ബ്ലോഗ് വസന്തം

പ്രിയ കൂട്ടുകാരേ.....

ഞങ്ങളുടെ ബ്ലോഗിന്റെ പത്താം വര്‍ഷമാണിത്.2007ലാണ് ഞങ്ങളുടെ സ്കൂളിനൊരു ബ്ലോഗുണ്ടായത്.മീനാങ്കല്‍ സ്കൂളിലെ ഉദയന്‍സാറാണ് ബ്ലോഗിന്റെ സാധ്യതകള്‍ അന്നത്തെ കൂട്ടുകാരോട് പങ്കുവച്ച് ബ്ലോഗ് ആരംഭിക്കാന്‍ കുട്ടികളെ സഹായിച്ചത്.ഞങ്ങളുടെ സ്കൂളിലെ അന്നത്തെ മലയാളം അധ്യാപകനായ ബാലചന്ദ്രന്‍സാറിന്റെ നേതൃത്വത്തിലാണ് കൂട്ടുകാര്‍ പോസ്റ്റുകളിട്ടത്.2006 -ല്‍ മാതൃഭൂമി വാരാന്തപതിപ്പില്‍ ബ്ലോഗ് എന്ന നവമാധ്യമത്തെ കുറിച്ചുവന്ന ഒരു ഫീച്ചര്‍ അന്നു കൂട്ടുകാര്‍ വിദ്യാരംഗം കലാസാഹിത്യവേദിയില്‍ പങ്കുവച്ചിരുന്നു.അവനവന്‍ പ്രസാധകനാകുന്ന ഈ നവമാധ്യമത്തിന്റെ സാധ്യതകള്‍ ആദ്യകാലത്ത് പ്രയോജനപ്പെടുത്തിയത് മീര പി എസ്, ശാന്തിഭൂഷണ്‍ , ഗീതു ,ഗൗതം,യദുകൃഷ്ണന്‍ അഭിനു, വിനായക്ശങ്കര്‍,സുധന്യ,തുഷാര ,ശ്യാമ സോണിത്ത് തുടങ്ങിയവരായിരുന്നു. പിന്നെയും പലകൂട്ടുകാരും ബ്ലോഗില്‍ പ്രസാധകരായി.അതിന്നും തുടരുന്നു.ഹിന്ദുവിലും മാതൃഭൂമി പത്രത്തിലും അന്നു ഞങ്ങളുടെ ബ്ലോഗിനെ കുറിച്ച് വാര്‍ത്ത വന്നിരുന്നു.കേരളത്തിലെ സ്കൂളുകളില്‍ വച്ച് ഇത്രയും പഴക്കമുള്ള ബ്ലോഗ് ഞങ്ങളുടേതായിരിക്കുമെന്നു കരുതുന്നു. ഇപ്പോ ഫെയ്സ്‍ബുക്ക്,സ്കൂള്‍വിക്കി എന്നീ മാധ്യമങ്ങളൊക്കെയുണ്ടെങ്കിലും സ്കൂളിനെ സംമ്പന്ധിച്ച എല്ലാ വിശേഷങ്ങളും ഞങ്ങള്‍ പങ്കുവയ്ക്കുന്നത് ഞങ്ങളുടെ പ്രിയപ്പെട്ട കിളിത്തട്ടിലാണ്.ഉദയന്‍സാറും ബാലചന്ദ്രന്‍ സാറും അന്നത്തെ ബ്ലോഗെഴുത്തുകാരായ കൂട്ടുകാരും ചേര്‍ന്ന ഒരു കൂട്ടായ്മ ഞങ്ങളുടെ സ്കൂളില്‍ വ്യത്യസ്തമായ എന്തെങ്കിലും പരിപാടി ചെയ്യണമെന്നു ഞങ്ങളാഗ്രഹിക്കുന്നു.ഇതു ഞങ്ങള്‍ കുട്ടിക്കൂട്ടം കൂട്ടുകാരുടെ ആഗ്രഹമാണ്.



മാതൃഭൂമി പത്രത്തില്‍ അന്ന് വന്ന വാര്‍ത്ത.

കുട്ടിക്കൂട്ടം കൂട്ടുകാര്‍ക്കു വേണ്ടി 

വൈഷ്ണവി എ വി

ജന്മദിനത്തില്‍ സ്കൂള്‍ലൈബ്രറിയിലേക്കൊരു പുസ്തകം😃😃😃😃😃

എട്ട് സി യിലെ ശ്രീരാജ് അവന്റെ ജന്മദിനം സ്കൂള്‍ ലൈബ്രറിക്ക് ഒരു പുസ്തകം നല്കി ആഘോഷിച്ചപ്പോള്‍...

