വിജയോത്സവം -2021
ഗവ.എച്ച് എസ് കരിപ്പൂര്
കരിപ്പൂര് ഗവ ഹൈസ്കൂളിലെ ഈ വര്‍ഷത്തെ എസ് എസ് എല്‍ സി പരീക്ഷയിലും മറ്റു മേഖലകളിലും വിജയം കരസ്ഥമാക്കിയ വിദ്യാര്‍ത്ഥികളെ അനുമോദിച്ചു.സംസ്ഥാനതലത്തില്‍ ഗണിതപാറ്റേണിനു സമ്മാനം ലഭിച്ച ഷാരോണ്‍ ജെ സതീഷിനെ പൊന്നാടയണിയിച്ചു കൊണ്ട് ബഹു.ഭക്ഷ്യസിവില്‍ സപ്ലൈസ് വകുപ്പ് മന്ത്രി ജി ആര്‍ അനില്‍ ഉദ്ഘാടനം ചെയ്തു. നെടുമങ്ങാട് നഗരസഭ വൈസ് ചെയര്‍മാന്‍ എസ് രവീന്ദ്രന്‍ അധ്യക്ഷനായ ചടങ്ങില്‍ മന്ത്രി ജി ആര്‍ അനില്‍ സമ്മാനവിതരണം ചെയ്തു.പൂര്‍വ്വാധ്യാപിക ജി എസ് മംഗളാംബള്‍ സ്കൂള്‍ നഴ്സറി വിഭാഗത്തിനു നല്‍കിയ കളിയൂഞ്ഞാലും,ലാഡറും വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍പേഴ്സണ്‍ പി വസന്തകുമാരി കുട്ടികള്‍ക്കായി സമര്‍പ്പിച്ചു.ഷാരോണ്‍ ജെ സതീഷിന്റെ ചിത്രപ്രദര്‍ശനം വാര്‍ഡ് കൗണ്‍സിലര്‍ സംഗീതാ രാജേഷ് ഉദ്ഘാടനം ചെയ്തു.ഹെഡ്മിസ്ട്രസ്സ് ജി ബിന്ദു സ്വാഗതം പറഞ്ഞ യോഗത്തില്‍ പി റ്റി എ പ്രസിഡന്റ് ആര്‍ ഗ്ലിസ്സസ് ,പി റ്റി എ വൈസ് പ്രസിഡന്റ് ഡി പ്രസാദ് ,എം പി റ്റി എ പ്രസിഡന്റ് ആര്‍ ശ്രീലത , സീനിയര്‍ അസിസ്റ്റന്റ് ഷീജാബീഗം, എന്നിവര്‍ ആശംസ പറഞ്ഞു. സ്റ്റാഫ് സെക്രട്ടറി വി എസ് പുഷ്പരാജ് നന്ദി പറഞ്ഞു.
No comments:
Post a Comment