കഥ,കവിത രചനാ മത്സരം

പരിസ്ഥിതി ക്ലബ്ബിൻ്റെ ആഭിമുഖ്യത്തിൽ പരിസ്ഥിതി ദിനാചരണ പ്രവർത്തനങ്ങളുടെ തുടർച്ചയായ കഥ, കവിത രചനാമത്സരങ്ങൾ യുപി ഹൈസ്കൂൾ വിഭാഗം കുട്ടികൾക്കായി നടത്തി.

പരിസ്ഥിതി ദിനം -കഥാരചന  മത്സരം UP& HS

പരിസ്ഥിതിദിനം - കവിത രചന മത്സരം UP&HS

 

ലഹരി വിരുദ്ധദിനാചരണം

ഈ വർഷത്തെ ലഹരി വിരുദ്ധദിനാചരണ പ്രവർത്തനങ്ങൾ JRC യുടെ നേതൃത്വത്തിൽ നടന്നു. പ്ലക്കാർഡ് നിർമ്മാണം, ഫ്ലാഷ് മോബ് , ഗാനാലാപനം, ഇവ നടന്നു. പത്താം ക്ലാസിലെ സൂര്യ ലഹരി വിരുദ്ധ പ്രതിജ്ഞ മറ്റു കുട്ടികൾക്കു ചൊല്ലിക്കൊടുത്തു.

 

ദേശാഭിമാനി പത്രവിതരണം ഉദ്ഘാടനം

 ദേശാഭിമാനി അക്ഷരമുറ്റം പദ്ധതി പ്രകാരം സ്കൂളിനു വേണ്ടി പത്രവിതരണത്തിൻ്റെ ഉദ്ഘാടനം നെടുമങ്ങാട് സി പി എം ഏരിയ സെക്രട്ടറി ആർ ജയദേവൻ സ്കൂൾ ലീഡർ മാസ്റ്റർ അനന്തപത്മനാഭനു നൽകിക്കൊണ്ട് നിർവഹിച്ചു. ചടങ്ങിൻ പി ടി എ പ്രസിഡൻ്റ് അധ്യക്ഷനായി. ഹെഡ്മിസ്ട്രസ് ,പി ടി എ അംഗങ്ങൾ, സ്റ്റാഫ് സെക്രട്ടറി മുതലായവർ സംസാരിച്ചു.

സിനിമാഗാനാലാപനം-മൂന്നാം സ്ഥാനം

 പൂവച്ചൽ ഖാദർ അനുസ് മരണത്തോടനുബന്ധിച്ച് നടന്ന സിനിമാഗാനാലാപന മത്സരത്തിൽ കരിപ്പൂർ സ്കൂളിലെ അഞ്ചാം ക്ലാസിലെ കൊച്ചു മിടുക്കി അഭിനന്ദന ഡി മൂന്നാം സ്ഥാനം കരസ്ഥമാക്കി.

 ഫിലിം ക്ലബ്ബ് ,സ്കൂൾ ന്യൂസ് ക്ലബ്ബ് ഇവയുടെ ലോഗോ പ്രകാശനം മുൻ വിദ്യാർഥിയും ലോഗോ ഡിസൈനറുമായ മാസ്റ്റർ ജിതിൻ രാജ് നിർവഹിച്ചു.

യോഗ പരിശീലന ക്ലാസ്

  ഡോക്ടർ നൗഷാദ്, ഡോക്ടർ സുബിന എന്നിവരുടെ നേതൃത്വത്തിൽ ആയുഷ് മെഡിക്കൽ യൂണിറ്റിന്റെ ആഭിമുഖ്യത്തിൽ യോഗ പരിശീലന ക്ലാസ് നടത്തി .എട്ടാം ക്ലാസ് വിദ്യാർത്ഥികൾ പരിശീലനത്തിൽ പങ്കാളികളായി.

വായനാദിനം ,വിദ്യാരംഗം കലാസാഹിത്യ വേദി ഉദ്ഘാടനം

 വായനാദിനാചരണം ,വിദ്യാരംഗം കലാസാഹിത്യ വേദി ഉദ്ഘാടനം ഇവയ്ക്ക് പിടിഎ പ്രസിഡന്റിന്റെ അധ്യക്ഷതയിൽ കൂടിയ യോഗത്തിൽ എച്ച് എം ബീന ടീച്ചർ സ്വാഗതം ആശംസിച്ചു വിദ്യാരംഗത്തിന്റെ ഉദ്ഘാടനം സ്കൂൾ  ലൈബ്രറിയിൽ നിന്നും കഴിഞ്ഞ വർഷം ഏറ്റവും കൂടുതൽ പുസ്തകങ്ങൾ വായിച്ച 9 ബി യിലെ വിദ്യാർത്ഥിനികളായ സൂര്യ ,വർണ്ണന ഇവർ ചേർന്ന് നിർവഹിച്ചു .എച്ച് എസ് വിഭാഗം കുട്ടികളുടെ വീഡിയോ പ്രദർശിപ്പിച്ചു. പുസ്തക പരിചയം ഗ്രൂപ്പ് സോങ് ,ഡാൻസ്, പ്രസംഗം മുതലായ പരിപാടികൾ അരങ്ങേറി. പ്രസ്തുത പരിപാടിക്ക് അധ്യാപകർ ,പിടിഎ അംഗങ്ങൾ ഇവർ ആശംസയും ,ആശ ടീച്ചർ നന്ദിയും രേഖപ്പെടുത്തി.