വായനദിനം

 വായന ദിനാചരണവും സ്കൂള്‍ക്ലബ്ബുകളുടെ ഉദ്ഘാടനവും
ഞങ്ങളുടെ സ്കൂളില്‍ വായനദിനം വിവിധപരിപാടികളോടെ ആചരിച്ചു.സ്കൂളിലെ കഴിഞ്ഞ പത്താംക്ലാസ് പരീക്ഷയില്‍ എല്ലാ വിഷയങ്ങള്‍ക്കും A+ നേടിയ ശ്രീക്കുട്ടന്‍ എസ് സ്കൂള്‍ ലൈബ്രറിക്ക് പുസ്തകം സമ്മാനിച്ചുകൊണ്ട് ഉദ്ഘാടനം ചെയ്തു.കുട്ടികള്‍ വായിച്ച നൂറു പുസ്തക കുറിപ്പുകള് ,വായനദിനപോസ്റ്ററുകള്‍ എന്നിവ പ്രദര്‍ശിപ്പിച്ചു.എല്‍പി യു പി എച്ച് എസ് വിഭാഗത്തില്‍ നിന്നും മൂന്നുപേര്‍ പുസ്തക പരിചയം നടത്തി. വര്‍ഷ ബി എ 'സിന്ഡ്രല്ല ' ആദിത്യ എം എ 'ചങ്ങായി വീടുകള്‍ ' അലീന ബി എസ് 'ആല്‍ക്കെമിസ്റ്റ് ' എന്നീ നോവലുകളാണ് പരിചയപ്പെടുത്തിയത്.എല്‍ പി വീഭാഗം കുട്ടികളുടെ വായനഗാനം ഉണ്ടായിരുന്നു. ജ്യോതിക, മേഘ ,ഗോപിക രവീന്ദ്രന്‍, ഫാസില്‍ എസ്, മെഴ്സി മേബിള്‍, വൈഷ്ണവി എ വി തുടങ്ങിയവര്‍ വായനദിന സന്ദേശമവതരിപ്പിച്ചു. അമല്‍ മുരളി, ഫിറോസ് എ എന്നിവരുടെ നേതൃത്വത്തില്‍ 'കൈത്താളം തിരുവനന്തപുരം 'എന്ന നാടന്‍പാട്ടു സംഘത്തിന്റെ പാട്ടരങ്ങിലൂടെ സ്കൂളിലെ വിവിധക്ലബ്ബുകളുടെ ഉദ്ഘാടനവും നടന്നു. ഹെഡ്മിസ്ട്രസ് എം ജെ റസീന ,
പി റ്റി എ പ്രസിഡന്റ് ബാബു പള്ളം വാര്‍ഡ് കൗണ്‍സിലര്‍ സംഗീതരാജേഷ് സ്റ്റാഫ്സെക്രട്ടറി ജി എസ് മംഗളാംബാള്‍ , പ്രസാദ് എന്നിവര്‍ ആശംസ പറഞ്ഞു.
 

ഐ റ്റി ക്ലബ്ബും കുട്ടിക്കൂട്ടവും

ഈ വര്‍ഷത്തെ ഐ റ്റി ക്ലബ്ബിന്റേയും കുട്ടിക്കൂട്ടത്തിന്റേയും  ആദ്യ കൂടിയിരുപ്പ് ഇന്നായിരുന്നു.കഠിനമായ ചൂടില്‍ ‌‍‌‌‌‌‌‌‌‌‌‌‍‌ഞങ്ങളറുപതുപേര്‍ ഒരുമിച്ചുകൂടി.ഭാവിയില്‍ ചെയ്യേണ്ട പ്രവര്‍ത്തനങ്ങള്‍ ആസൂത്രണം ചെയ്തു.ഐ റ്റി ക്ലബ്ബ് ഉദ്ഘാടനം,കുട്ടിക്കൂട്ടം ഉദ്ഘാടനം,ict പരിശീലനം ഇതെല്ലാം ചര്‍ച്ച ചെയ്തു

പ്രവേശനോത്സവം

Full A+

2016-17SSLC  പരീക്ഷയില്‍ Full A+ നേടിയ ശ്രീക്കുട്ടന്‍ എസ്

  അഭിനാണ് താരം!!!

