്കെയോ മനസിലാവണുണ്ട്.

പക്ഷേ ഒന്നും വ്യക്തമാകുന്നില്ല.പക്ഷേ

ഒന്നറിയാം ഞാനും ഇനി ഗോപനെപ്പോലെ വീട്ടില്‍

ചോറുണ്ടോ എന്ന് സംശയിക്കും. പക്ഷേ എന്റെ

ചക്കരമാവ് പോന്നെടത്തും കാണ്വോ? ഇതു

മാതിരി ഒരു ചക്കരമാവ്!

പാര്‍വതി 9A

Vincent Vanghog The Passionate Painter!

2011-08-01T03:43:00.000-07:00

വിദ്യാരംഗം കലാസാഹിത്യവേദിയുടെ ആഭിമുഖ്യത്തില്‍ ജൂലൈ 29 ഞങ്ങള്‍ ലോകപ്രശസ്ത ഡച്ച് ചിത്രകാരന്‍ വാന്‍ഗോഗിന്റെ ചരമദിനം ആചരിച്ചു. അദ്ദേഹത്തിന്റെ സൂര്യകാന്തിപ്പൂക്കള്‍, ഉരുളക്കിഴങ്ങു തിന്നുന്നവര്‍, ഷൂസ്, സ്റ്റാറി നൈറ്റ് തുടങ്ങി ധാരാളം ചിത്രങ്ങള്‍ ഞങ്ങള്‍ ആസ്വദിച്ചു. അതിനു ശേഷം ജാപ്പനീസ് സംവിധായകന്‍ അകിരാ കുറസോവയുടെ, വാന്‍ഗോഗിന്റെ ചിത്രങ്ങളെ പശ്ചാത്തലമാക്കി ചെയ്ത 'CROW' എന്ന സിനിമയും കണ്ടു. എര്‍വിങ് സ്റ്റോണ്‍ രചിച്ച വാന്‍ഗോഗിന്റെ ജീവചരിത്ര നോവല്‍ പരിചയപ്പെട്ടു.

അനിമേഷന്‍

2011-07-25T04:01:00.000-07:00

UBUNTU വിലെ K-toon 2D Animation Tool kit ഉപയോഗിച്ച് അജയ്.V.S തയ്യാറാക്കിയ ശുചിത്വ ബോധന അനിമേഷന്‍.

തങ്കത്താഴികക്കുടമല്ല............

2011-07-22T04:23:00.000-07:00

ജൂലൈ 21 ചന്ദ്രബിംബം തങ്കത്താഴികക്കുടമല്ലെന്ന് മനുഷ്യന്‍ നേരിട്ടു കണ്ടിട്ട് 42 വര്‍ഷം പൂര്‍ത്തിയായി. ഈ ദിനാചരണത്തിന്റെ ഭാഗമായി വിദ്യാരംഗം കലാസാഹിത്യവേദിയും IT ക്ലബ്ബും ചേര്‍ന്ന് ഞങ്ങളുടെ സ്കൂളില്‍ ചില പ്രവര്‍ത്തനങ്ങള്‍ നടത്തി.

ബഹിരാകാശപ്രശ്നോത്തരി (മള്‍ട്ടിമീഡിയ പ്രസന്റേഷന്‍) യില്‍ ഞങ്ങള്‍ ആവേശത്തോടെയാണ് പങ്കെടുത്തത്.

മത്സരവി‍‍ജയികള്‍

HS വിഭാഗം

First – ശശിഭൂഷണ്‍.S.L 10 B

Second – അജയ്.V.S 9 A

Third – ശ്രീദേവി 9 C

UP വിഭാഗം

First – അരവിന്ദ് 7 A

First – നിര്‍മല്‍ ചന്ദ് 7 B

Second – ഹരിഗോവിന്ദ് 7 B

Third – അനന്ദു അഭിരാം 7 B

K-Star എന്ന സോഫ്റ്റ് വെയറിലൂടെ ഞങ്ങള്‍ ചന്ദ്രന്റെ വൃദ്ധിക്ഷയം

നിരീക്ഷിച്ചു.സ്കൂളിലെ കുട്ടി IT കോര്‍ഡിനേറ്റര്‍മാര്‍ UP യിലെ ഓരോ ക്ലാസ്സിലെ കുട്ടികളേയും ഇതു പരിചയപ്പെടുത്തി.

മാനത്തേയ്ക്കൊരു കിളിവാതില്‍ എന്ന CD യുടെ പ്രദര്‍ശനവും നടന്നു.

ബഡ്ഡിംഗ്, ഗ്രാഫ്റ്റിംഗ്,ലെയറിങ്ങ് പരിശീലനവും സസ്യപ്രദര്‍ശനവും

2011-07-22T04:00:00.000-07:00

കരിപ്പൂര്‍ ഗവണ്‍മെന്റ് ഹൈസ്കൂളില്‍ UP വിഭാഗം

കുട്ടികള്‍ക്കായി ബഡ്ഡിംഗ്, ഗ്രാഫ്റ്റിംഗ്, ലെയറിംഗ് എന്നീ

ആധുനിക സസ്യ പരിപാലന രീതികളെക്കുറിച്ച് പരിശീലനം

നല്‍കി. സയന്‍സ് ക്ലബ്ബ്, പരിസ്ഥിതി ക്ലബ്ബ്,നെടുമങ്ങാട് കൃഷി

ആഫീസറുടെ നേതൃത്വത്തില്‍ കൃഷിഭവനും, മുഖവൂര്‍ നഴ്സറി

എന്നിവ സംയുക്തമായാണ് ഇത് സംഘടിപ്പിച്ചത്. കൃഷി

ആഫീസര്‍ ശ്രീ രവീന്ദ്രന്‍ ഉദ്ഘാടനം ചെയ്തു. കൃഷി അസിസ്റ്റന്റ്

ശ്രീ സുനില്‍കുമാര്‍ പ്രവര്‍ത്തനങ്ങള്‍ കാണിച്ചു തന്നു.മുഖവൂര്‍

നഴ്സറി ഉടമ ശ്രീ രമേഷ് സസ്യങ്ങള്‍ സൗജന്യമായ് സ്കൂളില്‍

നല്‍കി.പേര,സപ്പോട്ട,മാവ്,റോസ്,ചെമ്പരത്തി,മാതളം,റബ്ബര്‍,പ്ലാവ് തുടങ്ങിയ

സസ്യങ്ങളില്‍ പരിശീലനം നല്‍കി.അദ്ധ്യാപകരായ J സിന്ധു,ഷിഹാബ്ബുദ്ദീന്‍

പ്രതാപന്‍,സജീവ്,ഹരികുമാര്‍ എന്നിവര്‍ നേതൃത്വം നല്‍കി.

നൂറിലധികം കുട്ടികള്‍ പരിശീലനം നടത്തി.

അഭിനന്ദനങ്ങള്‍!

2011-07-15T23:21:00.000-07:00

ഞങ്ങളുടെ സ്കൂളില്‍ നിന്ന് SSLC പാസ്സായ അനീഷ് ചേട്ടന് കേരളയൂണിവേഴ്സിറ്റിയുടെ BSc ജിയോളജിയില്‍ ഒന്നാം റാങ്ക്.

IIT യുടെ എന്‍ട്രന്‍സില്‍ 90 ാ റാങ്കും ചേട്ടന് ലഭിച്ചു.
ചേട്ടന് അഭിനന്ദനങ്ങള്‍!

ഞങ്ങളുടെ സ്കൂളില്‍

അനീഷ് ചേട്ടനെ അനുമോദിച്ചപ്പോള്‍

संगोष्ठी (സെമിനാര്‍)

2011-07-15T23:18:00.000-07:00

പത്താം ക്ലാസ്സിലെ ഹിന്ദി പാഠപുസ്തകത്തിലെ ആദ്യയൂണിറ്റുമായി ബന്ധപ്പെട്ട് 'प्रकृति हमारी मां है और पशु-पक्षी हमारॆ सहजीवी' എന്ന വിഷയത്തില്‍ സെമിനാര്‍ നടത്തി.

വളര്‍ന്ന് വളര്‍ന്ന് വളര്‍ന്ന്...ഡിം...

2011-07-15T23:11:00.000-07:00

ലോകജനസംഖ്യാ ദിനത്തില്‍ ഞങ്ങളുടെ സ്കൂളില്‍ പ്രദര്‍ശിപ്പിച്ച കാര്‍ട്ടൂണ്‍ പോസ്റ്റര്‍

വര- രഞ്ജിത്ത്.R 9D

വീണ്ടും...

2011-07-14T03:46:00.000-07:00

ആരവങ്ങള്‍ക്കപ്പുറം...

കഴിഞ്ഞ വര്‍ഷം കുട്ടികള്‍ തിരക്കഥയെഴുതി സംവിധാനം ചെയ്ത ചെറുചലച്ചിത്രം

കാര്‍ട്ടുണ്‍

2011-07-12T04:13:00.000-07:00

അഭിരാം s ആമ്പാടി

Publish Post

അനിമേഷന്‍

2011-07-05T04:31:00.000-07:00

IT@SCHOOL -ന്റെ 4ദിവസത്തെ അനിമേഷന്‍ ക്യാമ്പില്‍ പങ്കടുത്ത അജയ്.VS നിര്‍മിച്ച പരിസ്ഥിതി ബോധന അനിമേഷന്‍

മധുചന്ദ്രികയില്‍ മഴവില്‍ക്കൊടിയുടെ മുനമുക്കി...

2011-06-24T03:52:00.000-07:00

ഇങ്ങനെ എഴുതാന്‍ ആഗ്രഹിച്ച ചങ്ങന്പുഴയുടെ ചരമദിനം ജൂണ്‍ 17 ന് ഞങ്ങള്‍ ആചരിച്ചു.ചങ്ങന്പുഴ കവിതാലാപനവും അനുസ്മരണവും നടന്നു. രഹ്‍ന,ഗായത്രി തുടങ്ങിയവര്‍ ചങ്ങന്പുഴ കവിതകള്‍ ആലപിച്ചു.

കിളികള്‍ക്കായി....

2011-06-24T03:42:00.000-07:00

സ്കൂള്‍ വിദ്യാരംഗം കലാസാഹിത്യവേദിയുടെ ഭാഗമായി ജൂണ്‍ 14 ന് പക്ഷിനിരീക്ഷകനായിരുന്ന കെ.കെ.നീലകണ്ഠന്‍ (ഇന്ദുചൂഡന്‍) അനുസ്മരണം നടത്തി. വിദ്യാരംഗം കണ്‍വീനര്‍ രേഷ്മാ കൃഷ്ണന്‍ അനുസ്മരണ പ്രഭാഷണം നടത്തി. കേരളത്തിലെ പക്ഷികള്‍, പക്ഷികളും മനുഷ്യരും എന്നീ പുസ്തകങ്ങള്‍ പരിചയപ്പെടുത്തി. തൂവല്‍ക്കുപ്പാക്കാരുടെ വിസ്മയലോകം എന്ന വീഡിയോ പ്രദര്‍ശനം നടത്തി. കേരളത്തിലെ വിവിധ തരത്തിലുള്ള പക്ഷികളെക്കുറിച്ചും അവയുടെ കൂടൊരുക്കലും തീറ്റ തേടലും എല്ലാം അറിയാന്‍ കഴിഞ്ഞു.നമ്മുടെ പരിസരത്തുള്ള പക്ഷികളെ നിരീക്ഷിക്കാനുള്ള ആഗ്രഹവും ഞങ്ങള്‍ക്കുണ്ടായി.

