Friday, 16 June 2017

ഐ റ്റി ക്ലബ്ബും കുട്ടിക്കൂട്ടവും

ഈ വര്‍ഷത്തെ ഐ റ്റി ക്ലബ്ബിന്റേയും കുട്ടിക്കൂട്ടത്തിന്റേയും  ആദ്യ കൂടിയിരുപ്പ് ഇന്നായിരുന്നു.കഠിനമായ ചൂടില്‍ ‌‍‌‌‌‌‌‌‌‌‌‌‍‌ഞങ്ങളറുപതുപേര്‍ ഒരുമിച്ചുകൂടി.ഭാവിയില്‍ ചെയ്യേണ്ട പ്രവര്‍ത്തനങ്ങള്‍ ആസൂത്രണം ചെയ്തു.ഐ റ്റി ക്ലബ്ബ് ഉദ്ഘാടനം,കുട്ടിക്കൂട്ടം ഉദ്ഘാടനം,ict പരിശീലനം ഇതെല്ലാം ചര്‍ച്ച ചെയ്തു





Friday, 2 June 2017

Tuesday, 18 April 2017

  അഭിനാണ് താരം!!!
ഹായ് സ്കൂള്‍ കുട്ടിക്കൂട്ടം ദ്വിദിനപരിശീലനം മൂന്നു ഘട്ടവും പൂര്‍ത്തിയായി.
 നാലു വിദ്യാലയങ്ങളില്‍ നിന്നായി പരിശീലനത്തില്‍ പങ്കെടുത്തത്.അഞ്ചു വിഭാഗങ്ങളിലും വളരെ താല്‍പര്യത്തോടെയാണവര്‍ പങ്കെടുത്തത്.കുഞ്ഞു അനിമേഷനുകള്‍ നിര്‍മിച്ചും ഫിസിക്കല്‍ ഇലക്ട്രോണിക്സില്‍ പുതിയ ആശയങ്ങള്‍ (1.ഹെല്‍മറ്റ് ധരിച്ചാല്‍ മാത്രം സ്റ്റാര്‍ട്ടാകുന്ന തരത്തില്‍ ഇരുചക്രവാഹനങ്ങള്‍ ,2.കാര്‍പാര്‍ക്കിംഗിനു തനിയെ തുറക്കുന്ന ഗേറ്റ്, 3.അന്ധനായ വ്യക്തിക്ക് കീബോര്‍ഡില്‍ ടൈപ്പു ചെയ്യുമ്പോള്‍ വാക്കുകള്‍ കേള്‍പ്പിക്കുന്ന സോഫ്റ്റ്‍വെയര്‍ ... ഇതില്‍ രണ്ടും മൂന്നും ഇപ്പോതന്നെ ഉള്ളതാണെങ്കിലും ഈ ആശയം അവതരിപ്പിക്കുന്ന കുട്ടികള്‍ അതറിയുന്നല്ല!!)പങ്കുവച്ചും,ഇന്റര്‍നെറ്റും സൈബര്‍ സെക്യുരിറ്റി വിഭാഗത്തില്‍ ഇന്റര്‍നെറ്റ് തട്ടിപ്പുകളെ കുറിച്ചു കൗതുകംപൂണ്ടും ബോധവന്മാരായും,ശരിയായ തെരച്ചില്‍രീതികളെ താല്‍പര്യത്തോടെ കണ്ടും കമ്പ്യൂട്ടര്‍ ഹാര്‍ഡ്‌വെയര്‍ ഉത്സാഹത്തോടെ അഴിച്ചുപണിതും സ്വന്തം പേരും വിദ്യാലയത്തിന്റെ പേരും മലയാളത്തില്‍ ‍ഉത്സാഹത്തോടെ ടൈപ്പു ചെയ്തും അവര്‍ ഇടപെട്ടു. ശബ്ദതാരാവലിയുടെ നമുക്കനുവദിച്ചിട്ടുള്ള  അനുവദിച്ചിട്ടുള്ള രണ്ടു പേജ്  സ്കൂള്‍വിക്കി പദകോശത്തിലേയ്ക്കു പകര്‍ത്തി .ഓരോ ദിവസത്തേയും മികച്ച പ്രകടനം കാഴ്ചവച്ച  പതിനഞ്ചു കൂട്ടുകാര്‍ക്ക് ഞങ്ങള്‍ സമ്മാനവും നല്‍കി.മിടുക്കരെ തെരഞ്ഞെടുത്തത് അവര്‍തന്നെയായിരുന്നു. മൂന്നു ഘട്ടത്തിലും മിടുക്കന്മാരും മിടുക്കികളും ഉണ്ടായിരുന്നെങ്കിലും ഹാര്‍ഡ്‍വെയര്‍ വിഭാഗത്തില്‍ അത്ഭുതപ്പെടുത്തുന്ന ശ്രദ്ധയും പൊളിച്ച് വീണ്ടും കൃത്യമായി അടുക്കുന്നതില്‍ പ്രാഗല്‍ഭ്യവും  ക്ഷമയോടെ  മറ്റു കുട്ടികളുടെ ചോദ്യങ്ങള്‍ക്ക് കൃത്യമായ മറുപടിയും നല്‍കിയ മീനാങ്കല്‍ സ്കൂളിലെ അഭിനാണ് ഈ പരിശീലന വേളയിലെ താരം!!!!! അവനൊരു പുലിയാണ് !!!പിന്നെ മാന്‍കുട്ടിയുമാണ് !!ഐ റ്റി @സ്കൂള്‍ നടത്താനിരിക്കുന്ന അടുത്ത ഘട്ടം പരിശീലനത്തില്‍ ഇവരേയും ഇവരുടെ ആശയങ്ങളേയും  ശ്രദ്ധിക്കുമെന്നു വിചാരിക്കുന്നു.












