ശാസ്ത്ര ക്വിസ്സിൽ രണ്ടാം സ്ഥാനം

 സംസ്ഥാന യുവജന ക്ഷേമ ബോർഡിൻറെ തിരുവനന്തപുരം ജില്ലാതല ശാസ്ത്ര ക്വിസ്സിൽ രണ്ടാം സ്ഥാനം, ( 5000/- രൂപ ക്യാഷ് പ്രൈസ്  ) നേടിയ കരിപ്പൂർ ജി എച്ച്എസിലെ വൈഷ്ണവ് & അദ്വൈത്.

 

സ്കൂൾ സുരക്ഷാസമിതി

   സ്കൂൾ സുരക്ഷാസമിതിയുടെ മീറ്റിംഗ് ഇന്ന് നാലുമണിക്ക് ചേർന്നു.നെടുമങ്ങാട് കെഎസ്ഇബി സബ് എഞ്ചിനീയർ,പൂവത്തൂർ പ്രാഥമിക ആരോഗ്യ കേന്ദ്രം ഹെൽത്ത് ഇൻസ്പെക്ടർ ,കരിപ്പൂർ വില്ലേജ് ഓഫീസർ ,നെടുമങ്ങാട് ഫയർഫോഴ്സ് അസിസ്റ്റൻറ് സ്റ്റേഷൻ ഓഫീസർ, പിടിഎ അംഗങ്ങൾ, എംപിടിഎ ,എസ്എംസി അംഗങ്ങൾ ,അധ്യാപക പ്രതിനിധികൾ ഇവർ യോഗത്തിൽ പങ്കെടുത്തു.സ്കൂളിൽ സുരക്ഷയുമായി ബന്ധപ്പെട്ട് സ്വീകരിക്കേണ്ട പ്രധാന നടപടികൾ യോഗം ചർച്ച ചെയ്യുകയും അതിനനുസരിച്ച് വേണ്ട സുരക്ഷാ മാർഗങ്ങൾ അടിയന്തിരമായി നടപ്പിലാക്കാൻ തീരുമാനിക്കുകയും ചെയ്തു.

 

IIST സന്ദർശനം

  National Space Day യുടെ ഭാഗമായി 20 കുട്ടികളും, 2അധ്യാപകരും അടങ്ങുന്ന സംഘം വലിയമല IIST സന്ദർശിച്ചു. Demonstration class, Lab ഇവ നിരീക്ഷിച്ചു.

 

സംഘാടകസമിതി യോഗം

കിഫ്ബി ഫണ്ട് ഉപയോഗിച്ച് നിർമ്മിച്ച ഇരുനില മന്ദിരത്തിന്റെ ഉദ്ഘാടനവുമായി ബന്ധപ്പെട്ട സംഘാടകസമിതി യോഗം രണ്ടുമണിക്ക് സ്കൂൾ ഓഡിറ്റോറിയത്തിൽ ചേർന്നു.നഗരസഭ പൊതുമരാമത്ത് സ്റ്റാൻഡിങ് കമ്മിറ്റി ചെയർമാൻ,വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ശ്രീമതി വസന്തകുമാരി,വിവിധ വാർഡ് കൗൺസിലർമാർ ,മറ്റു മേഖലകളിലെ പ്രതിനിധികൾ ,അപിടിഎ ,എം പിടിഎ, എസ് എം സി അംഗങ്ങൾ, അധ്യാപകർ ഇവർ യോഗത്തിൽ പങ്കെടുത്തു. നഗരസഭ ചെയർപേഴ്സൺ ചെയർമാൻ ആയും എച്ച് എം കൺവീനറായും ചുമതലയേറ്റയോഗത്തിൽ ഇതര കമ്മറ്റി അംഗങ്ങളെ തെരഞ്ഞെടുത്തു.

 

നൗഷാദ് സാർ മെമ്മോറിയൽക്വിസ്

 നൗഷാദ് സാർ മെമ്മോറിയൽ എവർ റോളിംഗ് ട്രോഫി ഉപജില്ലാതലക്വിസ് മത്സരം 9.30 ന് രജിസ്ട്രേഷനോടെ ആരംഭിച്ചു. 12ടീമുകൾ മത്സരത്തിൽ പങ്കെടുത്തു. ഇതിൽ വെള്ളനാട് സ്കൂളിലെ ടീം ഒന്നാം സ്ഥാനത്തോടെ ട്രോഫിക്ക് അർഹത നേടി. 1, 2, 3 സ്ഥാനങ്ങൾ നേടിയ കുട്ടികൾക്കുള്ള ക്യാഷ് പ്രൈസ്, പങ്കെടുത്ത എല്ലാ കുട്ടികൾക്കും സർട്ടിഫിക്കറ്റ് ഇവ വിതരണം ചെയ്തു.ട്രോഫി സ്വാതന്ത്ര്യ ദിനത്തിൽ നെടുമങ്ങാട് AEO, BPC സാറിൻറെ കുടുംബാംഗങ്ങൾ , എച്ച്എം. ഇവർ ചേർന്ന് വിജയികൾക്ക് സമ്മാനിക്കും.

 

ഹിരോഷിമ ദിനാചരണം

   സോഷ്യൽ സയൻസ് ക്ലബ്ബിൻറെ ആഭിമുഖ്യത്തിൽ ഹിരോഷിമ ദിനാചരണം നടത്തി. യുദ്ധവിരുദ്ധ പ്രസംഗം, ഗാനാലാപനം, പ്രതിജ്ഞ ഇവ നടത്തി .യുദ്ധവിരുദ്ധ പ്രതീകമായി ബലൂൺ എച്ച് എം ബീന ടീച്ചർ ആകാശത്തേക്ക് പറത്തി.

 

അങ്കണത്തിൽ ഒരു തേൻ മാവ്

 JRC യുടെ ഭാഗമായിസ്കൂൾ അങ്കണത്തിൽ ഒരു തേൻ മാവിൻതൈ  എച്ച് എം ബീന ടീച്ചർ,ജെ ആർ സി കേഡറ്റ്സ് ഇവർ ചേർന്ന് നട്ടു.ജെ ആർ സി ചാർജുള്ള അധ്യാപകരായ ഷെറിൻ ടീച്ചർ ,അനു ടീച്ചർ ഇവർ നേതൃത്വം നൽകി.

 

 

ചാന്ദ്രദിന ക്വിസ്സിൽ ഒന്നാം സ്ഥാനം

 നെടുമങ്ങാട് ഉപജില്ലാതല ഹൈസ്കൂൾ വിഭാഗം ചാന്ദ്രദിന ക്വിസ്സിൽ ഒന്നാം സ്ഥാനം നേടിയ വൈഷ്ണവ് എ കെ (Std8)& അദ്വൈത് ആർ (Std 9 ).

 

സ്കൂൾതല ശാസ്ത്രമേള

 സ്കൂൾതല ശാസ്ത്ര, ഗണിതശാസ്ത്ര, സാമൂഹ്യശാസ്ത്ര പ്രവർത്തിപരിചയമേള നടന്നു.

 

ഇൻറർ ഹൗസ് ഫുട്ബോൾ മത്സരം

 2.00 മണി മുതൽ ജൂനിയർ ബോയ്സ് , സബ്ജൂനിയർ ബോയ്സ് ,ഗേൾസ് വിഭാഗങ്ങളിലായി ഫുട്ബോൾ മത്സരം നടത്തി.