വായന ദിനത്തില്‍ ഇ.വായന

2011-06-23T04:20:00.000-07:00

കംപ്യൂട്ടറും ഇന്റര്‍നെറ്റും വായനയെ തളര്‍ത്തുന്നില്ല എന്നു തെളിയിച്ചു കൊണ്ട് കരിപ്പൂര് G.H.S ല്‍ ഇ.വായന നടത്തി. ബ്ലോഗ്,വിക്കിപീഡിയ,ഓണ്‍ലൈന്‍ മാഗസിനുകള്‍ തുടങ്ങിയവ വായിക്കുകയും കുറിപ്പു തയ്യാറാക്കുകയും ചെയ്തു കൊണ്ടാണ് വായനാ ദിനാചരണം നടത്തിയത്.അസംബ്ലിയില്‍ അല്‍നൗഫിയ.എന്‍,കൃഷ്ണപ്രിയ.‍ഡി.പി, അജയ്.വി.എസ് എന്നിവര്‍ വായനാദിന സന്ദേശം അവതരിപ്പിച്ചു.

ഐശ്വര്യ. ജെ.ആര്‍ ബെന്യാമിന്റെ ആടു ജീവിതം വിശദമായി

പരിചയപ്പെടുത്തി.ഹിന്ദി പുസ്തകവായന നടന്നു.എല്‍.പി വിഭാഗം കുട്ടികള്‍ കഥാസ്വാദനവും നടത്തി.

മുന്നേ പോകുന്നത്

2011-06-16T05:15:00.000-07:00

ഞങ്ങളുടെ സ്കൂളിലെ 9A ക്ലാസില്‍ പഠിക്കുന്ന പാര്‍വതിയുടെ കഥ

മാത്രഭുമി ആഴ്ചപ്പതിപ്പില്‍ ബാലപംക്തി യില്‍ പ്രസിദ്ധീകരിച്ചു.

കണികാ പരീക്ഷണവും ബലങ്ങളുടെ ഏകീകരണവും

2011-06-14T05:10:00.000-07:00

ശാസ്ത്രസാഹിത്യ പരിഷത്തിന്റെ ആഭിമുഖ്യത്തില്‍ ഞങ്ങളുടെ സ്കൂളില്‍ ഡോ.ഹരികുമാര്‍ ക്ലാസെടുത്തു.കണികാ പരീക്ഷണവും ബലങ്ങളുടെ ഏകീകരണവും എന്നതായിരുന്നു വിഷയം.ഹൈദരാബാദ് സെന്‍ട്രല്‍ യൂണിവേഴ്സിറ്റിയില്‍ ശാസ്ത്രജ്ഞനായ അദ്ദേഹം ഞങ്ങള്‍ക്ക് CERN-ലെ കണികാ പരീക്ഷണത്തെ കുറിച്ച് പറഞ്ഞു തന്നു.CERNന്റെ LHC പദ്ധതിയുടെ ദൗത്യം, അതില്‍ നിന്നുദ്ദേശിക്കുന്നത്, പ്രവര്‍ത്തനതത്വം തുടങ്ങി ഘടനാപരവും പ്രവര്‍ത്തനപരവുമായ ധാരാളം കാര്യങ്ങള്‍ ഹരികുമാര്‍‍ എന്ന ശാസ്ത്രജ്ഞന്‍ പകര്‍ന്നുതന്നു.

പ്രപഞ്ചോത്പത്തിയെ കുറിച്ചുള്ള അന്വേഷണമാണ് LHCയില്‍ നടക്കുന്നത്. ആറ്റത്തിനുള്ളിലെ കണികകളുടെ നിരന്തരകൂട്ടിമുട്ടലുകള്‍ അതില്‍ നിന്ന് പുറത്തേയ്ക്കുള്ള ഊര്‍ജം എന്നിവയിലൂടെയാണ് ഇത് പൂര്‍ത്തിയാകുന്നത്. ഹിഗ്സ് കണം എന്നത് കണ്ടെത്താനാണ് ഈ പരീക്ഷണം പ്രധാനമായും നടത്തുന്നത്.2020 ഓടെ ഇത് പൂര്‍ത്തിയാകുമെന്നും അദ്ദേഹം പറഞ്ഞു.ഇത് വി‍യജിച്ചില്ലെങ്കില്‍ പ്രപഞ്ചോല്‍പത്തിയെക്കുറിച്ച് നാം ഇതു വരെ കണ്ടെത്തിയത് തിരുത്തിയെഴുതേണ്ടി വരും.

അപൂര്‍വ്വമായി ലഭിക്കാവുന്ന ഒരു ഭാഗ്യമായിരുന്നു ഈ ക്ലാസ്സ്. അത് ഞങ്ങള്‍ പരമാവധി ഉപയോഗപ്പെടുത്തുകയും ചെയ്തു. ഞങ്ങളുടെ സംശയങ്ങള്‍ക്ക് അദ്ദേഹം വ്യക്തമായും വിനീതമായും മറുപടികള്‍ തന്നു. ഊര്‍ജതന്ത്രവുമായി ബന്ധപ്പെട്ട് ഒരു ശാസ്ത്രജ്ഞന്‍ ക്ലാസ്സെടുത്തത് ഞങ്ങള്‍ ഒരു നേട്ടമായി കണക്കാക്കുന്നു.അദ്ദേഹത്തിനോട് സംശയങ്ങള്‍ക്ക് harisp@vohyo.ernet.in എന്ന E-mail ID യിലൂടെ ബന്ധപ്പെടാം.

പരിസ്ഥിതിദിനം തോരാമഴയില്‍ ..... എന്നാലും....

2011-06-07T04:20:00.000-07:00

മഴക്കാല രോഗങ്ങളെ കുറിച്ചുള്ള ബോധവല്‍ക്കരണത്തിനു വേണ്ടി ലഘു ലേഖ തയ്യാറാക്കി കുട്ടികള്ക്ക് വിതരണം ചെയ്തു.

അങ്ങനെ ഓരോ വീടുകളിലും ഞങ്ങളുടെ സന്ദേശം എത്തി.

ഞങ്ങള്‍ക്ക് സ്കൂളില്‍ നിന്ന് വൃക്ഷത്തൈകളും ലഭിച്ചു.

വേനല്‍ മഴയായി...

2011-06-07T04:16:00.000-07:00

മെയ്5,6 തീയതികളില്‍ ഞങ്ങളുടെ സ്കൂളില്‍ പല വിഷയങ്ങളുമായി ബന്ധപ്പെട്ട് ക്യാംപ് നടന്നു.രസതന്ത്രവര്‍ഷവുമായി ബന്ധപ്പെട്ട് ശാസ്ത്ര പരീക്ഷ ഞങ്ങളോടെയായിരുന്നു തുടക്കം.ശാസ്ത്രസാഹിത്യപരിഷത്ത് അംഗമായ ഹരികൃഷ്ണന്‍ ചേട്ടനാണ് രസകരമായ രസതന്ത്രത്തിലേക്ക് ഞങ്ങളെ കൊണ്ടു പോയത്.

മാജിക്കിന്റെ മായക്കാഴ്ചയിലേക്ക് ഞങ്ങളെ കൊണ്ടു പോയത് സുരേഷന്‍ ചേട്ടനാണ്.സതീശന്‍ പന്തലക്കോട് നാടന്‍ പാട്ടിന്റെ ഈണവും താളവും നല്‍കി.

ഇംഗ്ലീഷിന്റെ സര്‍ഗാത്മകരചനയിലേക്ക് ഞങ്ങളെ നയിച്ചത് അധ്യാപകരായ ഗിരിജടീച്ചറും ഫാത്തിമടീച്ചറും ആണ്.

വേണുസാര്‍ ഗണിതം കൗതുകമുള്ളതാക്കി തീര്‍ത്തപ്പോള്‍ കാര്‍ട്ടൂണ്‍ വരകളിലേക്ക് ഞങ്ങളെ എത്തിച്ചത് അഭിലാഷ് ചേട്ടനാണ്.ഞങ്ങള്‍ നന്നായി ആസ്വദിച്ച ഒരു ക്യാംപായിരുന്നു അത്.

2011-05-05T17:56:00.000-07:00

ഉത്തരച്ചിന്ത്

2011-04-20T06:14:00.000-07:00

മലയാളം ഉത്തരക്കടലാസ് പരിശോധനാ കൂടിയിരുപ്പില്‍ നിന്നും...

ചോദ്യം- പാത്തുമ്മായുടെ ആട് ഗൗരവമുള്ള ജീവിതകഥ? സ്ത്രീ കഥാപാത്രങ്ങളുടെ പ്രശ്നങ്ങളവതരിപ്പിക്കുകയാണു ഒരു വിദ്യാര്‍ത്ഥി(വിദ്യാര്‍ത്ഥിനിയാകാനാണു കൂടുതല്‍ സാധ്യത)അവള്‍ ഇങ്ങനെ എഴുതുന്നു...."സ്ത്രീകളുടെ ജീവിതം അതു എഴുതിയാല്‍ തീരാത്ത ഒരു ഡയറിയാണു.....അതു നിറയെ വേദനകളും സ്വപ്നങ്ങളുമാണു....." ഇത് അവളുടെ സ്വതന്ത്രമായ കണ്ടെത്തലല്ലാതെ മറ്റൊന്നല്ലല്ലോ...!
ഉത്തരക്കടലാസ് മൂല്യനിര്‍ണ്ണയം നടത്തിയ ഒരു അധ്യാപിക

മധുരമിജ്ജീവിതം ചെറുതാണെന്നാകിലും.....................

2011-03-12T02:38:00.000-08:00

ഞങ്ങളുടെവിദ്യാലയത്തിലെ പ്രവര്‍ത്തന ചിത്രങ്ങള്‍ (2010-11)

ഞങ്ങളുടെ ബാലചന്ദ്രന്‍ സാറിന് മലയാളത്തില്‍ ഡോക്ടറേറ്റ്

2011-03-07T04:17:00.000-08:00

'വസ്ത്രം,വസ്ത്രധാരണം കേരളീയകൂട്ടായ്മ' എന്ന വ്യത്യസ്തമായ വിഷയത്തിലാണ് സാര്‍ ഗവേഷണം നടത്തിയത്. കോഴിക്കോട് സര്‍വ്വകലാശാലയില്‍ നിന്നുമാണ് അദ്ദേഹത്തിന് ഡോക്ടറേറ്റ് ലഭിച്ചത്. ഈ വര്‍ഷം സര്‍വ്വീസില്‍ നിന്നും വിരമിക്കുന്ന അദ്ദേഹമാണ് ഞങ്ങളുടെ സ്കൂളിലെ മികച്ച പ്രവര്‍ത്തനങ്ങള്‍ക്കെല്ലാം നേതൃത്വം നല്‍കിയിരുന്നത്. പഠനാനുബന്ധ പ്രവര്‍ത്തനങ്ങളില്‍ പുതിയ ആശയങ്ങള്‍ നല്‍കി മികച്ച പ്രവര്‍ത്തനങ്ങളൊരുക്കാന്‍ ഞങ്ങള്‍ക്ക് കൂട്ടായി നിന്നത് സാറാണ്. ഇനിയും ഈ സ്കൂളിന്റെ പ്രവര്‍ത്തനങ്ങളില്‍ സാറിന്റെ സഹായം ഉണ്ടാകുമെന്നാണ് ഞങ്ങള്‍ പ്രതീക്ഷിക്കുന്നത്. അതോടൊപ്പം സാറിന് കരിപ്പൂര് സ്കൂളിലെ എല്ലാ വിദ്യാര്‍ത്ഥിളുടെയും അധ്യാപകരുടെയും അഭിനന്ദനങ്ങള്‍!

ഞങ്ങളുടെ ബ്ലോഗ് കൂടുതല്‍ സുന്ദരിയായി.....!