പേവിഷബാധ: ബോധവൽക്കരണ ക്ലാസ്

 പൂവത്തൂർ പ്രൈമറി ഹെൽത്ത് സെൻററിൻ്റെ ആഭിമുഖ്യത്തിൽ കുട്ടികൾക്ക് പേവിഷബാധയ്ക്കെതിരെയുള്ള ബോധവൽക്കരണ ക്ലാസ് നൽകി JPHN മാരായ അശ്വതി ,ഐശ്വര്യ ഇവർ ക്ലാസ് നയിച്ചു.

എസ് പി സി പ്രവേശന പരീക്ഷ

 എസ് പി സി ജൂനിയർ കേഡറ്റ്സ് (2024-25) പ്രവേശന പരീക്ഷ ഐ ടി ലാബിൽ വച്ച് നടന്നു. പരീക്ഷയിൽ 65  കുട്ടികൾ പങ്കെടുത്തു. സി പി ഒ മാരായ ജിജു സാർ,സുനി ടീച്ചർ ഇവർ പരീക്ഷയ്ക്ക് നേതൃത്വം നൽകി .

അംഗീകാരം

ഇക്കഴിഞ്ഞ എസ്എസ്എൽസി പരീക്ഷയിൽ 100% വിജയം കരസ്ഥമാക്കിയതിനുള്ള അംഗീകാരം ബഹു മന്ത്രി ജി ആർ അനിനിൽ നിന്നും ഏറ്റുവാങ്ങി 

'കരിപ്പൂരിനൊപ്പം'

 കരിപ്പൂർ ഗവൺമെൻറ് ഹൈസ്കൂളിലെ റിട്ടയേർഡ് അധ്യാപകകൂട്ടായ്മയായ'കരിപ്പൂരിനൊപ്പം' പ്രീ പ്രൈമറി വിദ്യാർത്ഥികൾക്ക് ആവശ്യമായ ഫർണിച്ചറുകൾ നൽകി.പരിസ്ഥിതി ദിനാചരണത്തോടൊപ്പം കരിപ്പൂർ ഗവൺമെൻറ് ഹൈസ്കൂളിൽ പ്രസ്തുത അധ്യാപകർക്ക് അനുമോദനവും സ്നേഹാദരങ്ങളും അർപ്പിക്കുന്ന ചടങ്ങ് സംഘടിപ്പിച്ചു.

പരിസ്ഥിതി ദിനാചരണം

 പരിസ്ഥിതി ദിനാചരണം വൃക്ഷത്തൈ നട്ടുകൊണ് പി ടി എ പ്രസിഡൻറ് ശ്രീ പ്രമോദ് ഉദ്ഘാടനം ചെയ്തുകുട്ടികൾക്കുള്ള ബോധവൽക്കരണ ക്ലാസ് നെടുമങ്ങാട് യൂണിറ്റ് ശാസ്ത്ര സാഹിത്യപരിഷത്ത് പ്രസിഡൻറ് ശ്രീ ചന്ദ്രൻ ചെട്ടിയാർ, സെക്രട്ടറി ശ്രീ അജിത് എന്നിവർ ചേർന്ന് നയിച്ചു.പരിസ്ഥിതിദിന പ്രതിജ്ഞ പരിസ്ഥിതിദിന കവിതയുടെ ദൃശ്യാവിഷ്കാരം കവിതാലാപനം, വൃക്ഷത്തൈ നടീൽ, സ്കിറ്റ്, പോസ്റ്റർ പ്രദർശനം മുതലായവ നടത്തി

സ്കൂൾ പ്രവേശനോത്സവം:

 കരിപ്പൂര് ഗവൺമെൻറ് ഹൈസ്കൂളിൽ പ്രവേശനോത്സവം നെടുമങ്ങാട് മുനിസിപ്പാലിറ്റി വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ശ്രീമതി പി വസന്തകുമാരി ഉദ്ഘാടനം ചെയ്തു.   പി ടി എ പ്രസിഡൻറ് ശ്രീ പ്രമോദ് അധ്യക്ഷത വഹിച്ച സമ്മേളനത്തിൽ വാർഡ് കൗൺസിലർമാരായ ശ്രീമതി. സംഗീത രാജേഷ്, ശ്രീമതി.സുമയ്യ മനോജ് എന്നിവർ സന്നിഹിതരായിരുന്നു.  ഒന്നാം ക്ലാസിൽ പുതുതായി പ്രവേശനം ലഭിച്ച കുട്ടികൾക്ക് നെടുമങ്ങാട് മുനിസിപ്പാലിറ്റി ബാഗും,കുടയും വിതരണം ചെയ്തു. പ്രീ പ്രൈമറി കുട്ടികൾക്ക് എബിലിറ്റി എയ്ഡ്സ് സെൻറർ പഠനോപകരണങ്ങൾ നൽകി. ,1994 പൂർവവിദ്യാർത്ഥി കൂട്ടായ്മ പഠനോപകരണങ്ങൾ നൽകി. രക്ഷിതാക്കൾക്കുള്ള ബോധവൽക്കരണ ക്ലാസ് അധ്യാപകനായ  ശ്രീ . സുധീർ നയിച്ചു. ഹെഡ്മിസ്ട്രസ് ശ്രീമതി ബീന കെ പി,എസ്എംസി ചെയർമാൻ ശ്രീ ലൈജു, എം പി ടി എ പ്രസിഡൻറ് ശ്രീമതി . ബിജി എസ് നായർ, യുവ എഴുത്തുകാരിയും കരിപ്പൂര് ഹൈസ്കൂളിലെ പൂർവ്വ വിദ്യാർത്ഥിനിയുമായ ശാലിനി എന്നിവർ സംസാരിച്ചു.