മണിമുത്താറും കടന്ന് കന്യാകുമാരിയിലേക്ക്

ജനുവരി 25ന് ഞങ്ങള്‍ കന്യാകുമാരിയിലേക്ക് ഒരു യാത്ര പോയി. അതിരാവിലെ തന്നെ ഞങ്ങള്‍ സ്കൂളില്‍ നിന്നും യാത്ര തിരിച്ചു. ഞങ്ങളുടെ വിദ്യാലയജീവിതത്തിലെ മറക്കാനാവാത്ത ഒരു അനുഭവമായിരുന്നു ഇത്. ആദ്യം പോയത് കുളത്തുപുഴ ക്ഷേത്രത്തിലേക്കായിരുന്നു. കുളത്തുപുഴയില്‍ മീനുകള്‍ പുളക്കുന്നുണ്ടായിരുന്നു. പ്രകൃതിരമണീയമായ തെന്മലയിലേക്കായിരുന്നു പിന്നീട് ഞങ്ങള്‍ പോയത്. തെന്മലയുടെ പഴയപേര് തേന്മല എന്നായിരുന്നുവത്രെ. ഡാമിലേക്കുള്ള പടികള്‍ ചൈനയിലെ വന്മതില്‍ പോലെയാണ് തോന്നിയത്. കാരണം, പടികള്‍ അത്രക്കു വലുതായിരുന്നു. അവിടെ നിന്നും കുരങ്ങന്മാര്‍ നിറഞ്ഞ കുറ്റാലത്തേക്ക് യാത്ര തിരിച്ചു. വെള്ളച്ചാട്ടം അതിസുന്ദരം! മണിമുത്താര്‍ ഡാമിന്റെ വന്യതയിലാണ് ഞങ്ങള്‍ ആഹാരം കഴിക്കാനിരുന്നത്. ഉച്ചവെയിലിന്റെ ചൂട് ഞങ്ങളെ പൊള്ളിച്ചു. നിശബ്ദവും വന്യവുമായ സൗന്ദര്യം മണിമുത്താറിനെ വ്യത്യസ്തമാക്കുന്നു. പിന്നെ യാത്ര കന്യാകുമാരിയിലേക്ക്. പോകുന്ന വഴിയില്‍ കാറ്റാടിപ്പാടങ്ങള്‍ കണ്ടു. മഞ്ഞ വിരിച്ച നെല്‍പ്പാടവും കണ്ടു. ഞങ്ങള്‍ കടലില്‍ കുളിച്ചു, അസ്തമയം ആസ്വദിച്ചു, മടങ്ങി.....

ആമൃത
10 D