2011-02-10T03:29:00.000-08:00

ഞങ്ങളും ബ്ലോഗ് അപ്ഗ്രേ‍‍ഡ് ചെയ്തു. പഴയ ടെമ്പ്ലേറ്റ് സുന്ദരമായിരുന്നെങ്കിലും

കൂടുതല്‍ സങ്കേതങ്ങള്‍ ഉള്‍പ്പെടുത്താന്‍ ഞങ്ങള്‍ ഈ ടെമ്പ്ലേറ്റ് സ്വീകരിച്ചു.

feedjit,ജനപ്രിയ പോസ്റ്റുകള്‍,ലേബല്‍,ഫിഷ് ഇതൊക്കെ ഉള്‍പ്പെടുത്തി അപ്ഗ്രേഡ് ചെയ്യാന്‍ ഞങ്ങളെ സഹായിച്ചത് 2007-ല്‍ ഈ ബ്ലോഗ് തുടങ്ങാന്‍ ഞങ്ങളോടൊപ്പം നിന്ന ഉദയന്‍ചേട്ടനാണ്.

അദ്ദേഹത്തിന്റെ തെറ്റാടി എന്ന ബ്ലോഗും സഞ്ചാരം എന്ന online magazine നും

നിങ്ങള്‍ക്കു കാണാം.ജാലകം എന്ന വെബ് ലോകത്ത് ഇനി ഞങ്ങളുമുണ്ടാകും.

മണിമുത്താറും കടന്ന് കന്യാകുമാരിയിലേക്ക്

2011-02-10T02:58:00.000-08:00

ജനുവരി 25ന് ഞങ്ങള്‍ കന്യാകുമാരിയിലേക്ക് ഒരു യാത്ര പോയി. അതിരാവിലെ തന്നെ ഞങ്ങള്‍ സ്കൂളില്‍ നിന്നും യാത്ര തിരിച്ചു. ഞങ്ങളുടെ വിദ്യാലയജീവിതത്തിലെ മറക്കാനാവാത്ത ഒരു അനുഭവമായിരുന്നു ഇത്. ആദ്യം പോയത് കുളത്തുപുഴ ക്ഷേത്രത്തിലേക്കായിരുന്നു. കുളത്തുപുഴയില്‍ മീനുകള്‍ പുളക്കുന്നുണ്ടായിരുന്നു. പ്രകൃതിരമണീയമായ തെന്മലയിലേക്കായിരുന്നു പിന്നീട് ഞങ്ങള്‍ പോയത്. തെന്മലയുടെ പഴയപേര് തേന്മല എന്നായിരുന്നുവത്രെ. ഡാമിലേക്കുള്ള പടികള്‍ ചൈനയിലെ വന്മതില്‍ പോലെയാണ് തോന്നിയത്. കാരണം, പടികള്‍ അത്രക്കു വലുതായിരുന്നു. അവിടെ നിന്നും കുരങ്ങന്മാര്‍ നിറഞ്ഞ കുറ്റാലത്തേക്ക് യാത്ര തിരിച്ചു. വെള്ളച്ചാട്ടം അതിസുന്ദരം! മണിമുത്താര്‍ ഡാമിന്റെ വന്യതയിലാണ് ഞങ്ങള്‍ ആഹാരം കഴിക്കാനിരുന്നത്. ഉച്ചവെയിലിന്റെ ചൂട് ഞങ്ങളെ പൊള്ളിച്ചു. നിശബ്ദവും വന്യവുമായ സൗന്ദര്യം മണിമുത്താറിനെ വ്യത്യസ്തമാക്കുന്നു. പിന്നെ യാത്ര കന്യാകുമാരിയിലേക്ക്. പോകുന്ന വഴിയില്‍ കാറ്റാടിപ്പാടങ്ങള്‍ കണ്ടു. മഞ്ഞ വിരിച്ച നെല്‍പ്പാടവും കണ്ടു. ഞങ്ങള്‍ കടലില്‍ കുളിച്ചു, അസ്തമയം ആസ്വദിച്ചു, മടങ്ങി.....

ആമൃത
10 D

'ത്രുടി'യിലെ കാലം - പുസ്തക ചര്‍ച്ച

2011-01-27T03:19:00.000-08:00

ഞങ്ങളുടെ സ്കൂളിലെ പൂര്‍വ്വ വിദ്യാര്‍ത്ഥിയും എഴുത്തുകാരനുമായ പി.കെ.സുധിയുടെ പുതിയ നോവലാണ് 'ത്രുടി'.ഈ നോവലില്‍ ഒരു ചര്‍ച്ച സംഘടിപ്പിച്ചത് നെടുമങ്ങാട് മലയാളം സമിതിയും. 22 ന് വൈകുന്നേരം ഠൗണ്‍ LPS ല്‍ നടന്ന ചര്‍ച്ചയില്‍ ചായം ധര്‍മരാജന്‍,ഡി.യേശുദാസ്,ഡോ.രാജശേഖരന്‍,ജി.എസ്.ജയചന്ദ്രന്‍,വിനീഷ് കളത്തറ,ശശിധരന്‍ നായര്‍,അഭിലാഷ് എന്നിവര്‍ പങ്കെടുത്തു. നെടുമങ്ങാടിന്റെ മാറ്റവും വികസനവും നിഴലിച്ചു നില്‍ക്കുന്ന ത്രുടിയെ കാലത്തിന്റെ ദര്‍ശനം, പരിസ്ഥിതി, ഭാഷ, രാഷ്ട്രീയം, മനുഷ്യത്വം എന്നീ തലങ്ങളില്‍ നിന്ന് വിശകലനം ചെയ്യാന്‍ സാധിക്കുമെന്ന് ചര്‍ച്ച തുടങ്ങി വച്ച ചായം ധര്‍മരാജന്‍ പറഞ്ഞു.നെടുമങ്ങാടിന്റെ തനതു പദങ്ങള്‍ ധാരാളമായി ഉപയോഗിച്ചിട്ടുണ്ടെന്ന് ഉദാഹരണങ്ങള്‍ നിരത്തി അദ്ദേഹം വ്യക്തമാക്കി. നോവലിസ്റ്റിലെ ശാസ്ത്രകാരനെ ഈ നോവല്‍ വായനക്കിടക്ക് കാണാം. ശക്തമായ ഒരു സ്ത്രീ കഥാപാത്രമില്ല എന്ന വിമര്‍ശനമാണ് അദ്ദേഹം മുന്നോട്ടു വച്ചത്.

സമയത്തെ വിഷയമാക്കിയ നോവല്‍ എന്നാണ് ഡി.യോശുദാസ് ത്രുടിയെ വിശേഷിപ്പിച്ചത്.സംഭവങ്ങളവതരിപ്പിക്കാതെ സംഭവങ്ങളെക്കുറിച്ച് പറയുകയാണ്. സുരന്‍ എന്ന പത്രപ്രവര്‍ത്തകനോട് റിപ്പോര്‍ട്ട് ചെയ്യുന്ന രീതിയിലാണ് സംഭവവിവരണം. പുരുഷകേന്ദ്രീകൃതമായ ജീവിതമാണ് നോവലിനുള്ളത്.സങ്കീര്‍ണമായ പ്രമേയം ഉപയോഗിക്കുമ്പോള്‍ തന്നെ വൈകാരികതയില്ലാതെ നിയന്ത്രിതമായ അവതരണമാണ് നോവലിസ്റ്റ് സ്വീകരിച്ചിരിക്കുന്നതെന്നും ഡി.യേശുദാസ് കുട്ടിച്ചേര്‍ത്തു. നെടുമങ്ങാടിന്റെ തനതു പദങ്ങളായിട്ടല്ല തെക്കന്‍ തിരുവിതാംകൂറിന്റെ പദങ്ങളായാണ് തനിക്ക് കാണാന്‍ കഴിഞ്ഞത്. 'മൊടമ' എന്ന പദം മാത്രമാണ് തനിക്ക് അപരിചിതമായിരുന്നതെന്ന് അദ്ദേഹം പറഞ്ഞു. പോയ കാലത്തിന്റെ തിരിച്ചുവരവ് മൈക്കിള്‍ ജാക്സന്റെ Earth Song ലെ പോലെ വായനക്കാരനനുഭവപ്പെടുമെന്നാണ് യേശുദാസിന്റെ അഭിപ്രായം. വിഹ്വലതകളുടെ കഥ പറയുന്ന ത്രുടി ആത്മനിഷ്ടവുമാണ് എന്നാണ് ഡോ.രാജശേഖരന്‍ പറഞ്ഞത്.
നെടുമങ്ങാടിന്റെ പരിധിക്കുള്ളില്‍ നിന്ന് നോക്കിക്കൊണ്ട് നെടുമങ്ങാടിന്റേതു മാത്രമായി നോവലിനെ ചുരുക്കിക്കളയരുതെന്നാണ് ശേഷം ചര്‍ച്ചയില്‍ പങ്കെടുത്ത ജി.എസ്.ജയചന്ദ്രന്‍ അഭിപ്രായപ്പെട്ടത്.

വ്യത്യസ്തമായ ആഖ്യാനരീതി ഒരു സിനിമാറ്റിക് ഫ്രെയിമിന്റെ കാഴ്ചയാണ് തനിക്കനുഭവപ്പെട്ടതെന്ന് ഒരു നാടകകൃത്തു കൂടിയായ വിനീഷ് കളത്തറ അഭിപ്രായപ്പെട്ടു.നെടുമങ്ങാടിന്റെ നോവലിസ്റ്റുകളായ പി.എ.ഉത്തമന്‍ , പി.കെ.സുധി എന്നിവര്‍ക്ക് അര്‍ഹിക്കുന്ന അംഗീകാരം ലഭിച്ചിട്ടില്ലെന്ന നീരസവും അദ്ദേഹം പങ്കുവെച്ചു.

തന്റെ കൃതിയിലെ പ്രശ്നങ്ങളെന്തൊക്കെ എന്നറിയാനായിരുന്നു തനിക്ക് കൂടുതല്‍ താല്‍പര്യമെന്ന് മറുപടിയില്‍ പി.കെ.സുധി സൂചിപ്പിച്ചു.വിജു കൊന്നമൂട് നന്ദി പറഞ്ഞു.

രാത്രിയും പകലാക്കി...

2011-01-24T03:32:00.000-08:00

ഈ വര്‍‍‍‍‍‍‍‍ഷം പത്താം ക്ലാസില്‍‍‍‍‍ പഠനത്തില്‍ പിന്നാക്കം നില്ക്കുന്ന

കുട്ടികള്‍ക്ക് വൈകുന്നേരം 6 മണി മുതല്‍‍‍ 8മണി വരെ പ്രത്യേകം പഠനപ്രവര്‍ത്ത-

നങ്ങളൊരുക്കുന്നു.ബാലചന്ദ്രന്‍ സാറിന്റെ നേതൃത്വത്തില്‍ നടക്കുന്ന ഈ പ്രവര്‍ത്ത-

നത്തില്‍ സ്കൂളിലെ മുഴുവന്‍ അധ്യാപകരും പങ്കെടുക്കുന്നു.അധ്യാപകരും നല്ലവരായ

നാട്ടുകാരും കുട്ടികള്‍‍‍‍‍‍‍‍ക്ക് ഭക്ഷണം കൊടുക്കാന്‍‍‍‍‍‍ വേണ്ട സഹായം ചെയ്യുന്നു.വീടുകളി-

ല്‍‍‍‍‍‍‍ പഠിക്കാനുള്ള സാഹചര്യമില്ലാത്തവര്‍‍‍‍‍‍‍ക്കും താല്‍‍‍‍‍‍പര്യം കാണിക്കാത്തവര്‍‍‍‍‍‍ക്കുംഈ

ക്ലാസ് വളരെ പ്രയോജനപ്രദമാകുന്നുണ്ട്.നല്ലൊരു റിസള്ട്ട് പ്രതീക്ഷിക്കുന്നു.

