മുനിസിപ്പാലിറ്റി തല അത്തപ്പൂക്കളമത്സരം

 

SPC ക്യാമ്പ്

 
8,9ക്ലാസുകളിലെ കേഡറ്റ്സിനുള്ള ക്യാമ്പ് ആഗസ്റ്റ് 27, 28,29തീയതികളിലായി നടന്നു. കുട്ടികൾക്ക് CPRമായി ബന്ധപ്പെട്ട് വട്ടിയൂർക്കാവ് CPT യിലെ Dr. ഷിബു ബാലകൃഷ്ണൻ ക്ലാസെടുത്തു. യോഗ, നാടൻപാട്ട്, ലഹരി വിരുദ്ധബോധവൽക്കരണ ക്ലാസ് ,കലാപരിപാടികൾ ഇവയും നടന്നു.

ഓണാഘോഷം

ഈ വർഷത്തെ ഓണാഘോഷം അത്തപ്പൂക്കളം ഒരുക്കൽ ,കുട്ടികളുടെ വിവിധ കലാപരിപാടികൾ തിരുവാതിരക്കളി ഓണപ്പാട്ട് മറ്റ് ഓണക്കളികൾ ഓണസദ്യ ഇവയോടെ നടത്തി. 

 

സ്വാതന്ത്ര്യ ദിനാഘോഷം

  രാവിലെ 9.00 മണിക്ക് എച്ച് എം ബീന ടീച്ചർ പതാക ഉയർത്തി. നെടുമങ്ങാട് എഇഒ ബിനു സാർ എസ് പി സി പരേഡിന് അഭിവാദ്യം സ്വീകരിച്ചു. എ ഇ ഒ ,എച്ച് എം ,പി ടി എ പ്രസിഡൻറ്, എസ് എം സി ചെയർമാൻ മുതലായവർ സംസാരിച്ചു.ദേശീയ ഗാനാലാപനം, നൃത്തം ഇവ നടത്തി.

 

നൗഷാദ് സാർ അനുസ്മരണ ട്രോഫി വിതരണം

   നൗഷാദ് ഹുസെെൻ സാർ അനുസ്മരണത്തോടനുബന്ധിച്ച് നടന്ന ആദ്യ ക്വിസ് വിജയികൾക്കുള്ള ട്രോഫി സാറിന്റെ മക്കൾ, എ ഇ ഒ ഇവർ ചേർന്ന് വിജയികളായ വെള്ളനാട് ഹൈസ്കൂളിലെ ശ്രീലേഷ് ,ശ്രീലവ്യ ഇവർക്ക് നൽകി.

 

സ്കൂൾ പാർലമെൻറ് തെരഞ്ഞെടുപ്പ്

യുപി,എച്ച്എസ് വിഭാഗം സ്കൂൾ പാർലമെൻ്റ തെരഞ്ഞെടുപ്പ് ഇലക്ഷൻ മാതൃകയിൽ EVMഉപയോഗിച്ച് നടത്തി .ക്ലാസ് ടീച്ചർ പ്രിസൈഡിങ് ഓഫീസറായും ,കുട്ടികൾ പോളിംഗ് ഓഫീസർമാരായും ഡ്യൂട്ടി ചെയ്തു . 12.00മണിക്ക് വോട്ടെണ്ണൽ നടത്തി വിജയികളെ കണ്ടെത്തി. 2.00മണിക്ക് ആദ്യ പാർലമെൻറ് കൂടി സ്കൂൾ ലീഡർ ,ചെയർപേഴ്സൺ ഇവരെ തെരഞ്ഞെടുത്തു.തുടർന്ന് അസംബ്ലിയിൽ സത്യപ്രതിജ്ഞ നടത്തി. 

ശാസ്ത്ര ക്വിസ്സിൽ രണ്ടാം സ്ഥാനം

 സംസ്ഥാന യുവജന ക്ഷേമ ബോർഡിൻറെ തിരുവനന്തപുരം ജില്ലാതല ശാസ്ത്ര ക്വിസ്സിൽ രണ്ടാം സ്ഥാനം, ( 5000/- രൂപ ക്യാഷ് പ്രൈസ്  ) നേടിയ കരിപ്പൂർ ജി എച്ച്എസിലെ വൈഷ്ണവ് & അദ്വൈത്.