Tuesday, 21 March 2017

ഞങ്ങട നാട്
ഞങ്ങട റോഡ്
ഞങ്ങട സ്കൂള്
പിന്നെ ഞങ്ങട കുട്ട്യോളും....
പക്ഷേ റോഡ് നിയമങ്ങള്‍ !അത് പാലിച്ചേ പറ്റൂ.....
റോഡ് സുരക്ഷ പദ്ധതിയുമായി ബന്ധപ്പെട്ട് നെടുമങ്ങാട് ബി ആര്‍ സി യുടെ നേതൃത്വത്തില്‍ കരിപ്പൂര് ഗവ.ഹൈസ്കൂളിന്റെ പശ്ചാത്തലത്തില്‍ നിര്‍മിച്ച കുഞ്ഞു സിനിമ.സംവിധാനം അരുണേഷ്‍ ശങ്കര്‍ 

Friday, 10 March 2017

ഹായ് സ്കൂള്‍ കുട്ടിക്കൂട്ടം



ഹായ്സ്കൂള്‍ കുട്ടിക്കൂട്ടം കൂട്ടുകാര്‍ക്കുള്ള ഏകദിന പരിശീലനം ഇന്നു ഞങ്ങളുടെ സ്കൂളില്‍ നടന്നു.ഞങ്ങളുടെ സ്കൂളിന്റെ 'ഹായ് സ്കൂള്‍ കുട്ടിക്കൂട്ടം' ലോഗോ പ്രകാശനം ചെയ്തുകൊണ്ട് പി റ്റ എ
പ്രസിഡന്റ് ബാബു പള്ളം പരിശീലനം ഉദ്ഘാടനം ചെയ്തു.