പഠനത്തിനു മുന്‍പ് ഭക്ഷണം.

ശാന്തിഭൂഷണ്‍ ഹാര്‍ഡ് വെയര്‍ ക്ലാസ്സ് നയിക്കുന്നു

2010-12-31T16:38:00.000-08:00

അവധിക്കാല എസ്.എസ്.ഐ.റ്റി.സി പരിശീലനം

2010-12-29T01:30:00.000-08:00

ശാന്തിഭൂഷണ്‍ ഹാര്‍ഡ് വെയര്‍ ക്ലാസ്സ് നയിക്കുന്നു.

അവധിക്കാല എസ്.എസ്.ഐ.റ്റി.സി പരിശീലനം ഞങ്ങളുടെ സ്കൂളില്‍ 27,28 തീയതികളില്‍ നടന്നു.മഞ്ച ബി.വി.എച്ച്.എസ്.എസിലെ കുട്ടികളും ഞങ്ങളുമാണ് പരിശീലനത്തില്‍ പങ്കെടുത്തത്.ആ സ്കൂളിലെ എസ്.ഐ.റ്റി.സി. ആയ ഷീജ ടീച്ചറും ഞങ്ങളുടെ സ്കൂളിലെ എസ്.ഐ.റ്റി.സി മാരായ ഷീജ ബീഗം ടീച്ചറും ബിന്ദു ടീച്ചറും ആണ് പരിശീലനത്തിന് നേതൃത്വം നല്കിയത്.
ഇന്റനെറ്റില്‍ നാം സന്ദര്‍ശിക്കേണ്ട പ്രധാന സൈറ്റുകള്‍ ഞങ്ങള്‍ അറിഞ്ഞു.ചിത്രങ്ങളും വിവരങ്ങളും ശേഖരിച്ച് പ്രസന്റേഷന്‍ തയ്യാറാക്കാനും ഞങ്ങള്‍ പരിശീലിച്ചു.യു ട്യൂബില്‍ നിന്നും ഒരു വീഡിയോ ഡൗണ്‍ലോഡ് ചെയ്യുന്നത് എങ്ങനെ എന്നറിഞ്ഞപ്പോള്‍ കൂട്ടുകാര്‍ക്ക് സന്തോഷമായി.സി.ഡി കോപ്പി ചെയ്യുന്നതിനും റൈറ്റ് ചെയ്യുന്നതിനും ഞങ്ങള്‍ K3Bയില്‍ പഠിച്ചു.ഉബുണ്ടുവിലെ ഇംഗ്ലീഷ് മലയാളം നിഘണ്ടു കൊള്ളാം.ജ്യാമിതീയ രൂപങ്ങളെക്കുറിച്ച് പഠിക്കുന്ന ജിയോജിബ്ര ഞങ്ങള്‍ പരിചയപ്പെട്ടു.
ഞങ്ങള്‍ക്ക് ഹാര്‍ഡ് വെയര്‍ ക്ലാസ്സ് എടുത്തത് സ്കൂളിലെ പൂര്‍വ്വ വിദ്യാര്‍ത്ഥിയും എഞ്ചിനീയറിംഗ് വിദ്യാര്‍ത്ഥിയും ആയ ശാന്തിഭൂഷണ്‍ ആണ്.സിസ്റ്റം യൂണിറ്റ് 'പൊളിച്ച് അടുക്കാന്‍'ഉള്ള ധൈര്യം ഞങ്ങള്‍ക്ക് ലഭിച്ചത് ശാന്തിച്ചേട്ടന്റെ ക്ലാസ്സു കൊണ്ടാണ്.
ഐ.റ്റി. ക്ലബ്ബ് അംഗങ്ങളുടെ ചുമതല എന്താണെന്ന് മനസ്സിലാക്കാനും ഈ പരിശീലനം ഞങ്ങളെ സഹായിച്ചു.

പുല്‍ക്കൂട്ടിലെ പ്രകാശം ലോകത്തിന് നന്മയേകുന്നു.

2010-12-29T01:24:00.000-08:00

		ഞങ്ങളോട് തെറ്റു ചെയ്യുന്നവരോട് ഞങ്ങള്‍ ക്ഷമിക്കുന്നതുപോലെ ഞങ്ങളുടെ തെറ്റുകള്‍ ഞങ്ങളോട് ക്ഷമിക്കേണമേ....! (വി.മത്തായി 6:12)
ഞങ്ങളൊരുക്കിയ പുല്‍ക്കൂട്...

ഞങ്ങളുടെ വിദ്യാലയത്തില്‍ പാല പൂത്തപ്പോള്‍.............!

2010-11-26T07:01:00.000-08:00

സബ് ജില്ലാ ശാസ്ത്രമേള-ഐ.റ്റിയില്‍ ഞങ്ങള്‍ മുന്നില്‍

2010-11-21T03:24:00.000-08:00

G.G.H.S.S നെടുമങ്ങാട് വച്ചു നടന്ന സബ് ജില്ലാ ശാസത്രമേളയില്‍ മലയാളം ടൈപ്പിംങ്, ,ഐ.റ്റി ക്വിസ്,പ്രസന്റേഷന്‍,ഡിജിറ്റല്‍ പെയിംന്റിങ് എന്നിവയില്‍ സമ്മാനം നേടിക്കൊണ്ട് ഞങ്ങളുടെ യു.പിയും ഹൈസ്കൂള്‍ വിഭാഗവും മുന്നിലെത്തി.

    വിജയി                          ഇനം
    കര്‍ണന്‍ വി.സി(H.S)      ഡിജിറ്റല്‍ പെയിംന്റിംഗ്
    അനന്ദു.എ(H.S)             മലയാളം ടൈപ്പ്റൈറ്റിംഗ്
    അഭിരാജ്.ആര്‍(H.S)       പ്രസന്റേഷന്‍
    അഭിനു ബാലചന്ദ്രന്‍(H.S) ഐ.റ്റി ക്വിസ്
    അനന്ദു ബി.ആര്‍.റാം(U.P) ടൈപ്പ് റൈറ്റിംഗ്
    നിര്‍മ്മല്‍ ചന്ദ് (U.P)        ഐ.റ്റി ക്വിസ്

അച്ഛനമ്മമാര്‍ കമ്പ്യൂട്ടര്‍ പഠിക്കുന്നു

2010-11-21T03:23:00.000-08:00

GHS KARIPPOOR സ്കൂള്‍ IT CLUB ഞങ്ങളുടെ അച്ഛനമ്മമാര്‍ക്ക് കമ്പ്യൂട്ടര്‍ പരിശീലനം നല്‍കുന്നു.സ്വതന്ത്ര സോഫ്റ്റ് വെയറിലാണ് പരിശീലനം. ഓഫീസ് പാക്കേജ് , മലയാളം ടൈപ്പ്റൈറ്റിംഗ് , ഇന്റര്‍നെറ്റ് തുടങ്ങിയവയില്‍ ഞങ്ങളുടെ അധ്യാപകര്‍ പരിശീലനം നല്‍കുന്നു. പത്ത് രക്ഷകര്‍ത്താക്കളാണ് ഈ ബാച്ചിലുള്ളത്. കമ്പ്യൂട്ടര്‍ പഠിക്കാന്‍ കഴിഞ്ഞതില്‍ വളരെ സന്തോഷത്തിലാണ് ഞങ്ങളുടെ അച്ഛനമ്മമാര്‍.

അഗ്നിപര്‍വ്വതം പുകഞ്ഞപ്പോള്‍

2010-11-21T03:21:00.000-08:00

ശാസ്ത്രലോകത്തെ പുത്തന്‍ അറിവുകള്‍ പങ്കുവച്ചുകൊണ്ട് ഞങ്ങളുടെ വിദ്യാലയത്തില്‍ ശാസ്ത്ര- സാമൂഹ്യ ശാസ്ത്ര മേള നടത്തി.പുകയുന്ന അഗ്നിപര്‍വതവും സൗരയൂഥത്തിന്റെ സാക്ഷാല്‍കാരവും വ്യത്യസ്ത ഇനങ്ങളായിരുന്നു.പുരാവസ്തു പ്രദര്‍ശനവും, ചാര്‍ട്ട് പ്രദര്‍ശനവും ഉണ്ടായിരുന്നു.ഇതോടൊപ്പം കുട്ടികള്‍ കമ്പ്യൂട്ടര്‍ ഹാര്‍ഡ് വെയര്‍ പ്രദര്‍ശനവും നടത്തി.

കണ്ട് കണ്ട് സംസാരിച്ചപ്പോള്‍

2010-10-20T04:10:00.000-07:00

ഞങ്ങള്‍ വീഡിയോകോള്‍ നടത്തി. ബഹ്റിനില്‍ ജോലി ചെയ്യുന്ന എഴുത്തുകാരനും മാധ്യമ പ്രവര്‍ത്തകനുമായ അനില്‍ വേങ്കോടുമായി സംസാരിച്ചു.skype ലൂടെയും yahoo messenger ലൂടെയുമാണ് ഞങ്ങള്‍ ആശയവിനിമയം നടത്തിയത്.ഇതൊരു പുതിയ അനുഭവമായിരുന്നു.

കഥയും കവിതയും, തിരക്കഥയും നാടകവുമായപ്പോള്‍

2010-09-27T04:03:00.000-07:00

കഥയില്‍ നിന്നും, കവിതയില്‍ നിന്നും തിരക്കഥയും നാടകവും രൂപപ്പെടുത്തിക്കൊണ്ടാണ് ഞങ്ങളുടെ സ്കൂളില്‍ സാഹിത്യശില്‍പശാല നടന്നത്.രൂപപ്പെടുത്തിയ നാടകം അപ്പോള്‍ തന്നെ അവതരിപ്പിക്കുകയും ചെയ്തു.നാടകരചനയ്ക്കും, അവതരണത്തിനും ഞങ്ങള്‍ക്കു കൂട്ടായി നിന്നത് നാടകകൃത്തും അഭിനേതാവുമായ വിനീഷ് കളത്തറയാണ്. തിരക്കഥയെക്കുറിച്ചും സിനിമയെക്കുറിച്ചും ഞങ്ങള്‍ക്കറിവു പകരാന്‍ മനോജേട്ടനും. കഥയെക്കുറിച്ചു കൂടുതല്‍ ഞങ്ങളോട് പറഞ്ഞത് പ്രശസ്ത ചെറുകഥാകൃത്ത് P.K.സുധിയായിരുന്നു.

സ്വതന്ത്രസോഫ്റ്റ് വെയര്‍ ദിനാചരണവും,ഐ.റ്റി.മേളയും

2010-09-22T04:55:00.000-07:00

കുട്ടികൾ ക്ലാസുകൾ നയിക്കുന്നു.

സ്വതന്ത്രസോഫ്റ്റ് വെയറിന്റെ പ്രാധാന്യം,വിവരവിനിമയ സാങ്കേതിക വിദ്യയിലധിഷ്ഠതമായ വിദ്യാഭ്യാസം ഇവയെക്കുറിച്ച് രക്ഷകര്‍ത്താക്കള്‍ക്ക് ബോധവല്‍ക്കരണ ക്ലാസ് നടത്തിക്കൊണ്ടാണ് കരിപ്പൂര്‍ ഹൈസ്കുളില്‍ സ്വതന്ത്രസോഫ്റ്റ് വെയര്‍ ദിനം ആചരിച്ചത്.സ്വതന്ത്രസോഫ്റ്റ് വെയര്‍ ഗാനമടങ്ങിയ പ്രസന്റേഷന്‍ പ്രദര്‍ശിപ്പിച്ചു കൊണ്ട് H.M കുമാരി കെ.പി.ലത പരിപാടി ഉത്ഘാടനം ചെയ്തു.സ്വതന്ത്രസോഫ്റ്റ് വെയര്‍ 'എന്ത്? എങ്ങനെ? എന്തിന്?' എന്ന വിഷയത്തില്‍ ശ്രീ.ജീജോ കൃഷ്ണന്‍ ക്ലാസ്സ് നയിച്ചു.ജിയോജിബ്ര,കാത്സ്യം ഓള്‍ഡ്,ഗെമിക്കല്‍,കെ-സ്റ്റാര്‍സ്,മാര്‍ബിള്‍ എന്നീ വിഷയാനുബന്ധ സോഫ്റ്റ് വെയറുകള്‍ ഉദ്ദേശ്യാധിഷ്ഠിതമായി ക്ലാസുകള്‍ നയിച്ചത് അഭിരാജ്,അജയ്,രേഷ്മ,രശ്മി,രഹ്ന,ഷിഹാസ്,അരുണ്‍,പ്രമോദ് എന്നീ വിദ്യാര്‍ത്ഥികളാണ്.