ഹായ് സ്കൂള്‍ കുട്ടിക്കൂട്ടം ദ്വിദിനപരിശീലനം മൂന്നു ഘട്ടവും പൂര്‍ത്തിയായി.
 നാലു വിദ്യാലയങ്ങളില്‍ നിന്നായി പരിശീലനത്തില്‍ പങ്കെടുത്തത്.അഞ്ചു വിഭാഗങ്ങളിലും വളരെ താല്‍പര്യത്തോടെയാണവര്‍ പങ്കെടുത്തത്.കുഞ്ഞു അനിമേഷനുകള്‍ നിര്‍മിച്ചും ഫിസിക്കല്‍ ഇലക്ട്രോണിക്സില്‍ പുതിയ ആശയങ്ങള്‍ (1.ഹെല്‍മറ്റ് ധരിച്ചാല്‍ മാത്രം സ്റ്റാര്‍ട്ടാകുന്ന തരത്തില്‍ ഇരുചക്രവാഹനങ്ങള്‍ ,2.കാര്‍പാര്‍ക്കിംഗിനു തനിയെ തുറക്കുന്ന ഗേറ്റ്, 3.അന്ധനായ വ്യക്തിക്ക് കീബോര്‍ഡില്‍ ടൈപ്പു ചെയ്യുമ്പോള്‍ വാക്കുകള്‍ കേള്‍പ്പിക്കുന്ന സോഫ്റ്റ്‍വെയര്‍ ... ഇതില്‍ രണ്ടും മൂന്നും ഇപ്പോതന്നെ ഉള്ളതാണെങ്കിലും ഈ ആശയം അവതരിപ്പിക്കുന്ന കുട്ടികള്‍ അതറിയുന്നല്ല!!)പങ്കുവച്ചും,ഇന്റര്‍നെറ്റും സൈബര്‍ സെക്യുരിറ്റി വിഭാഗത്തില്‍ ഇന്റര്‍നെറ്റ് തട്ടിപ്പുകളെ കുറിച്ചു കൗതുകംപൂണ്ടും ബോധവന്മാരായും,ശരിയായ തെരച്ചില്‍രീതികളെ താല്‍പര്യത്തോടെ കണ്ടും കമ്പ്യൂട്ടര്‍ ഹാര്‍ഡ്‌വെയര്‍ ഉത്സാഹത്തോടെ അഴിച്ചുപണിതും സ്വന്തം പേരും വിദ്യാലയത്തിന്റെ പേരും മലയാളത്തില്‍ ‍ഉത്സാഹത്തോടെ ടൈപ്പു ചെയ്തും അവര്‍ ഇടപെട്ടു. ശബ്ദതാരാവലിയുടെ നമുക്കനുവദിച്ചിട്ടുള്ള  അനുവദിച്ചിട്ടുള്ള രണ്ടു പേജ്  സ്കൂള്‍വിക്കി പദകോശത്തിലേയ്ക്കു പകര്‍ത്തി .ഓരോ ദിവസത്തേയും മികച്ച പ്രകടനം കാഴ്ചവച്ച  പതിനഞ്ചു കൂട്ടുകാര്‍ക്ക് ഞങ്ങള്‍ സമ്മാനവും നല്‍കി.മിടുക്കരെ തെരഞ്ഞെടുത്തത് അവര്‍തന്നെയായിരുന്നു. മൂന്നു ഘട്ടത്തിലും മിടുക്കന്മാരും മിടുക്കികളും ഉണ്ടായിരുന്നെങ്കിലും ഹാര്‍ഡ്‍വെയര്‍ വിഭാഗത്തില്‍ അത്ഭുതപ്പെടുത്തുന്ന ശ്രദ്ധയും പൊളിച്ച് വീണ്ടും കൃത്യമായി അടുക്കുന്നതില്‍ പ്രാഗല്‍ഭ്യവും  ക്ഷമയോടെ  മറ്റു കുട്ടികളുടെ ചോദ്യങ്ങള്‍ക്ക് കൃത്യമായ മറുപടിയും നല്‍കിയ മീനാങ്കല്‍ സ്കൂളിലെ അഭിനാണ് ഈ പരിശീലന വേളയിലെ താരം!!!!! അവനൊരു പുലിയാണ് !!!പിന്നെ മാന്‍കുട്ടിയുമാണ് !!ഐ റ്റി @സ്കൂള്‍ നടത്താനിരിക്കുന്ന അടുത്ത ഘട്ടം പരിശീലനത്തില്‍ ഇവരേയും ഇവരുടെ ആശയങ്ങളേയും  ശ്രദ്ധിക്കുമെന്നു വിചാരിക്കുന്നു.