 

സ്കൂൾ സുരക്ഷാസമിതി

   സ്കൂൾ സുരക്ഷാസമിതിയുടെ മീറ്റിംഗ് ഇന്ന് നാലുമണിക്ക് ചേർന്നു.നെടുമങ്ങാട് കെഎസ്ഇബി സബ് എഞ്ചിനീയർ,പൂവത്തൂർ പ്രാഥമിക ആരോഗ്യ കേന്ദ്രം ഹെൽത്ത് ഇൻസ്പെക്ടർ ,കരിപ്പൂർ വില്ലേജ് ഓഫീസർ ,നെടുമങ്ങാട് ഫയർഫോഴ്സ് അസിസ്റ്റൻറ് സ്റ്റേഷൻ ഓഫീസർ, പിടിഎ അംഗങ്ങൾ, എംപിടിഎ ,എസ്എംസി അംഗങ്ങൾ ,അധ്യാപക പ്രതിനിധികൾ ഇവർ യോഗത്തിൽ പങ്കെടുത്തു.സ്കൂളിൽ സുരക്ഷയുമായി ബന്ധപ്പെട്ട് സ്വീകരിക്കേണ്ട പ്രധാന നടപടികൾ യോഗം ചർച്ച ചെയ്യുകയും അതിനനുസരിച്ച് വേണ്ട സുരക്ഷാ മാർഗങ്ങൾ അടിയന്തിരമായി നടപ്പിലാക്കാൻ തീരുമാനിക്കുകയും ചെയ്തു.

 

IIST സന്ദർശനം

  National Space Day യുടെ ഭാഗമായി 20 കുട്ടികളും, 2അധ്യാപകരും അടങ്ങുന്ന സംഘം വലിയമല IIST സന്ദർശിച്ചു. Demonstration class, Lab ഇവ നിരീക്ഷിച്ചു.

 

സംഘാടകസമിതി യോഗം

കിഫ്ബി ഫണ്ട് ഉപയോഗിച്ച് നിർമ്മിച്ച ഇരുനില മന്ദിരത്തിന്റെ ഉദ്ഘാടനവുമായി ബന്ധപ്പെട്ട സംഘാടകസമിതി യോഗം രണ്ടുമണിക്ക് സ്കൂൾ ഓഡിറ്റോറിയത്തിൽ ചേർന്നു.നഗരസഭ പൊതുമരാമത്ത് സ്റ്റാൻഡിങ് കമ്മിറ്റി ചെയർമാൻ,വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ശ്രീമതി വസന്തകുമാരി,വിവിധ വാർഡ് കൗൺസിലർമാർ ,മറ്റു മേഖലകളിലെ പ്രതിനിധികൾ ,അപിടിഎ ,എം പിടിഎ, എസ് എം സി അംഗങ്ങൾ, അധ്യാപകർ ഇവർ യോഗത്തിൽ പങ്കെടുത്തു. നഗരസഭ ചെയർപേഴ്സൺ ചെയർമാൻ ആയും എച്ച് എം കൺവീനറായും ചുമതലയേറ്റയോഗത്തിൽ ഇതര കമ്മറ്റി അംഗങ്ങളെ തെരഞ്ഞെടുത്തു.

 

നൗഷാദ് സാർ മെമ്മോറിയൽക്വിസ്

 നൗഷാദ് സാർ മെമ്മോറിയൽ എവർ റോളിംഗ് ട്രോഫി ഉപജില്ലാതലക്വിസ് മത്സരം 9.30 ന് രജിസ്ട്രേഷനോടെ ആരംഭിച്ചു. 12ടീമുകൾ മത്സരത്തിൽ പങ്കെടുത്തു. ഇതിൽ വെള്ളനാട് സ്കൂളിലെ ടീം ഒന്നാം സ്ഥാനത്തോടെ ട്രോഫിക്ക് അർഹത നേടി. 1, 2, 3 സ്ഥാനങ്ങൾ നേടിയ കുട്ടികൾക്കുള്ള ക്യാഷ് പ്രൈസ്, പങ്കെടുത്ത എല്ലാ കുട്ടികൾക്കും സർട്ടിഫിക്കറ്റ് ഇവ വിതരണം ചെയ്തു.ട്രോഫി സ്വാതന്ത്ര്യ ദിനത്തിൽ നെടുമങ്ങാട് AEO, BPC സാറിൻറെ കുടുംബാംഗങ്ങൾ , എച്ച്എം. ഇവർ ചേർന്ന് വിജയികൾക്ക് സമ്മാനിക്കും.