ഗണിതം ഉത്സവമാക്കി കരിപ്പൂര്‍ ഗവ.ഹൈസ്കൂള്‍

2010-09-22T03:58:00.000-07:00

ചാര്‍ട്ട് പ്രദര്‍ശനം,സെമിനാര്‍,ഗണിത സോഫ്റ്റ് വെയറുകള്‍ പരിചയപ്പെടുത്തല്‍,ഗണിതപ്രശ്നോത്തരി,ഒറിഗാമി പഠനം ഇവയൊക്കെയായി ‍ ഞങ്ങള്‍ ഗണിതപഠനം ഉത്സവമാക്കി.ഗണിതവും മറ്റു വിഷയങ്ങളും,ഗണിതവും അളവുതൂക്കങ്ങളും,കലയും ഗണിതവും,ഗണിതം നിത്യജീവിതത്തില്‍,ഗണിതശാസ്ത്രജ്ഞന്മാര്‍ എന്നീ വിഷയങ്ങളില്‍ അല്‍നൗഫി,സംഗീത,മഞ്ജിമ,സൂരജ്,അഭിരാജ്,അജയ്,......എന്നിവര്‍ പ്രബന്ധങ്ങളവതരിപ്പിച്ചു. ഡോ.ജിയോ,ജിയോജിബ്ര എന്നീ ഗണിത സോഫ്റ്റ് വെയറുകള്‍ പരിചയപ്പെടുത്തിയത് അഭിരാജ്,അശ്വതിബാബുവും അനന്തുവും. വിഷ്വല്‍ പ്രസന്റേഷനിലൂടെ പ്രശ്നോത്തരി നയിച്ചത് നിതിനും അഭിനുവും.ശാസ്ത്രസാഹിത്യ പരിഷത്ത് പ്രവര്‍ത്തകനായ ശ്രീ.പ്രശാന്ത് ഒറിഗാമി ശില്പശാല നടത്തി.

ഐ റ്റി മേള

2010-09-14T08:43:00.000-07:00

ഞങ്ങളുടെ സ്കൂളില്‍ ഐ.റ്റി മേള 6,8,13 തീയതികളില്‍ നടത്തി . 6 മത്സരങ്ങളാണുണ്ടായിരുന്നത്.ഡിജിറ്റല്‍ പെയിന്റിംഗിന് ഉത്സവം എന്ന വിഷയമാണ് ലഭിച്ചത്.45പേ൪ പങ്കെടുത്തു.നാലു പേ൪ സമ്മാനാ൪ഹരായി.പ്രസന്റേഷന്‍ മത്സരത്തിന് പരിസ്ഥിത മലിനീകരണവും പോസ്റ്റ൪ മത്സരത്തിന് ഓസോണ്‍ ദിനവുമായിരുന്നു വിഷയം.15ലധികം കുട്ടികള്‍ പങ്കെടുത്തു . മലയാളം ടൈപ്പിംഗ് ആവേശം തുടിക്കുന്ന മത്സരമായിരുന്നു . അനന്ദുവും അഭിരാജും തമ്മില്‍ കടുത്ത മത്സരമാണുണ്ടായത്.ഐ.റ്റി ക്വിസ് ഒരു മത്സരത്തേക്കാളേറെ ഞങ്ങളില്‍ അറിവു പക൪ന്നു,.

മാവേലി നാടുവാണീടും കാലം.....................................

2010-08-30T04:37:00.000-07:00

ആഗസ്റ്റ് 21 നമുക്ക് ഓണാഘോഷമായിരുന്നു. വിദ്യാലയ പരിസരം വൃത്തിയാക്കിയും അത്തപ്പൂക്കളം തീര്‍ത്തും ഞങ്ങള്‍ ഓണത്തെ വരവേറ്റു. IT CLUB ന്റെ ആഭിമുഖ്യത്തില്‍ DIGITAL അത്തപ്പുക്കളം തീര്‍ത്തതും ഒരു വ്യത്യസ്തമായ അനുഭവമായി.

ഒന്നിച്ചൊരുക്കിയ സ്നേഹ പ്രാവുമായി ഗവ എച്‌ എസ്‌ കരിപ്പൂര്‍

2010-08-07T02:01:00.000-07:00

ആഗസ്റ്റ്‌ 6 ഹിരോഷിമ ദിനം യുദ്ധ വിരുദ്ധ സന്ദേശങ്ങളടങ്ങുന്ന പ്രവര്‍ത്തനങ്ങളിലൂടെയാണു ഞങ്ങളാചരിച്ചതു.രാവിലെ 8.15 നു 20 അടി നീളത്തിലും വീതിയിലുമുള്ള ഔട്‌ ലൈനില്‍ കുട്ടികളും അധ്യാപകരും ചേര്‍ന്നു സ്നേഹപ്രാവിന്റെ രൂപം പൂര്‍ത്തിയാക്കി.യുദ്ധത്തിന്റെ ശാസ്ത്രം,ചരിത്രം,സംസ്കാരം,യുദ്ധവും കുട്ടികളും എന്നീവിഷയങ്ങളില്‍ കുട്ടികള്‍ നയിച്ച ക്ലാസുകള്‍ ശ്രദ്ധേയമായി. യുദ്ധവുമായി ബന്ധപ്പെട്ട പ്രശ്നോത്തരി ദൃശ്യചലനചിത്രങ്ങളടങ്ങുന്ന പ്രസന്റേഷനോടുകൂടിയാണു അവതരിപ്പിച്ചതു. എബിന്‍,ശശിഭൂഷണ്‍ അനന്തനുണ്ണി,ശ്യാം എന്നിവരാണു പ്രശ്നോത്തരി നയിച്ചതു.അതുകൂടാതെ അതുകൂടാതെ ലോകനേതാക്കള്‍ക്കു സമാധാനസന്ദേശങ്ങളടങ്ങുന്ന ഇമെയിലുകളയച്ചു.യുദ്ധവിരുദ്ധ പോസ്റ്റര്‍ രചന മുദ്രാഗീതരചന എന്നിവയും സംഘടിപ്പിച്ചു.

സ്നേഹപ്രാവ്‌

പ്രേംചന്ദ്‌ ദിനം

2010-08-07T01:34:00.000-07:00

ഹിന്ദിയിലെ നോവല്‍ ചക്രവര്‍ത്തിയായ പ്രേംചന്ദിന്റെ ജന്മദിനം 31/7/2010 ഞങ്ങള്‍ അദ്ദേഹത്തെ അറിയുവാനുള്ള ഒരു സംരംഭം ആക്കിത്തീര്‍ത്തു.അദ്ദേഹത്തിന്റെ രചനകളുടെ പ്രദര്‍ശനം,പോസ്റ്റര്‍ രചനാ മല്‍സരം,പ്രശ്നോത്തരി,പോസ്റ്റര്‍ പ്രദര്‍ശനം എന്നീ പ്രവര്‍ത്തനങ്ങളോടൊപ്പം പ്രസംഗമല്‍സരവും സംഘടിപ്പിച്ചു.

NO MORE WAR

2010-08-05T08:12:00.000-07:00

2010-07-21T07:40:00.000-07:00

നടയറ സ്കൂളിലെ മികവിൽ നിന്നു

പെനാലിറ്റി കിക്കും പ്രശ്നോത്തരിയും

2010-07-12T04:09:00.000-07:00

ഞങ്ങള്‍ ലോകകപ്പിനോടൊപ്പം കൂടിയത് പെനാലിറ്റി കിക്കും ഫു‍ട്ബോള്‍ പ്രശ്നോത്തരിയുമായാണ്. ഞങ്ങളുടെകൂട്ടൂകാരായ അഭിനു , അനന്ദു , കര്‍ണ്ണ൯ എന്നിവര്‍തയ്യാറാക്കിയ മള്‍ട്ടിമീഡിയ പ്രസന്റേഷനോടുകൂടിയ ഫുട്ബോള്‍ പ്രശ്നോത്തരി വേറിട്ട ഒരനുഭവമായിരുന്നു. ഞങ്ങളില്‍‍‍‍ ആവേശവും ഉത്സാഹവും നിറച്ചത് ഹരിദാസ് സാറും രാധാദേവി ടീച്ചറിന്റേയും നേതൃത്വത്തില്‍ നടന്ന പെനാലിറ്റി ഷൂട്ടൗട്ട് മത്സരമായിരുന്നു. ഹൈസ്ക്കൂളിലെ എല്ലാ ക്ളാസുകളും മത്സരിച്ച ഷൂട്ടൗട്ടില്‍ 9.C ജേതാക്കളായി. 10.D ആയിരുന്നു റണ്ണര്‍ അപ്പ്.........

കാല്‍പന്തുരുളുമ്പോള്‍ വെള്ളിത്തിരയിലെന്ത് ?