സ്കൂള്‍ ഐ റ്റി കോര്‍ഡിനേറ്റര്‍ ഷീജാ ബീഗം പദ്ധതിയുടെ ലക്ഷ്യങ്ങളെ കുറിച്ചു സംസാരിച്ചു.ഹെഡ്മിസ്ട്രസ് എം ജെ റസീനആശംസ പറഞ്ഞു.
സ്കൂളിലെ പൂര്‍വവിദ്യാര്‍ത്ഥിയും സാരാഭായി എഞ്ചിനിയറിംഗ് കോളേജ് വിദ്യാര്‍ത്ഥിയുമായ വിഷ്ണു വിജയന്‍ ഇന്റര്‍നെറ്റ് &സൈബര്‍ സെക്യൂരിറ്റി എന്ന വിഷയം പരിചയപ്പെടുത്തുകയും കുട്ടിക്കൂട്ടുകാരുടെ കര്‍ത്തവ്യങ്ങളെ കുറിച്ചു അവരെ ബോധവാന്‍മാരാക്കുകയും ചെയ്തു.ഹാക്കിംഗ് ക്രാക്കിംഗ് മേഖലകള്‍ പരിചയപ്പെടുത്തി നാമെപ്പോഴും  സൈബര്‍ലോകത്ത് നിരീക്ഷിക്കപ്പെട്ടുകൊണ്ടിരിക്കുകയാണെന്നു കുട്ടികളെ ബോധ്യപ്പെടുത്തി.സ്വന്തം നെറ്റ്വര്‍ക്കിന്റെ wifi password  ലൈവായി ഹാക്ക് ചെയ്തു കാണിച്ച് സെക്കന്റുകള്‍ക്കകം ശക്തമായ ഒരു password ആര്‍ക്കും ഹാക്കു ചെയ്യാന്‍ സാധിക്കുമെന്നും നമ്മള്‍ സൈബര്‍ലോകത്തു ഒട്ടും സുരക്ഷിതരല്ലെന്നും സൈബര്‍ സെക്യുരിറ്റി പഠനത്തിന്റെ ആവശ്യകത എത്രത്തോളമെന്നും അവരെ ബോധ്യപെടുത്തി.
ഫിസിക്കല്‍ ഇലക്ട്രോണിക്സ് എന്ന വിഷയം പരിചയപ്പെടുത്തിയത് പനവൂര്‍ ഹയര്‍സെക്കന്ററി സ്കൂളില്‍ +2 വിദ്യാര്‍ത്ഥിയായ അമിത് ആണ്.ഉപകരണങ്ങളില്‍ ഇലക്ട്രിക്കല്‍ ഇലക്ട്രോണിക് വേര്‍തിരിവ് മാഞ്ഞുകൊണ്ടിരിക്കുന്ന ടെക്നോളജിയുടെ പുതിയ കാലം അപാരമായ സാധ്യതകളുടേയും കാലമാണെന്ന് അമിത് പറഞ്ഞു.ക്ലാപ് സ്വിച്ച്,ബര്‍ഗ്ലര്‍ അലാറം,ഡാന്‍സിംഗ് ലൈറ്റ്,ലൈറ്റ് സെന്‍സിംഗ് സ്വിച്ച് എന്നീ പ്രോജക്ടുകളുടെ വീഡിയോകളും അമിത് പരിചയപ്പെടുത്തി.നമുക്ക് ഭ്രാന്തമെന്നു തോന്നുന്ന ആശയങ്ങള്‍ പോലും റാസ്ബറിപൈൈ പ്രോജക്ടിലൂടെ സാക്ഷാല്‍ക്കരിക്കാന്‍ കഴിയുമെന്നാണവന്‍ കുട്ടികളോട് പറഞ്ഞത്.
അനിമേഷന്‍ നിര്‍മാണം,ഭാഷാ കമ്പ്യൂട്ടിംഗ് ,ഹാര്‍ഡ്‌വെയര്‍എന്നീ വിഭാഗങ്ങള്‍ സ്കൂള്‍ ഐ റ്റി കോര്‍ഡിനേറ്റര്‍മാരായ ഷീജാബീഗം,ബിന്ദു റ്റി എസ് എന്നിവര്‍ പരിചയപ്പെടുത്തി.






























Saturday, 28 January 2017

മലയാളത്തിളക്കം

മൂന്ന് നാല് ക്ലാസുകളില്‍ മലയാളഭാഷയില്‍ എഴുത്തിലും വായനയിലും പിന്നാക്കം നില്‍ക്കുന്ന കുട്ടികളെ മുന്നോട്ടു കൊണ്ടുവരുന്നതിനായി തയ്യാറക്കപ്പെട്ട മലയാളത്തിളക്കം പരിപാടി 27- 1 -2017 വെള്ളിയാഴ്ച ആരോഗ്യസ്റ്റാന്റിംഗ് കമ്മിറ്റി ചെയര്‍മാന്‍  ശ്രീ ഹരികേശന്‍നായര്‍ ഉദ്ഘാടനം ചെയ്തു.ഡയറ്റ് ഫാക്കല്‍റ്റി അംഗം  ശ്രീമതി അംബിക  പ്രവര്‍ത്തന വിശദീകരണം നടത്തി.പി റ്റി എ പ്രസിഡന്റ്  ബാബു പള്ളം,വാര്‍ഡ്കൗണ്‍സിലര്‍ എന്‍ ആര്‍ ബൈജു സംഗീത രാജേഷ് എന്നിവര്‍ ആശംസ പറഞ്ഞു. രക്ഷകര്‍ത്താക്കളും അധ്യാപകരും പങ്കെടുത്തു.