2010-06-29T04:07:00.000-07:00

പുസ്തക പരിചയം
ഞങ്ങള്‍ ഈയിടെ വായിച്ച ഒരു പുസ്തകം പരിചയപ്പെടുത്തുകയാണ്.ഇതിനേറ്റവും അനുയോജ്യമായ സമയവും
ഇതാണെന്നു തോന്നുന്നു .
പുസ്തകം :ഫുട്ബോള‍്‍‍‍‍ സിനിമകള്‍‍‍ കാഴ്ച്ചയും പ്രതിനിധാനവും
എഴുതിയത്: മധുജനാര്‍ദ്ധന൯
ഫുട്ബോള്‍ പ്രമേയമാകുന്ന ലോക സിനിമകളേയും ഡോക്യുമെന്ററികളേയും ആസ്വാദനതലത്തില്‍ നിന്ന്
പരിചയപ്പെടുത്തുകയാണ് മധുജനാര്‍ദ്ധനന്‍‍‍‍‍‍‍ . ഞങ്ങള്‍ക്ക് ഇങ്ങനെയൊരു പുസ്തകം പുതുമയാണ്. ജനങ്ങള്‍‍‍‍‍നെഞ്ചിലേറ്റി ആഹ്ളാദിച്ച ഉശിര൯ കളിക്കാരുടെ ജീവിതം പ്രമേയമാകുന്ന സിനിമകളും ഡോക്യുമെന്ററികളും
ഞങ്ങള്‍ കണ്ടിട്ടില്ലെങ്കിലും ഒരു നേരനുഭവമായിത്തന്നെ ഈ പുസ്തക വായന ഞങ്ങളില്‍ പെയ്തിറങ്ങി.
ഇംഗ്ളീഷ് ക്ള‍‍ബ്ബായ മാഞ്ചസ്റ്ററിന്റെ അറുപതുകളിലെ മിന്നുന്ന താരം ജോര്‍ജ്ജ് ബെസ്റ്റിനെ അവതരിപ്പിയ്ക്കുന്ന
'ജോര്‍ജ്ജ് ബെസ്റ്റ്സ് ബോഡി' എന്ന ഡോക്യുമെന്ററിയാണ് പുസ്തകത്തിലെ ആദ്യവായന.
ഒരുകാലത്ത് ബ്രസീലിയ൯ ജനതയെ ത്രസിപ്പിയ്ക്കുകയും ആവേശത്തിന്റെ മുള്‍മുനയില്‍ നിര്‍ത്തുകയും ചെയ്ത
ഗാരിഞ്ചയുടെ ജീവിതവും കളിയുമാണ് 'ഗാരിഞ്ച ദ ലോണ്‍ലി സ്റ്റാ൪'എന്ന മിര്‍ട്ടന്‍ അയന്‍കാ൪
സംവിധാനം ചെയ്ത ഫുട്ബോള‍്‍‍ സിനിമ . ഈ സിനിമകയെ നന്നായി വിശകലനം ചെയ്ത് ഗാരിഞ്ചയെന്ന
കളിക്കാരനെ നമ്മുടെ മുന്നില്‍ അവതരിപ്പിയ്ക്കാന്‍ ലേഖകന് ശ്രമിയ്ക്കുന്നുണ്ട്.
വിനോദങ്ങളെ ഫാസിസം അതിന്റെ ആര്‍ത്തിയടക്കുവാനുള്ള പരീക്ഷണ മാതൃകകളായി ഉപയോഗിച്ച ചരിത്രമാണ്ടു ഹാഫ് ജംസ് ഇ൯ ഹെല്‍'പറയുന്നത്‍. സ്വേച്ഛധിപത്യ രീതികള്‍ ലഘൂകരിയ്ക്കുവാനുള്ള മനപ്പൂര്‍വ്വമായ ശ്രമമാണ്അമേരിക്കന്‍ സിനിമയായ ' എസ്കേപ്പ് ടു വിക്ടറി '.അര്‍ജന്റീനിയന്‍ ജനതയുടെ പ്രതിരൂപവും സ്വപ്നവും ആശയുംആവേശവും ആയ ദീഗോ മറഡോണയുടെ ജീവിതം ആഖ്യാനം ചെയ്യുന്ന സിനിമയാണ് റോജര്‍ബക്ക്, കെന്‍‍സിക്ളര്‍ എന്നിവര് ചേര്ന്ന് സംവിധാനം നിര്‍വഹിച്ച
1955 ലെ ' മറഡോണ വില്ല൯ ഓ൪ വിക്ടീം 'അര്ജ്ജന്റീനയുടെ സാമൂഹ്യ രാഷ്ട്രീയ ചരിത്രവും ഈ സിനിമയില്‍‍‍‍‍‍‍
പ്പെടുന്നു. 1985 മെയ് 29 ന് ഉണ്ടായ ഹെയ്സ൯ ഫുഡ്ബോള്‍‍‍‍ ദുരന്തത്തെ പഠന വിധേയമാക്കി മൈക്കള്‍
ഹെവിവിറ്റും ബ്രയാല്‍ ഹെന്‍റ്റി മാര്‍ട്ടിനും ചേര്‍ന്ന് ഒരുക്കിയ 'ഹൗ ഹെയ്സല്‍ ചെയ്ഞ്ച്സ് ഫുഡ്ബോള്‍‍‍‍‍‍‍‍എന്ന
ഡോക്യുമെന്ററിയുടെ വായനയും ഈ പുസ്തകത്തില്‍ നടക്കുന്നുണ്ട്.ഫുഡ്ബോളിനെ ആവേശത്തോടെ കാണികയുംലോകകപ്പ്കാണുവാനും എന്തും നേരിടുവാനും ത്യജിക്കുവാനുംതയ്യാറാകുന്ന ബുദ്ധവിഹാരത്തിലെ പഠിതാക്കളുടെകഥയാണ് ഫോര്‍പ്പ് [ ദി കപ്പ് ] എന്ന ഭൂട്ടാ൯ സിനിമബുദ്ധസന്യാസികൂടിയായ സെന്റ് സോനാര്‍ബുവാണ്സംവിധായകന്‍. ഫുഡ്ബോളിന്റെ ആവേശവും സൗന്ദര്യവും വൈകാരികതയും പൂര്‍ണ്ണമായും സ്വാംശീകരിച്ചുകൊണ്ട്ഡാനി കനോണ്‍ സംവിധാനം ചെയ്ത ' ഗോള്‍' എന്ന സിനിമയാണ് ലേഖക൯ അവസാനമായി വായിക്കുന്നത്. ഫുഡ്ബോള്‍ ലഹരി കത്തിപ്പടര്‍ന്നു നില്‍ക്കുന്ന ഈ സന്ദര്‍ഭത്തില്‍ ഞങ്ങള്‍ ഈ പുസ്തകം നിങ്ങള്‍ക്കായിപരിചയപ്പെടുത്തുന്നു............................................! ' '

സച്ചിന്‍ തെണ്ടുല്‍ക്കറിനു അഭിനന്ദനങ്ങള്‍

2009-11-05T21:14:00.004-08:00

ഏകദിന ക്രിക്കറ്റില്‍ പതിനേഴായിരം റണ്‍ തികച്ച്‌ ഇതിഹാസ നേട്ടം കൈവരിച്ച മാസ്റ്റര്‍ ബ്ലാസ്റ്റര്‍ സച്ചിന്‍ തെണ്ടുല്‍ക്കറിനു അഭിനന്ദനങ്ങള്‍. ഹീറൊ ഹോന്ദ കപ്പ്‌ രന്ദയിരത്ത്യൊന്‍പതിലെ അഞ്ചാം ഏകദിനത്തിലാണു ഈ നേട്ടത്തിനര്‍ഹനായത്‌.ഏകദിനത്തില്‍ പതിനായിരം റണ്‍സ്‌ തികയ്ക്കുന്ന ആദ്യ ക്രിക്കറ്റരാണു ഭാരതത്തിന്റെ അഭിമാനമായ സച്ചിന്‍.

സ്വപ്നം

2009-11-05T21:14:00.003-08:00

എന്‍ ആത്മാവിന്‍ മന്ദസ്മിതത്തില്‍തഴുകിയെത്തുമെന്‍

ഓര്‍മകള്‍ഒരു കാറ്റായി കുളിരായിഎന്നെ തഴുകി

പുണരുന്നുഎന്‍ ഓര്‍മയില്‍ ഞാനൊരു പൂവായിരുന്നുസുഗന്ധം

പരത്തി ഞാന്‍ വെയിലില്‍ തളര്‍ന്നു

ഞാന്‍ഞെട്ടറ്റു വീണു പോയി നിലാത്ത്‌എന്നും

നില്‍ക്കുവാന്‍ കൊതിപ്പു ഞാന്‍ഇളം കാറ്റിന്‍

തലോടലേല്‍ക്കുവാന്‍എന്‍ ഓര്‍മയില്‍

മാത്രമെന്‍സ്വപ്നങ്ങള്‍ പൂവണീഞ്ഞെങ്കിൽ

ഗീതു പോൾ

"അന്‌ധതയുടെ" കഥാകാരന്‍ യാത്രയായി

2009-11-05T21:14:00.002-08:00

ലോകത്തെ ഏറ്റവും മികച്ച നോവലിസ്റ്റുകളിലൊരാളും നോബല്‍ സമ്മാന ജേതാവുമായ പോര്‍ച്ചുഗീസ്‌ സാഹിത്യകാരന്‍ ഷൂസേ സരമാഗു അന്തരിച്ചു.അദ്ദേഹത്തിന്റെ "ബ്ലൈന്‍ഡ്നെസ്‌" എന്ന നോവലിന്‌ 1998 ലാണ്‌ നോബല്‍ സമ്മാനം ലഭിച്ചത്‌.അദ്ദേഹതിന്റെ മരണം ലോകസാഹിത്യത്തിന്‌ ഒരു തീരാനഷ്ട്മാണ്‌.സരമാഗുവിന്‌ ഞങ്ങള്‍ ആദരാഞ്ജലികള്‍ അര്‍പ്പിക്കുന്നു.

തഴുതാമകണ്ട്‌ കീഴാര്‍നെല്ലിയെ അറിഞ്ഞ്‌ കുളക്കരയിലേക്ക്‌

2009-11-05T21:14:00.001-08:00

ജൂണ്‍ 5 പരിസ്ഥിതി ദിനം.ഞങ്ങള്‍ ബാലചന്ദ്രന്‍ സാറിന്റെ നേതൃത്വത്തില്‍ മറ്റ്‌ അധ്യാപകരോടൊപ്പം പരിസ്ഥിതി പഠനയാത്ര നടത്തി.ഞങ്ങളുടെ വിദ്യാലയത്തിനു പരിസരത്തുള്ള പ്രദേശമാണ്‌ ഇതിനായി തിരഞ്ഞെടുത്തത്‌.മനുഷ്യന്റെ ചൂഷണങ്ങളെയെല്ലാം മറികടന്ന് വഴിയോരങ്ങളില്‍ തലയുയര്‍ത്തി നില്‍ക്കുന്ന തഴുതാമ,കീഴാര്‍നെല്ലി,ആനച്ചുവടി,കറുകപുല്ല്,മുയല്‍ച്ചെവിയന്‍..........ഇവ ഞങ്ങള്‍ കണ്ടു.ഞങ്ങള്‍ കണ്ട കുളവും അതിലെ തെളി വെള്ളവും മനസ്സുകുളിര്‍പ്പിച്ചു.പരിസ്ഥിതിയെ തകരാറിലാക്കുന്ന ചില കാര്യങ്ങള്‍ ഞങ്ങള്‍ ശ്രദ്ധിച്ചു.വയലുകളെല്ലാം വീടുകളായികഴിഞ്ഞു.ചൂട്‌ കൂടികൊണ്ടേയിരിക്കുന്നു.പരിസ്ഥിതി പഠനം ഒരു തുടര്‍പ്രവര്‍ത്തനമാക്കാനാണ്‌ ഞങ്ങള്‍ ഉദ്ദേശിക്കുന്നത്‌.

ഡോക്ടര്‍ കെ. രാധാകൃഷ്ണനു അഭിനന്ദനങ്ങള്‍

2009-11-05T21:05:00.000-08:00

ഡോ.ജി.മാധവന്‍ നായരുടെ വിരമിക്കലിനു ശേഷം ഐ.എസ്‌.ആര്‍.ഒ ചെയര്‍മാനായി തെരെഞ്ഞെടുക്കപ്പെട്ട കെ.രാധാകൃഷ്ണനു കുഞ്ഞു മനസുകളുടെ അഭിനന്ദനങ്ങള്‍.എം.കെ.ജി.മേനോന്‍,കെ.കസ്തൂരിരംഗന്‍,ജി.മാധവന്‍ നായര്‍ എന്നിവര്‍ക്കു ശേഷം വീണ്ടും ഈ സ്ഥാനത്ത്‌ മലയാളി തിളക്ക്ജം.ചന്ദ്രനെന്നതിലുപരി എല്ലാ ഗ്രഹങ്ങളിലേക്കുള്ള എല്ലാ ദൗത്യങ്ങള്‍ക്കും നേത്രിത്വം വഹിക്കട്ടെ എന്നു പ്രാര്‍ത്ഥിക്കുന്നു.

ബോട്ടപകടങ്ങളില്‍ മരിച്ചവര്‍ക്കു അന്ത്യാഞ്ജലികള്‍

2009-11-05T20:55:00.000-08:00

തേക്കടിയിലും നെയ്യാറിലും ചാലിയാറിലും മുങ്ങി മരിച്ചവര്‍ക്കു കുഞ്ഞുമനസുകളുടെ ഹൃദയപുഷ്പങ്ങള്‍ കൊണ്ട്‌ ആദരഞ്ഞളികള്‍ അര്‍പ്പിക്കുന്നു.

ബരാക്‌ ഒബാമയ്ക്ക്‌ അഭിനന്ദനങ്ങള്‍

2009-11-05T20:49:00.000-08:00

ഈ പ്രാവശ്യത്തെ സമാധാനത്തിനുള്ള നോബല്‍ സമ്മാനത്തിനര്‍ഹനായ അമേരിക്കയുടെ ഇപ്പോഴത്തെ പ്രസിഡന്റായ ബരാക്‌ ഒബാമയ്ക്ക്‌ അഭിനന്ദനങ്ങല്‍സമാധാനത്തിനുള്ള നോബല്‍ സമ്മാനം ലഭിച്ചതുകൊണ്ട്‌ ദരിദ്ര രാഷ്ട്ങ്ങള്‍ക്കു വേണ്ടി നല്ല കാര്യങ്ങള്‍ ചെയ്യുമെന്ന് പ്രത്യാശിക്കുന്നു.

ലോക ബഹിരാകാശ വാരമാഘോഷിച്ചു

2009-11-05T20:41:00.000-08:00

വര്‍ഷം തോറും ഒക്റ്റോബര്‍ നാലു മുതല്‍ പത്തു വരെ നടത്തുന്ന temIബഹിരാകാശവാരം നമ്മുടെ വിദ്യാലയത്തിലും അതിവിപുലമായ ]cnപാടികളോടെ ആഘോഷിച്ചു.സ്പെയ്സ്‌ ക്വിസ്‌,ഉപന്യാസം,പ്രസംഗം എന്നീ മത്സരങ്ങളാണു സംഘടിപ്പിച്ചത്‌.വിവിധ മത്സരയിനങ്ങളിലായി ധാരാളം വിദ്യാര്‍ത്ഥികള്‍ പങ്കെടുത്തു.ശാസ്ത്ര അധ്യാപകരായ രേഖ,സിന്ധു എന്നിവര്‍ പരിപാടികള്‍ക്കു t\XrXzw നല്‍കി.

ചാന്ദ്രയാന്‍: ഭാരത്ത്തിന്റെ അഭിമാനം

2009-11-05T20:30:00.000-08:00

ഭാരതത്തിന്റെ യശസുയര്‍ത്തി ചന്ദ്രനില്‍ ജലാംസം കണ്ടെത്തിയ ബമ്മുടെ രാജ്യത്തിന്റെ ആദ്യ ചന്ദ്രദൗത്യമായ ചാന്ദ്രയാന്‍ ഒന്നിനു നന്നി.അമേരിക്കയുടെ നാസ നിര്‍മിച്ച മൂണ്‍ മിനറോളജി മാപ്പറാണു ഇത്‌ കണ്ടെത്താന്‍ സഹായിച്ചത്‌.ഭാവിയിലെ ദൗത്യങ്ങള്‍ക്കു സഹായകമാവുന്ന രീതിയില്‍ ചന്ദ്രനിളെ ധാതുവിഭവങ്ങള്‍ ഉയര്‍ന്ന വിശ്ലേഷണ ശക്തിയിലൂടെ നിര്‍ണയിക്കുന്നതാണു എംത്രീ കൊണ്ടുദ്ദേശിക്കുന്നത്‌.

മാര്‍ഗി വിജയകുമാര്‍ ക്ലാസെടുത്തു

2009-11-05T20:18:00.000-08:00

കേരളത്തിലെ കഥകളി നടന്മാരില്‍ പ്രശസ്തനായ ശ്രീമാന്‍ മാര്‍ഗി വിജയകുമാര്‍ നാമ്മുടെ വിദ്യാലയത്തിലെത്തി ക്ലാസെടുത്തു.പത്താംക്ലാസിലെ വിദ്യാര്‍ത്ഥികള്‍ക്കു വേണ്ടിയാണു ഈ പരിപ്പാടി സംഘടിപ്പിച്ചത്‌.കഥകളി ആസ്വാദകനായ നമ്മുടെ മാലയാളം അധ്യാപകനായ ഹരിദാസ്‌ ആണു ഇതിനു മുന്‍ കൈയെടുത്തത്‌.കഥകളിയിലെ ചടങ്ങുകള്‍,വാദ്യോപകരണങ്ങള്‍,വേഷവിധാനങ്ങള്‍ എന്നിവയ്യെ പറ്റി അദ്ദേഹം വിശദമായി പറഞ്ഞുതന്നു. ക്ലാസിനു ശേഷം അദ്ദേഹവുമായുള്ള അഭിമുഖ സംഭാഷണവുമുണ്ടായിരുന്നു

സ്വതന്ത്ര സോഫ്റ്റ്‌ വെയര്‍ദിനം ആചരിച്ചു

2009-11-05T20:04:00.000-08:00

സെപ്തംബര്‍ പത്തൊന്‍പത്സ്വതന്ത്രസോഫ്റ്റ്‌ വെയര്‍ദിനവുമായി ബന്ധപ്പെട്ട്‌ സെപ്തംബര്‍ ഇരുപത്തിനാലു വ്യാഴാഴ്ച വിദ്യാലയത്തില്‍ വിവിധ പരിപാടികള്‍ സംഘടിപ്പിച്ചു.ഡിജിട്ടല്‍ പെയിംന്റിംഗ്‌,ജിമ്പില്‍ പോസ്റ്റര്‍നിര്‍മാണം,പ്രോഗ്രാമിംഗ്‌,പ്രസന്റെഷന്‍ നിര്‍മാണം എന്നീ മത്സരങ്ങളില്‍ ധാരാളം വിദ്യാര്‍ത്ഥികള്‍ പങ്കെടുത്തു.

പോപ്പ്‌ രാജാവിന്‌ ആദരാഞ്ജലികള്‍

2009-09-07T19:13:00.000-07:00

പോപ്പ്‌ സഗീതത്തിലെ ജാലവിദ്യക്കാരന്‍ മൈക്കൈള്‍ ജാക്ക്സണ്‍ ഓര്‍മയായി. അദ്ദേഹത്തിന്‌ കരിപ്പൂരു സ്ക്കൂള്‍ിണ്റ്റെ ആദരാഞ്ജലികള്‍

ബഷീര്‍ കൃതികളിലൂടെ

2009-08-24T01:26:00.000-07:00

ബഷീര്‍ കൃതികളിലൂടെഎന്ന വിഷയത്തെ അടിസ്ഥാനമാക്കി ബഷീര്‍ കൃതികളിലെ നർമ്മം,ഭാഷ,കഥാപാത്രങ്ങല്‍,ലോകവീക്ഷണം, എന്നീ ഭാഗങ്ങളിലായി ഇരുപത്‌ പ്രബന്ധങ്ങള്‍ അവതതരിപ്പിച്ചു. ബാല്യകാലസഖി,പാത്തുമ്മയുടെ ആട്‌, ണ്റ്റുപ്പുപ്പക്കൊരാനെണ്ടാര്‍ന്ന്‌,മതിലുകള്‍,പ്രേമലേഖനം,വിസ്വവിഖ്യാതമായ മൂക്ക്‌, തുടങ്ങി ഇരുപതോളം ക്രിതികള്‍ വായിച്ച്‌ വിശകലനം ചെയ്താണു പ്രബന്ധങ്ങള്‍ തയ്യാറാക്കിയത്‌.മെച്ചപ്പെട്ട അവതരണവും ചര്‍ച്ചയും സെമിനാറിനു മാറ്റു കൂട്ടി.

ചെറുകഥാ സാഹിത്യത്ത്യത്തിലൂടെ...................

2009-08-17T04:07:00.000-07:00

പുസ്തകങ്ങളിലൂടെ കടന്നുപോവുക എന്നതു മാത്രമല്ല ഇന്നത്തെ നമ്മുടെ വിദ്യാഭ്യാസ പദ്ധതി. അധിക വായനയും സെമിനാറുകളും പ്രോജക്ടുകളുമെല്ലാം ഇതിലുള്‍പ്പെടുന്നു. ഇവയിലൂടെ കൂടുതല്‍ അറിവ്‌ സ്വാംശീകരിക്കാന്‍ നമുക്കു സാധിക്കുന്നു. ഈ ലക്ഷ്യം മുന്‍ നിര്‍ത്തിക്കൊണ്ട്‌ ചെറുകഥാസാഹിത്യം എന്ന വിഷയത്തെ അധികരിച്ചു ഒന്‍പതാം ക്ളാസിലെ കുട്ടികള്‍ സ്വാതന്ത്ര്യദിനാഘോഷവേളയില്‍ സംഘടിപ്പിച്ച സെമിനാര്‍ കുട്ടികള്‍ക്കു കൂടുതല്‍ വിഞ്ജാനപ്രദമായി. ക്രിത്യം പത്ത്‌ പത്തിനു സെമിനാറിനു തിരി തെളിഞ്ഞു. ചെറുകഥാസാഹിത്യത്തിണ്റ്റെ കാലാകാലങ്ങളായുള്ള വളര്‍ച്ച ഒന്‍പതാം ക്ളാസിലെ തന്നെ കുട്ടികള്‍ തങ്ങളുടെ പ്രബന്ധങ്ങളിലൂടെ മനസിലാക്കി കൊടുത്തു. കുട്ടികളുടെ സംശയങ്ങള്‍ ദൂരീകരിക്കാനും അവര്‍ മുന്നിട്ടു നിന്നു എന്നത്‌ സെമിനാറിനെ പൂര്‍ണവിജയത്തിലെത്തിച്ചു. സദസിണ്റ്റെ ഉത്സാഹം പ്രബന്ധാവതാരകരെ ആവേശം കൊള്ളിച്ചു. രജിസ്റ്റ്രേഷനു ശേഷം ആരംഭിച്ച ഉദ്ഘാടന സമ്മേളനത്തില്‍ അദ്ധ്യക്ഷനും സ്വാഗതവും ആശംസയും നന്നിയുമൊക്കെ കുട്ടികള്‍ തന്നെ നിര്‍വഹിച്ചു. തുടര്‍ന്നായിരുന്നു ഒന്‍പത്‌ എ,ബി,സി,ഡി ഡിവിഷനുകളിലെ കുട്ടികളുടെ അവതരണം. അഞ്ച്‌ ഉപവിഷയങ്ങളായി സെമിനാറിനെ തിരിച്ചിരുന്നു. ആദ്യകാല കഥകള്‍,നവോത്ഥാനഘട്ടം,എം.ടി,വി.ടി,എം ആര്‍.ബി,ആധുനികര്‍,അത്യാനുധികര്‍ എന്നിവയായിരുന്നു അവ. ഈ ഓരോ ഘട്ടത്തിലും ചെറുകഥാസാഹിത്യത്തെ തൊട്ടറിയാന്‍ ഈ സെമിനാര്‍ വഴി സാധിച്ചു എന്നു കുട്ടികള്‍ അഭിപ്രായപ്പെട്ടു. നാലു മണിയോടെ സെമിനാറിനു തിരശീല വീഴുകയായി.

സ്വാതന്ത്ര്യദിനം ആഘോഷിച്ചു

2009-08-16T21:15:00.000-07:00

ഇന്‍ഡ്യയുടെ അറുപത്തിരണ്ടാം സ്വാതന്ത്ര്യദിനം വിവിധ പരിപാടികളുടെ അകംബടിയോടെ നമ്മുടെ വിദ്യാലയത്തിലും ആഘോഷിച്ചു. സ്കൂള്‍ ഹെഡ്മിസ്റ്റ്രസ്‌ കെ. പി ലത പതാക ഉയര്‍ത്തി. കുട്ടികള്‍ ദേശഭക്തി ഗാനങ്ങള്‍ ആലപിച്ചു. ഗൈഡ്സ്‌ വിദ്യാര്‍ത്ഥികള്‍ പരേഡ്‌ നടത്തി.

വീല്‍ച്ചെയര്‍ സമ്മാനിച്ചു

2009-08-16T21:04:00.000-07:00

ശ്രീ സത്യ സായി ബാബ ഫൌണ്ടേഷണ്റ്റെ ധര്‍മ പരിപാടികളുടെ ഭാഗമായിനാമ്മുടെവിദ്യാലയത്തിലെ പത്ത്‌ ഡിയിലെ സുജിത്‌ എന്ന വിദ്യാത്ഥിക്കു വീല്‍ചെയര്‍ നല്‍കി.

വിഞ്ജാനോത്സവം ആരംഭിച്ചു

2009-08-10T03:48:00.000-07:00

കേരള ശാസ്ത്രസാഹിത്യപരിഷത്തിണ്റ്റെ നേത്രിത്വത്തില്‍ കേരളമാകെയുള്ള സ്കൂളുകളില്‍ നടത്തുന്ന വിഞ്ജാനോത്സവം നമ്മുടെ സ്കൂളിലും ആരംഭിച്ചിരിക്കുകയാണു. വിദ്യാര്‍ത്ഥികളില്‍ ശാസ്ത്ര അഭിരുചി വളര്‍ത്തുന്നതിനും അന്വേഷണപാടവം വര്‍ദ്ധിപ്പിക്കുന്നതിനും നടത്തുന്ന ഒരു മത്സരമാണിത്‌. സ്കൂള്‍ ശാസ്ത്ര ക്ളബ്ബിണ്റ്റെ നേത്രിത്വത്തിലാണു ഇത്‌ നടത്തുന്നത്‌.യുറീക്ക വാരികയാണു ഇതിണ്റ്റെ സംഘാടകര്‍.

ഭരത്‌ മുരളിക്ക്‌ അന്ത്യാഞ്ജലികള്‍

2009-08-07T01:19:00.000-07:00

ഇന്നലെ നമ്മെ വിട്ടു പിരിഞ്ഞ മലയാളത്തിന്റെ പ്രിയ നടന്‍ മുരളിക്ക്‌ കുരുന്നുകളുടെ ആദരാഞ്ജലികള്‍. നാടകരംഗത്തു നിന്നും മലയാള സിനിമാരംഗത്തേയ്ക്കു കടന്നുവന്ന മുരളി ധാരാളം കഥാപാത്രങ്ങള്‍ക്കു ജീവന്‍ നല്‍കിയാണു അന്‍പത്തഞ്ചാം വയസില്‍ അരങ്ങൊഴിഞ്ഞത്‌. മലയാളത്തിലും തമിഴിലും തെലുങ്ങിലും അഭിനയിച്ചു. മലയാളത്തിനു ഇപ്പോള്‍ ഒരു നഷ്ടം കൂടി.

യുദ്ധവിരുദ്ധദിനം ആചരിച്ചു

2009-08-06T21:21:00.000-07:00

ആഗസ്റ്റ്‌ ആറാം തീയതി ഹിരോഷിമാദിനത്തിന്റെ ഭാഗമായി വിവിധ പരിപാടികള്‍ സംഘടിപ്പിച്ചു.പോസ്റ്റര്‍പ്രദര്‍ശനം,ക്വിസ്മത്സരം,യുദ്ധത്തിനെതിരെയുള്ള ബോധവത്കരണക്ലാസ്‌,യുദ്ധവിരുദ്ധറാലി, എന്നീ പരിപാടികള്‍ സംഘടിപ്പിച്ചുൃാവിലെ നടന്ന അസംബ്ലിയില്‍ ഭരത്‌ യുദ്ധവിരുദ്ധദിനത്തെ പറ്റി പറഞ്ഞു. ഏഴാം ക്ലാസിലെ കുട്ടികള്‍ മുദ്രാഗീതം ആലപിച്ചു. ഉച്ചയ്ക്ക്‌ പന്ത്രണ്ട്‌ മണിക്ക്‌ ക്വിസ്‌ മത്സരം നടത്തി.അസംബ്ലിക്കു ശേഷം സ്കൂളിനു ചുറ്റും യുദ്ധവിരുദ്ധറാലി നടത്തി. രാവിലെ ഒന്‍പത്‌ മണിക്കു ഭരത്‌ യു.എന്‍ .ഒ യുടെ ഏജന്‍സികള്‍ക്കു ഈ-മെയില്‍ സന്ദേശം കൈമാറി

കിളിത്തട്ട്‌

അലഞ്ഞുതിരിയല്‍

തിരുവനന്തപുരം റവന്യൂജില്ലാ കലോല്‍സവത്തിന്റെ ഭാഗമായി കലാജാഥയ്കൊരുങ്ങുന്ന ഞങ്ങളുടെ കൂട്ടുകാര്‍......

ഹാര്‍ഡ് വെയര്‍ പരിശീലനം

DAM

മാധവിക്കുട്ടിയുടെ 'കടലിന്റെ വക്കത്ത് ഒരു വീട് '

വരകളുടെ വിസ്മയങ്ങളുമായി വീണ്ടും ആനിമേഷന്‍ ക്ലാസ്സ്

ഐ.റ്റി സബ് ജില്ലാ മേളയില്‍ ഞങ്ങള്‍.....

രസതന്ത്ര വണ്ടി വന്നപ്പോള്‍

ഇറോം ശര്‍മ്മിളാ ..........താങ്കള്‍ ലക്ഷ്യത്തോടടുക്കുന്നു...!

എന്റെ ചിരിയിതല്ല പിന്നെ എന്താണിത് ?

ആകാശത്തേക്കൊരു കിളിവാതില്‍

IT Mela - 2011-2012

തമിഴ്നാട്ടിലെയും പോണ്ടിച്ചേരിയിലെയും SSA ഉദ്യോഗസ്ഥര്‍ ഞങ്ങളുടെ സ്കൂളില്‍

ഞങ്ങള്‍ വരച്ച ശലഭത്തിന് ജീവന്‍ വച്ചപ്പോള്‍!

പഠനം ഇങ്ങനെയും

വിദ്യാരംഗം കലാസാഹിത്യവേദി ഉദ്ഘാടനവും ഡിജിറ്റല്‍ മാഗസിന്‍ പ്രകാശനവും

ജനഗണമന.............

ഹിരോഷിമകള്‍ ഇനി വേണ്ട

രസതന്ത്ര വര്‍‌ഷം

പ്രേംചന്ദ് ദിനം

കഥ

Vincent Vanghog The Passionate Painter!

അനിമേഷന്‍

തങ്കത്താഴികക്കുടമല്ല............

ബഡ്ഡിംഗ്, ഗ്രാഫ്റ്റിംഗ്,ലെയറിങ്ങ് പരിശീലനവും സസ്യപ്രദര്‍ശനവും

അഭിനന്ദനങ്ങള്‍!

संगोष्ठी (സെമിനാര്‍)

വളര്‍ന്ന് വളര്‍ന്ന് വളര്‍ന്ന്...ഡിം...

വീണ്ടും...

കാര്‍ട്ടുണ്‍

അനിമേഷന്‍

മധുചന്ദ്രികയില്‍ മഴവില്‍ക്കൊടിയുടെ മുനമുക്കി...

കിളികള്‍ക്കായി....

വായന ദിനത്തില്‍ ഇ.വായന

മുന്നേ പോകുന്നത്

കണികാ പരീക്ഷണവും ബലങ്ങളുടെ ഏകീകരണവും

പരിസ്ഥിതിദിനം തോരാമഴയില്‍ ..... എന്നാലും....

വേനല്‍ മഴയായി...

ഉത്തരച്ചിന്ത്

മധുരമിജ്ജീവിതം ചെറുതാണെന്നാകിലും.....................

ഞങ്ങളുടെ ബാലചന്ദ്രന്‍ സാറിന് മലയാളത്തില്‍ ഡോക്ടറേറ്റ്

ഞങ്ങളുടെ ബ്ലോഗ് കൂടുതല്‍ സുന്ദരിയായി.....!

മണിമുത്താറും കടന്ന് കന്യാകുമാരിയിലേക്ക്

'ത്രുടി'യിലെ കാലം - പുസ്തക ചര്‍ച്ച

രാത്രിയും പകലാക്കി...

ശാന്തിഭൂഷണ്‍ ഹാര്‍ഡ് വെയര്‍ ക്ലാസ്സ് നയിക്കുന്നു

അവധിക്കാല എസ്.എസ്.ഐ.റ്റി.സി പരിശീലനം

പുല്‍ക്കൂട്ടിലെ പ്രകാശം ലോകത്തിന് നന്മയേകുന്നു.

ഞങ്ങളുടെ വിദ്യാലയത്തില്‍ പാല പൂത്തപ്പോള്‍.............!

സബ് ജില്ലാ ശാസ്ത്രമേള-ഐ.റ്റിയില്‍ ഞങ്ങള്‍ മുന്നില്‍

അച്ഛനമ്മമാര്‍ കമ്പ്യൂട്ടര്‍ പഠിക്കുന്നു

അഗ്നിപര്‍വ്വതം പുകഞ്ഞപ്പോള്‍

കണ്ട് കണ്ട് സംസാരിച്ചപ്പോള്‍

കഥയും കവിതയും, തിരക്കഥയും നാടകവുമായപ്പോള്‍

സ്വതന്ത്രസോഫ്റ്റ് വെയര്‍ ദിനാചരണവും,ഐ.റ്റി.മേളയും

ഗണിതം ഉത്സവമാക്കി കരിപ്പൂര്‍ ഗവ.ഹൈസ്കൂള്‍

ഐ റ്റി മേള

മാവേലി നാടുവാ​​​​ണീടും കാലം.....................................

ഒന്നിച്ചൊരുക്കിയ സ്നേഹ പ്രാവുമായി ഗവ എച്‌ എസ്‌ കരിപ്പൂര്‍

പ്രേംചന്ദ്‌ ദിനം

NO MORE WAR

പെനാലിറ്റി കിക്കും പ്രശ്നോത്തരിയും

കാല്‍പന്തുരുളുമ്പോള്‍ വെള്ളിത്തിരയിലെന്ത് ?

സച്ചിന്‍ തെണ്ടുല്‍ക്കറിനു അഭിനന്ദനങ്ങള്‍

സ്വപ്നം

"അന്‌ധതയുടെ" കഥാകാരന്‍ യാത്രയായി

തഴുതാമകണ്ട്‌ കീഴാര്‍നെല്ലിയെ അറിഞ്ഞ്‌ കുളക്കരയിലേക്ക്‌

ഡോക്ടര്‍ കെ. രാധാകൃഷ്ണനു അഭിനന്ദനങ്ങള്‍

ബോട്ടപകടങ്ങളില്‍ മരിച്ചവര്‍ക്കു അന്ത്യാഞ്ജലികള്‍

ബരാക്‌ ഒബാമയ്ക്ക്‌ അഭിനന്ദനങ്ങള്‍

ലോക ബഹിരാകാശ വാരമാഘോഷിച്ചു

ചാന്ദ്രയാന്‍: ഭാരത്ത്തിന്റെ അഭിമാനം

മാര്‍ഗി വിജയകുമാര്‍ ക്ലാസെടുത്തു

സ്വതന്ത്ര സോഫ്റ്റ്‌ വെയര്‍ദിനം ആചരിച്ചു

പോപ്പ്‌ രാജാവിന്‌ ആദരാഞ്ജലികള്‍

ബഷീര്‍ കൃതികളിലൂടെ

ചെറുകഥാ സാഹിത്യത്ത്യത്തിലൂടെ...................

സ്വാതന്ത്ര്യദിനം ആഘോഷിച്ചു

വീല്‍ച്ചെയര്‍ സമ്മാനിച്ചു

മാവേലി നാടുവാണീടും കാലം.....................................